MALAKHAI 2:15 - Mara Bible RV (BSI)

¹⁵ Sapa nata thlahpa liata pôhkha châpa ta ano eih ama châ thei nawpa ta, Khazohpa ta pôhkha ta a taopa châ veih ei ma? Khazia pôhkha ta a tao ei? Khazohpa ta ano khozie hawhta a ypa chipathla a tluapa vâta, pôhkha ta a taopa ei a châ. Chavâta nama thlahpa hro a phapa ta vaih u la, ahy rai a thyutlia no lapinô châta a ngâchhihna pahlei beih khah sy.

MALAKHAI 2:15 ပူးပေါင်းရင်းမြစ်များ

ÂTHAONA 1:27

Khazohpa ta ano kakuapa ta chyhsapa tao ta, Khazohpa kakuapa tlai ta ano cha tao ta; Chapaw nata chanô ta a tao ei.

ÂTHAONA 2:7

Chatawhcha Zehôvâh Khazohpa ta chhaohlei tawhta dohlei ta chyhsapa tao ta, a hnapasu liata hrona hu so thlu ta, chatanachata chyhsapa cha hrona hneipa a vaw châ haw.

ÂTHAONA 24:44

ei hnohta, “Doh mah y, na râraoseihpazy châta chhao ti ei thaipa hra aw,” a tahtuhpa cha, ei zibeipa sawchapawpa châta Abeipa raopa chanô châ mawh sy,’” tah na ta.

ÂTHAONA 27:46

Rebekâ ta Aisika hnohta, “Hiti chanôzy vâna heta, hro eina ai kaw. Zakaw ta âmo hawhpa Hiti chanô, he râh zuah he lapinô ta a hnei hra chhochhi khiahta cha, hro he ei châta khâpa a phahnai aw?” tah ta.

ÂTHAONA 6:2

Khazohpa sawchapawzy ta chyhsapa sawchanôzy cha chhithai tah kaw ei ta, ama khopa chyu lapinô ta hnei ei ta.

EZRÂ 9:4

Cha hawhta a pachâna pahno leipa ta zâlâ atheihna hlâ daihti taihta ei tyuh thlâh nota, seichâna tawhta a vaw kuapazy paraona vâta Izarei Khazohpa bie ta a chalyupazy ei kiapâh liata a vaw hmaoh ei ta.

NEHEMIAH 13:24

Ama saw khophiezy cha Asadô reih tlao cheih ei ta, Zudâh reih cheih thei leipa ei ta, ama nôzy reih tlao ama chei khai haw.

ZAWBÂ 27:3

Keima liata ei hu y chy ta, Ei hnapasu liata Khazohpa thlahpa a y chhôh cha,

PUASAINA 20:14

Nâ phei awpa châ vei.

BIESOZY 2:17

Cha chanô cha a thyutlia nota â kaolâhpa siesai ta, A Khazohpa biehrai a my hapa a châ.

BIESOZY 4:23

Na palôh pakhâta ta vaih mah y, Hrona tihnawh vaw puana châ tlôh ta.

BIESOZY 6:25

A chhithaina cha na palôh ta tlaichhai leipa sala, A mopadei ta a cha patu awpa a pasaih khah y.

BIESOZY 7:25

Chanô hrozie lâ cha nama palôh a heih leipa sala, A lâpi lâ tlei khuh vy.

BIECHHOTUHPA 12:7

dohlei a yna tyhpa alei lâ a kua heih hlâta nata thlahpa a pietuhpa Khazohpa lâ a kua heih hlâta, châ Taotuhpa cha khâ a thei mah y.

ZEREMIAH 2:21

Chatanachôta kre zôh phapa hawhta cha loh na ta, Chi patapa hawhta ei cha loh. Kheihtazieta ma na chi patana padâh laih ta, Lyurâhpa kre zôh lâta nâ lie ha tly?

HÔSIA 1:10

“Chatahrasala Izarei saw maluh cha rei tiah leipa nata panua tiah leipa tilaipi sadi zie hawhta châ aw ei ta, ‘Ei phopi châ veih ei chi’ tahpa ta ama awna su liata, ‘Khazohpa hrohpa sawzy nama châ’ tahpa ta awpa tlao ama châ ha aw.

THEIHTHAINA 20:10

“Ahy rai chyhsa lapinô liata tlyma, a vaih lapinô liata tlyma â phei khiahta cha, apheipaw nata apheinô cha ama pano ta thie thlyu awpa a châ.

MALAKHAI 2:14

Chatanachôta, “A chhâpa khâpa ma a châ tly?” nama tah thlâh ha chy. A chhâpa cha, Abeipa cha nâ nata na thyutlia no lapinô likah bie pahnokheituhpa châ ta, na lapinô cha nâ kaolâhpa, biehrai na taokheipa châ ta, châhrasala ano châta ngâ nâ chhih khao leipa vâta a châ.

MATHAI 15:19

Moleina pachâna, lianycheina, apheina, apatlana, paruna, haipa bie reipa nata reipachhiena zy he palôh tawhta a kaw puapa a châ.

ZAWHÂNA 20:22

Cha biezy cha a rei khai nahta, âmo cha a hu so thlu ta, ama hnohta, “Thlahpa Pathaihpa hnei teh u.

HMOTAOPAZY 3:25

Nâmo he hrohsopazy saw châ ei chi ta, Khazohpa ta châ pathlatuhpazy hnohta biehrai tao ta, Abarahâ hnohta, ‘Na pathla tawhta khizaw liata phopi to byhnâ topa ta ama y aw,’ a vaw tahpa biehrai sawzy nama châ.

1 KAWRINI 7:14

Vahpa ngiapâleipa cha, a lapinô zawhzi ta pathaisapa ta y ta, lapinô ngiapâleipa chhao, a vahpa zawhzi ta pathaisapa ta a y. Chata châ vei sala, nama sawzy cha pathaih leipa ama châ aw. Tahmâ deikua cha ama pathaih.

1 KAWRINI 7:2

Châhrasala apatlana moleina khôkhâh nawpa ta, chapaw ta lapinô hnei chyu ei sala, chanô chhao ta vahpa hnei chyu mawh ei sy.

2 KAWRINI 6:18

Nama paw châ aw na ta, Ei sawchapawzy nata ei sawchanôzy nama châ aw, Abeipa Atotaotheipa ta a tah,” a tahpa hawhna khata.

EPHESI 6:4

Nâmo, pawzy saih u, nama sawzy ru pachhô leipa u la, Abeipa chhoreina nata pachuna liata tlao mohôh teh u.

RYHPACHANEINA 7:4

Chataleipatala keima pazina tawhta nama sawchapawzy patleisapa ta, Khazoh hropazy chakaosa aw ei ta, nama chô liata Abeipa a pathi iapa ta, thlai a cha pahleipadia pathlei aw ei.

TITU 1:6

Awnanopa chhituhpa châ awpa ta cha, seina hnei leipa, lapinô pakha a hneipa, a sawzy nôchhiepa nata reingiah leipa châ leipa ta, ngiapâtuhpa ama châ awpa a châ.

RUTHI 4:12

Abeipa ta he laihsa liata chipathla cha pie aw ta, ano liana chata, na pathlazy cha Tâmâri ta Zudâh châta a sapa Pereza pathlazy hawhta vaw châ mawh ei sy,” tah ei ta.

1 SAMUELA 2:20

Eli ta Elkânâ nata a lapinô cha byhnâ awpa ta, “He chanô ta Abeipa lâ a hlâ hapa vyuhpa ta, ano liana heta Abeipa ta saw hropazy cha pie mawh ei sy,” tah ta. Cha khai tawhta ama o lâ a lie ha ei ta.