MALAKHAI 2:9 - Mara Bible RV (BSI)

⁹ Ei lâpi a chhih leipa ei chi ta, ryhpa kyh liata khokhei viapa nama hnei tyhpa vâta, kei chhao ta chyhsa hmiakô liata cha panawhsa ei na ta, mohnao chhihpa ta ei cha tao ha ei,” Pheisaihzy Abeipa ta a tah.

MALAKHAI 2:9 ပူးပေါင်းရင်းမြစ်များ

1 ABEIZY 22:28

Mikai ta, “Thlalôhpa ta na vaw kua heih khiahta cha, Abeipa ta keima hmâpa ta bie a rei leipa a châ aw,” tah ta. Mikai ta, “Nâmo, phopi zydua saih u, nathlie teh u!” tah ta.

ZAWBÂ 32:21

Ahy hmah khokhei via leipa aw na ta, Ahy hmah papyupahly aw va na.

BIESOZY 10:7

Mosiapa atheithlâhna cha vânoh tona châ ta, Moleipa moh deikua cha a thuzao aw.

BIESOZY 12:8

Pahnona phapa a hneipa chyhsa cha reithaina hlao ta, Palôh chhiepa chyhsa deikua cha mohnaona a hlao tyh.

EZEKIA 13:21

Ei phopi luh nama khunazy hrie aw na ta, ei phopi cha nama ku tawhta pachha aw ei na ta, patupa hawhta nama ku liata y khao aw veih ei. Chatanachata Abeipa ei châ tahpa nama pahno aw.

EZEKIA 7:26

Chhiena nata chhiena a patho aw ta, bie pathâhpa nata bie pathâhpa â pazi aw. Hraoleipa ta hrohsopa tawhta aluahna tlua aw ei ta, theihthaipazy tawhta ryhpa lei aw ta, machâzy tawhta ryhraokheina a lei aw.

MIKÂ 3:11

Khihpi chhituhpazy ta Panaopapana ta ryureih ei ta, A theihthaipazy ta Ty hneipa ta ama pachu; Hrohsopazy ta tâkâ hmô nawpa ta Pachaona rai ama hria tyh; Chatanachôta Abeipa liata a pahnieh ei ta, “Eima hry liata Abeipa y vei ma? Eima chô liata chhiena vaw tlô aw vei,” Ama tah tyh.

NÂHU 3:6

Apuapa cha thy thlu aw na ta, Saw ta cha reih aw va na; Pahneiparâsaopa ta ei cha soh aw.

MALAKHAI 2:3

“Moh teh u, nama pathlazy chhorei aw ei na ta, nama hmia liata ie ei hnia aw. Nama kyhchhina iezy tlai cha nama hmia liata hnia aw na ta, cha iezy chhao chata siekheipa nama châ aw.

MALAKHAI 2:8

“Châhrasala lâpi tleisai ei chi ta, nama pachuna ta chyhsa hluhpi pahluasapa ta, Livai biehrai cha nama parao haw.

LUKA 10:29

Dâhthaipa cha thaichâ a chhuahpa ta, Zisu hnohta, “Cha khiahta la ei vaih cha ahy maw?” tah ta.

LUKA 11:42

“Nâmo, Phârisaihzy saih u, nama hu a po na! Pudinâ nata sysadi nata âhnalasi to tawhta su hrawh su kha pie tyh ei chi ta, adona nata Khazohpa kyhpachâna hmâchhâh uasa leipa ta nama y. Chazy cha nama tao awpa tlai châ ta, ahropazy chhao uasa leipa ta nama y awpa châ vei.

KALATIA 2:6

Chyhsa peimawhpa hawhta a lâpazy he, ama châna vâta kei liata ananona y hlei vei. Khazohpa cha khôtho lâ alânazie ta pachia vei. Chyhsa peimawhpa hawhta a lâpazy heta na phahnaikhei hlei veih ei.

RYHPACHANEINA 1:17

Ryureina liata thlua hlei nama hnei awpa châ vei. Mochyhpa nata molaipa bie â lyupa ta nama nathlie awpa châ ta, ahy hmia hmah nama moh awpa châ vei. Ryureina cha Khazohpa eih a châ. Nama châta bie rupa cha ei hnohta vaw tlôkhei tyh aw ei chi ta, kei ta ei pachia tyh aw,’ tah na ta.

1 SAMUELA 2:30

Chavâta Abeipa Izarei Khazohpa ta hetana heta a tah: ‘Na chipathlazy nata châ pathlatuhpa chipathlazy cha ei hmiakô liata chhâzaw ta ama y aw,’ tahpa ta bie a vaw taih taraw na ta, tahmâ deikua cha Abeipa ta, ‘Cha hawhta châ khao aw vei, nâ palyupalihpa maih palyupalih aw ei na ta, nâ mohnaopa maih cha ama noh â li lymâ aw.