MALAKHAI 2:2 - Mara Bible RV (BSI)

² Nathlie leipa u la, nama pathipalôh liata a vao hra leipa sala, ei moh nama palyupalih leipa khiahta cha, nama chô liata chhiesana patlôsa aw na ta, nama byhnâzy cha chhiesana lâta ei palie aw. Hmeiseihta cha nama pathipalôh liata namâ vao leipa vâta, tahmâ tlai chhao heta chhiesana lâta ei palie haw,” Pheisaihzy Abeipa ta a tah.

MALAKHAI 2:2 ပူးပေါင်းရင်းမြစ်များ

HLAZY 69:22

Ama hmiakô liata ama tlâhkhai cha, Khoheih vaw châ sala; Thlalôhpa ta ama y hai nota, Âmo châta aphyh châ mawh sy.

BIESOZY 3:33

Abeipa chhiesana cha hmoparaopa­ o liata y ta, Mosiapa pahrâna deikua cha byhnâ a pie tyh.

ISAI 42:25

Chavâta a pathiiana ru ngaitapa cha, A chô liata lei thlu ta; Adyuhna ru ngaitapa a lei thlu haw. Cha chata Izarei cha mei liata phôh ta, Châhrasala pahno vei; Mei chata kâ lymâ ta, Châhrasala a palôh liata soh hlei vei.

ISAI 47:7

“Abeinô ei châ kôzaw aw,” tah chi ta, Cha hmozy cha na palôh liata soh beih leipa chi ta, Ama chhâ nawpazie chhao pachâ va chi.

ISAI 57:11

Ahy ma chi chi ta, Ahy nâ ngiarohpa vâta ma, Haipa bie reih chi ta; Kei nâ thei khao leipa chi ta, Na palôh liata eina so khao vei chi tly? A chalih thlâh ha na ta, Bohpi ei chalih thlâh hapa vâta, Eina chi leipa chi châ vei ma?

ZEREMIAH 34:17

“Chavâta Abeipa ta hetana heta a tah: Nama unawhpa nata nama vaih châta khotalaina phuah awpa kyh liata, chyhsa to ta ei bie zyh veih ei chi. Nathlie teh u, nâmo châta khotalaina ei phuah. Cha khotalaina deikua cha, zaozi nata potlana nata chakâhna zy a tyh awpa khotalaina a châ aw. Khizaw khinarâh zydua ta rarôh y ama tah awpa ta ei cha tao aw ei, Abeipa ta a tah.

EZEKIA 3:7

Izarei pathlazy deikua cha, khi châpa nata palôh kuhchhapa ama châpa vâta, ei bie nathlie khoh leipa ei ta, nâma bie chhao nathlie khoh aw veih ei.

HÂKAI 1:6

A hluhpi tu ei chi ta, a chyhta dei nama hria. Nie ei chi ta, nama lôhrâ tlô hlei vei. Doh ei chi ta, nama dâhphi pai hlei vei. A bu ei chi ta, lalôh hlei veih ei chi. Hria hlao la ei chi ta, sahria pyupa liata khô awpa châ deita ta a hlaopa nama châ.

HÂKAI 1:9

“Kôvei pha awpa hnabeiseih ei chi ta, moh teh u, a chyhta dei nama hria. O lâ phaoh ei chi ta, châhrasala ei hmô pathlah khai haw. Khâpa vâta ma a châ? Pheisaihzy Abeipa ta a tah. Ei o vâta a châ. Nâmo nama o chyu nama sa hôlô nota, keima o deikua cha araopa ta khâ a y.

MALAKHAI 2:1

“Chavâta nâmo, theihthaipazy saih u, he biepiepa he nâmo châta a châ:

MALAKHAI 3:9

Eina hrao ngâ thlâh hapa vâ ei chi ta, nama râh dua ta chhiesana ry liata nama y.

LUKA 17:18

He chihropa dei leipa heta, Khazohpa reithai awpa ta a vaw kuapa pakha chhao y veih ei ma?” tah ta.

ZAWSUA 7:19

Zawsua ta Âkhâ hnohta, “Ei sawchapawpa, Abeipa Izarei Khazohpa parônahsa la, a hnohta a phuah teh. Khâpa hmo ma na tao tahpa na chho la, na phih khah y,” tah ta.

1 PITY 4:11

Ahy rai bie a reihpa maih Khazohpa bie hawhta reih sala, a chakaopa maih Khazohpa ta thatlôna a piepa lymâ hawhta chakao mawh sy. Chatanachata Zisu Krista vâta Khazohpa cha kyh to liata palyupalihpa ta a y thei aw. Rônahna nata hmotaotheina cha chhâzaw nata tlyzaw ta ano eih châ tlôh ta. Amen.

BIEPHUAH 14:7

Ano chata ao paro ngaitapa ta, “Khazohpa chi u la, ano cha palyupalih teh u, a pachiana daihti a vaw tlô haw. Avâ nata alei, tilaipi nata tihnawh a taotuhpa cha a chhy teh u,” tah ta.

BIEPHUAH 16:9

Chatanachata chyhsazy cha ama u khaina taihta noh sah ngaitapa ta pakâhpa châ ei ta, potlana chô liata biehneituhpa Khazohpa moh cha chhiesapa ei ta. Châhrasala ro khoh hlei leipa ei ta, Khazohpa palyupalih veih ei.