MALAKHAI 2:7 - Mara Bible RV (BSI)

⁷ Theihthaipa hmao ta pahnona pabohsa ta, Pheisaihzy Abeipa lyuhchâpa a châpa vâta, Chyhsazy ta a pakah tawhta pachuna ama mokhâh tyh.

MALAKHAI 2:7 ပူးပေါင်းရင်းမြစ်များ

2 ABEIZY 16:11

Theihthaipa Uria ta maisâh tao ta. Bei Ahâza ta Dâmaskâ tawhta a vaw paphaopa hawh tlai ta, theihthaipa Uria ta Dâmaskâ tawhta Bei Ahâza a vaw tlô hlâta maisâh cha tao ta.

2 ABEIZY 16:16

Theihthaipa Uria ta Bei Ahâza biepiepa hawhta, cha zydua cha tao ta.

2 THÂTIHZYRONA 30:22

Abeipa chakaona rai liata a saomâ ngaitapa Livai pathla zydua chô liata Hezekia ta thapatlôna bie reih ta. Kyhchhi pati cha noh sari chhôh nie ei ta, aryhna hlâna atheihnazy hlâpa ta, Abeipa, ama pathlatuhpazy Khazohpa chô liata alyna bie reih ei ta.

2 THÂTIHZYRONA 31:4

Theihthaipazy nata Livai pathlazy ta Abeipa ryhpa hawhta chakaona rai ama hria thei nawpa ta, theihthaipazy nata Livai pathlazy tovyuh awpa raopazy cha ama hnohta pie lymâ awpa ta, Zerusale liata a pahrâpazy biepie ta.

EZRÂ 7:10

Ezrâ cha Abeipa Ryhpa a chu ta, â chupazy cha hrokhei ta, Abeipa bieraopazy nata pachianazy cha, Izarei liata pachu awpa ta a palôh liahsa tao ta.

EZRÂ 7:25

“Chatawhcha nâ, Ezrâ y, na ku liata a ypa Khazohpa sona hawhta, Chavah Haosâ lâta a ypa râh zydua pachia awpa ta, na Khazohpa ryhpa a pahnopazy cha, pachiatuhpazy nata ryureituhpazy ta na rao aw ei. Na Khazohpa ryhpa a pahno leipazy cha na pachu aw ei.

BIESOZY 5:2

Chatanachata novâhna hnei aw chi ta, Na hmaozy ta pahnona â vao aw.

BIECHHOTUHPA 5:5

Bie a taih tlôh ta patlô leipa hlâta cha, bie a taih leipa a pha via.

ISAI 42:19

Nâ chakaotuhpa tah leipa ta cha, Ahy ma a mo a chao tly? Ei lyuhchâpa ei tuapa hawhta Nahpâpa ahy ma a y tly? Ahy ma ei tlyhpa hawhta a mo chao ta, Abeipa chakaotuhpa hawhta a mo a chao tly?

ISAI 44:26

Nâ chakaotuhpazy bie pa-i na ta, Ei lyuhchâpazy ryhraopa a patlôsatuhpa ei châ. Zerusale kyh liata, ‘Cha liata chyhsa ama pahrâ heih aw,’ tah na ta, Zudâh khihpizy kyh liata, ‘Paduapathipa châ aw ei ta, Roryhrapa khihpizy ei paduapathi aw ei,’ A tahtuhpa ei châ.

ZEREMIAH 15:19

Chavâta Abeipa ta hetana heta a tah: “Na vaw kua khiahta cha, Cha paduapathi aw na ta, Ei hmiakô liata nâ duah heih aw. Hmo sôhpa kyh reih la, Hmo phahnai leipa na reih leipa khiahta cha, Ei pakah hawhta na châ aw. Nâ lâ a vaw heih aw ei ta, Nâ deikua cha âmo lâ a heih aw va chi.

ZEREMIAH 18:18

Chatawhcha âmo ta, “A vy teh u, Zeremiah he tei ei suh u, theihthaipa tawhta ryhpa diah leipa aw ta, chyhsa sopa tawhta ryhraona diah hra leipa aw ta, hrohsopa tawhta bie diah hra aw vei. A vy teh u, paleih ta ano cha tu ei sih la, a bie kheihawhpa hmah nathlie khah ei suh u,” tah ei ta.

ZEREMIAH 2:8

Theihthaipazy ta, ‘Abeipa khataih liata a y?’ Tah leipa ei ta; Ryhpa a hmâhtuhpazy chhao ta, Na pahno veih ei. Ryureituhpazy ta nâ dyuh ei ta, Hrohsopazy ta Bâlâ moh ta hrohsona bie phuahpa ta, Hmo phahnai leipazy amâ chadai.

EZEKIA 22:26

Râh theihthaipazy ta ei ryhpa thata parao ei ta, ei hmo pathaihpazy ama papuapalei. Hmo pathaihpa nata hmo zawrâpa pahrua leipa ei ta, hmo pathaih leipa nata hmo pathaihpa likah ananona pachu hra veih ei. Ei Pahâ­nohzy chhao a papeisa veih ei. Chavâta ama hry liata papuapaleipa ta ei y.

EZEKIA 7:26

Chhiena nata chhiena a patho aw ta, bie pathâhpa nata bie pathâhpa â pazi aw. Hraoleipa ta hrohsopa tawhta aluahna tlua aw ei ta, theihthaipazy tawhta ryhpa lei aw ta, machâzy tawhta ryhraokheina a lei aw.

DÂNIAH 11:33

Zawpi hry liata chyhsa sopazy ta, chyhsa hluhpi pachu aw ei ta, châhrasala noh hluhpi chhôh cha zaozi ta tlyma, meipaleih ta tlyma, sei châna ta tlyma, hraona ta tlyma chyhsa hluhpi ama pao aw.

HÔSIA 4:6

Pahno leina vâta Ei phopi cha paraopa a châ; Pahnona na dythapa vâta, Ei theihthaipa na châna tawhta Ei cha dytha ha hra. Na Khazohpa ryhpa na mypa vâta, Kei chhao ta na sawzy ei my hra aw.

THEIHTHAINA 10:11

Abeipa ta Mawsi hmâpa ta Izarei sawzy hnohta bieraopa a reipa zydua cha, âmo nama pachu lymâ awpa a châ,” tah ta.

ZEPHANIA 3:4

A hrohsopazy cha, Chyhsa â khotlâh kawpa châ ei ta, Dôvei hmâhpa chyhsa ama châ; A theihthaipazy ta hmo pathaihpa papuapalei ei ta, Ryhpa ama parao tyh.

HÂKAI 1:13

Abeipa lyuhchâpa Hâkai ta, “Abeipa ta, ‘Nama hnohta ei y,’ a tah” tahpa ta Abeipa bietapa cha zawpi hnohta phuah ta.

ZEKARIA 7:3

Pheisaihzy Abeipa o liata a ypa theihthaipazy nata hrohsopazy hnohta, “Kô hluhpi ei vaw tao tyhpa hawhta, thla pangawhna a vaw diehna maihta apananopa ta kâhvileipa ta nata mâchhiesapa ta ei y aw ma?” tahpa ta hiahri ei ta.

MALAKHAI 3:1

“Moh teh u, ei hmia lâta lâpi a chhuahdy awpa ta, ei lyuhchâpa ei vaw tuah aw. Nama tluapa Abeipa cha ano Achhyna o lâ eikhapi ta â vy aw. Moh teh u, nama tlaichhaipa biehrai lyuhchâpa cha â vy hai,” Pheisaihzy Abeipa ta a tah.

MALUHREINA 27:21

Ano cha theihthaipa Eliaza hmiakô liata a duah aw ta, theihthaipa Eliaza ta Abeipa hmiakô liata Uri hmâpa ta pachiana bie a hiahripa tyh aw. Ano nata a hnohta a ypa Izarei zawpi zydua ano rei sai ta pua aw ei ta, ano rei sai ta amâ ngia aw,” tah ta.

ZAWHÂNA 13:20

Hmeiseihta ta, hmeiseihta ta ei cha chho ei, ahy rai ei tuapa a lypa cha, keima nâ lypa châ ta, ahy rai keima nâ lypa cha, nâ tuahtuhpa a lypa a châ,” tah ta.

ZAWHÂNA 20:21

Zisu ta ama hnohta, “Nama chô liata thlalôhna y mawh sy. Paw ta kei eina tuapa hawhta, kei ta nâmo ei cha tuah ei,” tah heih ta.

HMOTAOPAZY 16:17

Cha chanô chata Pawla nata keimo miah zi ta, “He chyhsazy he Chônôchai Khazohpa chakaotuhpazy ama châ, pachhana lâpi ama cha vaw chho hih,” tahpa ta awh ta.

2 KAWRINI 5:20

Chavâta Krista lyuhchâpazy châ pi ta, Khazohpa ta keimo miah hmâpa ta a châ haw ei. Khazohpa nata a ryhpa ta y awpa ta, Krista vyuhpa ta eima châ haw.

KALATIA 4:14

Ei duahmo kha nâmo châta tymâna châ hra sala, na mohnao leipa ei chi ta, na pasi hra veih ei chi. Khazohpa vâlyuhchâpa hawhta tlao nâ ly ei chi ta, Krista Zisu hawh tlai ta einâ ly ei chi.

RYHPACHANEINA 21:5

Chatawhcha Livai sawchapaw theihthaipazy hmia lâ ama vaw pua aw. Âmo cha Abeipa nama Khazohpa ta ano chakao awpa nata Abeipa moh ta byhnâ aw awpa ta a raopazy ama châ. Chavâta biepeipa nata atudaina kyhzy cha âmo pachiazie hawhta a châ aw.

RYHPACHANEINA 24:8

“Phawhpa hri kyh liata, pakhâta ta tao aw ei chi ta, theihthaipa Livai chizy ta ama cha chhopa hawhta nama tao aw. Ama hnohta bie ei piepa hawhta, a sohsi ngaitapa ta nama tao aw.

1 THYSALAWNIKA 4:8

Chavâta he hmo a papeisa leituhpa cha, chyhsa a papeisa leipa châ leipa ta, a Thlahpa Pathaihpa miah pietuhpa Khazohpa a papeisa leipa a châ.

1 SAMUELA 2:17

He satliazy moleina he Abeipa mohmô liata rarôh y ngaitapa châ ta, he chyhsazy heta Abeipa lâta atheihna hlâpazy khâpasaw ta reih veih ei.