MALAKHAI 2:14 - Mara Bible RV (BSI)

¹⁴ Chatanachôta, “A chhâpa khâpa ma a châ tly?” nama tah thlâh ha chy. A chhâpa cha, Abeipa cha nâ nata na thyutlia no lapinô likah bie pahnokheituhpa châ ta, na lapinô cha nâ kaolâhpa, biehrai na taokheipa châ ta, châhrasala ano châta ngâ nâ chhih khao leipa vâta a châ.

MALAKHAI 2:14 ပူးပေါင်းရင်းမြစ်များ

ÂTHAONA 2:18

Zehôvâh Khazohpa ta, “Chapaw ano dei ta a ypa he pha vei, ano baotuhpa â khypa ei taopa aw,” tah ta.

ÂTHAONA 31:50

“Ei sawchanôzy he pasasapa ta, ei sawchanôzy thota lapinô hropazy na hnei khiahta cha, ahy hmahta eima hnohta ama y leipa chhao ta, moh teh, Khazohpa cha keima nata nâma likah liata pahnokheituhpa a châ,” tah ta.

BIESOZY 2:17

Cha chanô cha a thyutlia nota â kaolâhpa siesai ta, A Khazohpa biehrai a my hapa a châ.

BIESOZY 30:20

He he apheinô hro cha a châ: A nie khai tawhta a hmao a hru ta, “Moleina hmo khâpa hmah tao va na,” a tah tyh.

BIESOZY 5:20

Ei sawchapawpa y, khazia chanô ngâchhih leipa iahzaipa ta y aw chi ta, Apheinô hnôbia cha nâ pyhpahly aw?

BIECHHOTUHPA 9:9

Tihu buakha a vaw lâ ta a lei heihpa hawhta, Khazohpa ta noh ry liata noh chyhta a cha piepa liana heta, na kyhpachâpa na lapinô hnohta na hro a lypa ta hmâh mah y. Cha cha na hro chhôh ta na tovyuh châ ta, noh ry liata na hriapasana lymâ a châ.

HLAZY HLA 1:15

Nâ ngia kaw dia, ei lôhdunô, Âh, nâ vaw ngia tlai na; Na mokhaohzy cha vachhuhzy a lyu.

ISAI 54:6

Lapinô mapa palôh pasa ngaitapa aw pakhuapa hawhta, Abeipa ta cha aw pakhua ta; Thyutlia daihti lapinô mapa aw pakhuapa hawhta, Abeipa ta a cha aw pakhua, Na Khazohpa ta a tah.

ISAI 58:3

‘Kâhvileipa ta y pi ta, Khazia na hmô khoh vei? Keimosasyh ta a panawh pi ta, Khazia na pahno khoh vei?’ ama tah. Pachâ teh u, kâhvileipa ta y tlai ei chi ta, Châhrasala nâmo pha nawpa ta nama tao; Nama rai hriatuhpazy nama tlybai pyly.

ZEREMIAH 29:23

Izarei râh liata hmo chhie ngaitapa taopa ta ama vaih lapinôzy liata a phei ei ta, bie ei pie leipa pi tlai ta, ei moh ta haipa biezy ama reipa vâta, cha hawhta taopa ama châ aw. Cha cha a pahnotuhpa nata a pahnokheituhpa ei châ,” Abeipa ta a tah.

ZEREMIAH 42:5

Âmo ta Zeremiah hnohta, “Abeipa na Khazohpa ta miah chho awpa ta a cha tuapa bie zydua hawhta eima tao leipa khiahta cha, Abeipa cha miah padei awpa ta bie a pahnokheituhpa dopa nata ngâchhihpa châ mawh sy.

ZEREMIAH 8:12

Hmo pasichhihpa ama tao no khata, Nozana châh zy ama pahno tlyma i? Khâpa nozana châh cha ma ama pahno bao aw! Ama noza tiarâh leipa ta, Hmiachhie nawpa châh chhao pahno veih ei. Chavâta a paopazy hry liata pao hra aw ei ta, Âmo ei hriena daihti liata, Thy pathlahpa ama châ aw,” Abeipa ta a tah.

ZEREMIAH 9:2

Râhchawhpa liata khichhai riebu ei hnei mawh sala, Ei phopi he siesaipa ta, Âmo tawhta ei pua syulyu ha awpa tlai! Ama zydua ta apheipazy châ ei ta, Haiphiahpa ypakhypa ama châ.

EZEKIA 16:8

“‘Cha vaw chapiapa ta, ei cha hmô heih nahta, moh tua, dyhchâ a vaw daih ha chi ta, chatanachata ei poh hy na ta, na thluahruana ei cha khu. Bie châ taih na ta, biehrai liata châ ngiakhei na ta, chatanachata kei eih na vaw châ haw,’” Abeipa Zehôvâh ta a tah.

MIKÂ 1:2

Hy phopizy saih u, thei u la, Nama zydua ta thei teh u; Hy leilô y, nathlie la, A chhôh lia a ypa zydua chhao nathlie teh u. Abeipa Zehôvâh ta cha leih ei ta, Abeipa ta Achhyna o pathaihpa tawhta a cha leih ei.

MALAKHAI 2:15

Sapa nata thlahpa liata pôhkha châpa ta ano eih ama châ thei nawpa ta, Khazohpa ta pôhkha ta a taopa châ veih ei ma? Khazia pôhkha ta a tao ei? Khazohpa ta ano khozie hawhta a ypa chipathla a tluapa vâta, pôhkha ta a taopa ei a châ. Chavâta nama thlahpa hro a phapa ta vaih u la, ahy rai a thyutlia no lapinô châta a ngâchhihna pahlei beih khah sy.

MALAKHAI 3:5

“Pachia awpa ta châ vaw hnia aw ei na ta, dyuthaipazy, apheipazy, haipa ta bie â taihpazy, ama raihriatuhpazy hlao â dopa ta a pie leipazy, nôhmei nata hara a tlybaipazy, chihropa nama hry liata a ypazy chô liata adoleipa ta hmo a taopazy nata nâ chi leipazy châta, a chatliepa ta âmo a leihtuhpa ei châ aw,” Pheisaihzy Abeipa ta a tah.

MALAKHAI 3:8

Chyhsapa ta Khazohpa a hrao aw ma? Nâmo deikua ta cha eina hrao tyh ei chi. Châhrasala nâmo ta, ‘Kheih ta ma eima cha hrao tyh?’ nama tah. Su hrawh su kha nata thyunazy liata eina hrao tyh ei chi.

RYUREITUHPAZY 11:10

Kilia machâzy ta Zephathâ hnohta, “Abeipa cha eima likah liata pahnotuhpa a châ aw. Na reipa hawhta eima tao tlai aw,” tah ei ta.

1 SAMUELA 12:5

Samuela ta ama hnohta, “Ei ku liata adoleina khâpa hmah hmô veih ei chi tahpa tanoh he Abeipa cha nâmo châ pahnokheituhpa châ ta, a sathawthupa chhao pahnokheituhpa a châ hra,” tah ta. Âmo ta, “Ano cha pahnokheituhpa a châ,” tah ei ta.