MALAKHAI 2:3 - Mara Bible RV (BSI)

³ “Moh teh u, nama pathlazy chhorei aw ei na ta, nama hmia liata ie ei hnia aw. Nama kyhchhina iezy tlai cha nama hmia liata hnia aw na ta, cha iezy chhao chata siekheipa nama châ aw.

MALAKHAI 2:3 ပူးပေါင်းရင်းမြစ်များ

1 ABEIZY 14:10

Chavâta nathlie teh, Zerôbaw pathlazy chô liata hmo pha leipa ei vaw patlôsa aw. Chapaw maih cha, sei chhao, khotalaipa chhao, Zerôbaw tawhta ei chhawh pathlah khai ha aw ei. Zerôhaw o cha, chyhsa ta viahchao ie a raopa hawhta, a kâ patlô hana taihta mei ta ei rao khai ha aw.

ZAWBÂ 20:7

Ano ie hawhta chhâzaw ta leidia aw ta, A vaw hmô hapazy ta, ‘Khataih lia a y haw?’ ama tah aw.

HLAZY 47:5

Khazohpa cha rahaona chhaota chô lâ kiah ta, Abeipa cha chiahmie pyu chhaota a kiah haw.

HLAZY 83:10

Âmo cha Enadaw liata pahleipadiapa châ ei ta, Chhaohlei châta ie hawh dei ama châ haw.

PUASAINA 29:14

Viahchao tôhpa sa, a vo nata a iezy deikua cha, riehmo khôtho liata na rao awpa a châ. Cha cha moleina hlâna a châ.

ZEREMIAH 8:2

kyh ama pachâpa, ama chakaopa, ama pazipa, ama tluapa nata amâ chhypa noh, thlâpâ nata awhsi zydua hmiakô liata zawpa ama châ aw. Pakhypa châ khao leipa aw ei ta, pabupa châ hra aw veih ei. Ie hawhta alei chô liata pasichhihpa ta ama y aw,” Abeipa ta a tah.

ZÔELA 1:10

Lyuzy rao khai ta, Sâhzy a rao khai haw; Kresawhti kua ta, Sathaw a hi haw; Chavâta chhaohlei cha mâchhiesapa ta a y.

ZÔELA 1:17

Chizy cha alei ry liata thu ei ta, Sawvâzy a rua; Sâh thiehpa a y leipa vâta, Apâhzy phiepa a châ.

THEIHTHAINA 26:16

kei chhao ta nama chô liata he hmozy he ei tao aw: Nama chô liata hmo chichhihpa patlôsa aw na ta, nama mo pazohsa ta, nama hrona a pahlei theipa chaohpa hri nata chasipazy ei chareisa aw. Hraoleipa ta chi cheih aw ei chi ta, nama chariahpazy nie awpa a châ aw.

NÂHU 3:6

Apuapa cha thy thlu aw na ta, Saw ta cha reih aw va na; Pahneiparâsaopa ta ei cha soh aw.

MALAKHAI 2:9

Ei lâpi a chhih leipa ei chi ta, ryhpa kyh liata khokhei viapa nama hnei tyhpa vâta, kei chhao ta chyhsa hmiakô liata cha panawhsa ei na ta, mohnao chhihpa ta ei cha tao ha ei,” Pheisaihzy Abeipa ta a tah.

LUKA 14:35

Alei châta phahnai leipa aw ta, lei phapa tao nawpa ta sahroh ie liata pahlao tlâh chhao châ aw vei. Thy awpa deita a châ aw. Thei nawpa nakhaoh a hneipa ta thei mawh sy,” tah ta.

1 KAWRINI 4:13

Reipachhiepa ta eima y nahta, bie pha eima hlâ tyh. Tanoh taih heta hnaihny hawhta pachâpa châ pi ta, khizaw puapa zydua atohna hawhta pachâpa eima châ.

RYHPACHANEINA 28:38

“Lyu liata sâh hluhpi tu aw ei chi ta, khawsu ta nie khai aw ta, a chyhta dei nama hria aw.