MALAKHAI 2:17 - Mara Bible RV (BSI)

¹⁷ Nama biezy ta Abeipa rie nama pathei kaw tyh. Châhrasala nâmo ta, “Kheihta ma Abeipa rie cha eima pathei,” nama tah. “Moleina hmo a taopa zydua Abeipa mohmô liata la pha khai ei ta, Abeipa ta â ly kaw ei na,” tah ei chi ta, “Adona Khazohpa cha khataih liata ma a y?” nama tahpazy liana heta Abeipa rie nama pathei haw.

MALAKHAI 2:17 ပူးပေါင်းရင်းမြစ်များ

ZAWBÂ 34:17

Adona a haopa ta ryu a reih thei aw ma? Mosiapa nata thatlôpa cha thailei na pachâsa aw ma?

ZAWBÂ 34:36

Zawbâ cha moleipa hawhta achhyna a taopa vâta, Achhâna taihta pasiapa châ sala ei tah kaw dia!

ZAWBÂ 36:17

“Châhrasala moleipazy pachiana ta nâma tlao cha vi ta, Pachiana nata adona ta a cha patu haw.

ZAWBÂ 9:24

Khizaw he moleipazy ku liata piepa châ ta, Pachiatuhpazy hmia a khu ha ei; Cha cha ano taopa a châ vei khiah, Ahy hropa ma a tao aw?

BIECHHOTUHPA 8:11

Moleina hmo a taopazy cha thlai ta hriepa ama châ leipa vâta, chyhsa sawzy palôh cha moleina kyh liata a riah a pha tlamaw tyh.

ISAI 1:14

Nama thla thiehpa kyhchhi ei hro ta a hao ta, Nama daihti eihpa kyhchhizy ei hro ta â hao; Ei châta phaohri deita châ ei ta, Phaoh thei khao va na.

ISAI 29:15

Ama ryhraopa Abeipa tawhta nyu awpa ta, Su a thu ngaitapa lâ a pangaipazy cha, Ama hu a po na! Zohna ry liata hmo tao ei ta, “Ahy ma miah a hmô aw? Ahy ma miah a pahno aw?” Ama tah tyh.

ISAI 30:18

Chatahrasala Abeipa cha, Cha ngiachhie awpa ei ta cha hâ thlâh ha ei ta; Nama chô liata zawngiahna palâsa awpa ta, Anosasyh ta â cheihchalo aw. Abeipa cha adona Khazohpa châ ta, Ano a hâtuhpazy cha vânoh ama to aw.

ISAI 43:22

“Châhrasala Hy Zakaw, Na pado khoh leipa chi ta; Hy Izarei, noai tlao eina tah chi!

ISAI 43:24

Tâkâ ta basuh thlôhpa na chaleipa beih leipa chi ta, Atheihnazy na hlâna thawzy ta Lôhrâ na patlô beih hra va chi. Na moleinazy ta phaohri tlao na pavi chi ta, Na paraonazy ta ei rie tlao eina pathei chi.

ISAI 7:13

Chatawhcha Isai ta, “Hy Dâvi pathlazy saih u, tahmâ thei teh u! Chyhsa rie nama pathei ha tawhta cha a daih ha bâ vei ma, khazia ei Kha­zopa taihta a rie nama pathei tly?

ZEREMIAH 12:1

Hy Abeipa, ei cha paphôh thlupa chhao ta, Nâ la a do pyly chi ta, Chatahrasala ei cha nôuna bie ei cha vaw tlôkhei aw. Kheihtazieta ma hmoparaopazy lâpi patlâ ta, Haiphiahpazy ama hlao a tloh thlâh ha tly?

ZEREMIAH 15:6

Na thy ha chi ta, Hnôh nâ sy lymâ. Chavâta na chô liata ei ku hy na ta, Ei cha pahleipadia haw; A ngiapachhi tiah khao va na, Abeipa ta a tah.

ZEREMIAH 17:15

Pachâ teh, chyhsazy ta ei hnohta, “Abeipa bie cha khataih liata a y? Vaw tlô bao sa,” Ama tah tyh.

ZEREMIAH 44:22

Hmo moleipa nama taopazy nata hmo pasichhihpa nama taopazy Abeipa ta chhyh thei khao vei. Chavâta nama râh cha tanoh duahmo hawhna heta, râh roryhrapa, râh rypa nata chhiesapa râh châ ha ta, a chhôh liata a pahrâpa chhao ama y khao vei hih.

EZEKIA 16:43

“Na thyudyu daihti a thei khao leipa chi ta, cha hmozy ta ei ru eina pachhôpa vâ chi ta, moh teh, na hmotaopazy tlai cha na luh chô liata ei vaw patlôsapa a châ, Abeipa Zehôvâh ta a tah. Na pasichhihna hropa zydua liata na sihryhna na baichha heihpa châ vei ma?

EZEKIA 18:25

“Chatanachôta, ‘Abeipa lâpi cha a do vei,’ nama tah thlâh ha chy pyly. Hy Izarei pathlazy saih u, nathlie teh u: Ei lâpi cha a do vei ma? Nâmo lâpizy kha adoleipa tlao châ vei ma?

EZEKIA 8:12

Chatawhcha ei hnohta, “Chyhsa sawchapawpa y, Izarei pathla machâzy ama khazoh nothlahpa chhôhpadâhpa chyu liata y ei ta, zohna liata hmo ama taopazy kha na hmô ma? ‘Abeipa ta miah hmô bao vei, Abeipa ta râh he a siesai ha bao na,’ ama tah khaw,” tah ta.

EZEKIA 9:9

Abeipa ta ei hnohta, “Izarei nata Zudâh pathlazy moleina rarôh a y tu haw. Râh cha thisai ta bie ta, khihpi chhao avyuhna ta a bie. ‘Abeipa ta râh siesai ha ta, Abeipa ta hmô vei,’ ama tah.

AMÔSÂ 2:13

“Pachâ teh u, sapiah a phaohpa talailih ta alei a vipa hawhta, Nama yna liata ei cha vi aw ei.

ZEPHANIA 1:12

Cha daihti liata, Meiôh ta Zerusale ei tlua aw; Nyu chaopahrâ liata Kresawhti didâh hawhta Chhôhmohpa ta y ei ta, Ama palôh liata, ‘Abeipa ta hmo phapa tao leipa aw ta, Hmo chhiepa chhao tao hlei aw vei,’ A tahtuhpazy ei hrie aw ei.

MALAKHAI 2:14

Chatanachôta, “A chhâpa khâpa ma a châ tly?” nama tah thlâh ha chy. A chhâpa cha, Abeipa cha nâ nata na thyutlia no lapinô likah bie pahnokheituhpa châ ta, na lapinô cha nâ kaolâhpa, biehrai na taokheipa châ ta, châhrasala ano châta ngâ nâ chhih khao leipa vâta a châ.

MALAKHAI 3:8

Chyhsapa ta Khazohpa a hrao aw ma? Nâmo deikua ta cha eina hrao tyh ei chi. Châhrasala nâmo ta, ‘Kheih ta ma eima cha hrao tyh?’ nama tah. Su hrawh su kha nata thyunazy liata eina hrao tyh ei chi.

RYHPACHANEINA 32:4

“Lôpanô cha a hmotaopazy siapaki ta, A lâpi zydua â do. Ano cha Khazohpa ngâchhihpa châ ta, Paraona hnei leipa ta, Asiapa nata adopa a châ.

1 SAMUELA 2:3

“A palai ngaitapa ta bie reih khao leipa u la, Nama pakah tawhta sâlâna bie pua khao khah sy; Abeipa cha pahnona Khazohpa châ ta, Chyhsa hmotaopazy kho a pathliahtuhpa a châ.