MALAKHAI 2:10 - Mara Bible RV (BSI)

¹⁰ Paw pakha saw châ khai ma pi ma? Khazohpa pakha ta a taopa châ ma pi ma? Khazia unawh nata unawh likah liata a ngâna pahlei pi ta, miah pathlatuhpazy biehrai eima papuapalei tly?

MALAKHAI 2:10 ပူးပေါင်းရင်းမြစ်များ

NEHEMIAH 13:29

Hy ei Khazohpa y, theihthaipa raihria, theihthaipa biehrai nata Livai biehrai ama papuapaleipa vâta, âmo cha a thei thlâh ha mah y.

ZAWBÂ 31:15

Chhi chhôh liata keima nâ taotuhpa ta ano chhao tao hra vei ma? Chhi chhôh liata miah a palaiseihsa raihriepa cha pakha châ vei ma?

HLAZY 100:3

Abeipa cha pahno teh u; Ano cha Khazohpa châ ta, Miah taotuhpa a châ; Keimo he a chyhsazy châ pi ta, A sibiepa su liata mietakuzy eima châ.

PUASAINA 19:4

‘Izi mo chô liata ei hmotaozie nata pahmôhpi mathlaw ta cha phaoh ei na ta, kei lâta ei châ chhipa ei kha nâmo tlai ta nama hmôpa kha a châ.

PUASAINA 19:5

Chavâta tahmâ pakhâta ta ei bie nathliepa ta, ei biehrai nama zyh khiahta cha, khizaw phopi zydua hry liata ei ryuto eihpa nama châ aw, khizaw zydua he kei eih châ tlôh ta.

PUASAINA 24:3

Mawsi cha zu ta, Abeipa bie zydua nata ryhpa zydua cha zawpi hnohta za chho ta, chyhsa zydua ta, “Abeipa reipa zydua cha eima tao aw,” tahpa ta â raohpa ta a chhy ei ta.

PUASAINA 24:7

Biehrai Châbu la ta, zawpi theina liata reih ta, zawpizy ta, “Abeipa reipa zydua tao aw pi ta, eima zyh aw,” tah ei ta.

ISAI 43:1

Tahmâ deikua cha, Hy Zakaw, châ paysatuhpa Abeipa ta hetana heta tah ta; Hy Izarei, châ paduatuhpa Abeipa ta hetana heta a tah: “Chi khah y, ei cha chatlai haw; Na moh ta cha aw na ta, Keima eih mah na châ tâh.

ISAI 43:15

Kei he Abeipa nama Mo Pathaihpa cha châ na ta, Izarei a paysatuhpa nama Beipa cha ei châ.”

ISAI 43:7

Ei rônahna châta paysa na ta, Kei ta padua na ta, kei ta ei taopa, Ei moh a phaohpa maih a vaw chhi khai mah y.”

ISAI 44:2

Cha tao ta, nô chhi chhôh tawhta cha padua ta, Châ bao lymâ awpa Abeipa ta hetana heta a tah: Hy nâ chakaotuhpa Zakaw y, chi leipa la, Hy ei tlyhpa Zesuruh y, chi khah y.

ISAI 51:2

Châ pathlatuhpa Abarahâ lâ kha moh u la, Châ satuhnô Sârâ lâ moh teh u. Abarahâ kha ei aw nota ano pakha dei châ ta, Byhnâ pie na ta, maluh hluhpi ta ei tao.

ISAI 63:16

Abarahâ ta miah pahno vei hra sala, Izarei ta miah pachâ vei hra sala, Nâ cha eima Paw mah na châ tâh. Hy Abeipa, nâ cha eima Paw châ chi ta, Na moh cha hlâno tawhta miah Chatlaituhpa a châ.

ISAI 64:7

Na moh a padopa y leipa ei ta, Nâ châ patu awpa ta, Âmosasyh ta â pahrapa y veih ei. Na hmia miah nyusai ha chi ta, Eima moleina ku liata thuzao awpa ta miah na tao haw.

ISAI 64:8

Tahmâ deikua cha, Hy Abeipa y, Nâ cha eima Paw na châ. Keimo cha beihlei châ pi ta, Nâ cha miah vituhpa na châ; Eima zydua heta na ku ta a taopa eima châ khai.

ZEREMIAH 31:9

Chana chôta ta a vy aw ei ta, Zawngiah awpa ta amâ hawna chôta Ei chhi pakhua aw ei. Izarei châta paw châ na ta, Epharai cha ei sawchapaw uhtheipa a châ; Chavâta vahtie ti lona kiahzy liata pasiesa aw ei na ta, Amâ chapia lei nawpa ta lâpi palâpa liata ei chhi aw ei.

EZEKIA 33:24

“Chyhsa sawchapawpa y, Izarei râh su rypazy liata a ypazy ta, ‘Abarahâ kha ano pakha dei châ ta, chatanachôta râh hnei thei ta, keimo cha a hluhpi châ pi ta, râh cha eima ryuto châta piepa eima châ haw,’ tah ei ta.

MALAKHAI 1:6

“‘Sawchapaw ta a paw palyupalih ta, sei ta a zibeipa a palyupalih. Nâmo, theihthaipa, ei moh nâ pachhietuhpazy saih u, paw ei châ khiahta cha, ei phuhpa palyupalihna cha khataih liata ma a y? Zibeipa ei châ khiahta cha, ei phuhpa chizana cha khataih liata ma a y?’ Pheisaihzy Abeipa ta a cha tah ei. Châhrasala nâmo ta, ‘Kheihta ma na moh cha eima cha pachhie?’ nama tah.

MALAKHAI 2:11

Zudâh ta ngâchhihna pahlei ha ta, Izarei nata Zerusale liata hmo pasichhihpazy taopa a châ. Zudâh ta chihropa khazoh sawchanôzy lapinô ta hnei ta, Abeipa ta a pasô ngaitapa a supathaihpa cha a papuapalei haw.

MALAKHAI 2:8

“Châhrasala lâpi tleisai ei chi ta, nama pachuna ta chyhsa hluhpi pahluasapa ta, Livai biehrai cha nama parao haw.

MATHAI 10:21

Thie awpa ta, unawhpa ta a unawhpa patusa aw ta, paw ta a saw a patusa aw. Sawzy ta nôpawzy a dyuh aw ei ta, ama pathiesa aw.

MATHAI 22:16

Ama pachupazy nata Herawda py liata chyhsazy ano lâ tuah ei ta, âmo ta a hnohta, “Pachutuhpa, chyhsa dopa na châpa pahno pi ta, Khazohpa lâpi â dopa ta pachu chi ta, chyhsa pachâna la hlei leipa chi ta, chyhsa pôraoh nata hmisâ zy moh va chi tahpa eima pahno.

MATHAI 3:9

‘Abarahâ pathla eima châ,’ a tah khuh vy. Khazohpa ta he alôzy tawhna heta Abarahâ pathlazy a padua thei tahpa ei cha chho ei.

LUKA 1:73

Miah pathlatuhpa Abarahâ hnohta Miah bao awpa ta bie â taihpa hawhta,

LUKA 3:8

Rona moh phaoh tlâhpa ta pathei teh u. ‘Abarahâ pathla eima châ,’ a tah khuh vy. Khazohpa ta he alôzy tawhna heta Abarahâ pathlazy a padua thei tahpa ei cha chho ei.

ZAWHÂNA 8:39

Âmo ta a hnohta, “Keimo paw cha Abarahâ a châ,” tah ei ta. Zisu ta ama hnohta, “Abarahâ sawzy nama châ khiahta cha, Abarahâ taopazy nama tao hra awpa a châ.

ZAWHÂNA 8:41

Nama paw taopa hawhpa nama tao hra hih,” tah ta. Âmo ta a chhy ei ta, “Riasaw châ ma pi. Paw pakha hnei pi ta, cha cha Khazohpa a châ,” tah ei ta.

ZAWHÂNA 8:53

Miah pathlatuhpa Abarahâ hlâta na rônah via ma? Ano cha a thi ha mâh tâh! Hrohsopazy chhao ama thi haw! Ahy ta ma nâ reih?” tah ei ta.

ZAWHÂNA 8:56

Nâmo châ pathlatuhpa Abarahâ kha, keima noh hmô awpa hnabeiseihpa ta, a thapha ngaita tyh. Ei noh cha hmô tlai ta, â ly ngaita,” tah ta.

HMOTAOPAZY 17:24

Khizaw nata a chhôh liata hmo a ypa zydua a taotuhpa Khazohpa cha, alei nata avâ Beipa a châpa vâta, ku ta sapa achhyna ozy liata pahrâ vei.

HMOTAOPAZY 17:25

Hmo a phahlapa hawhta, chyhsapa ku ta chakao a ngiahpa châ hra vei. Ano tlai cha chyhsa zydua hnohta hrona nata husona nata hmo zydua a pietuhpa tlao a châ.

HMOTAOPAZY 17:26

Alei chô zydua liata pahrâ awpa ta, chyhsa pakha tawhta phopi to tao ta, ama châta daihtizy rao ta, ama y nawpa râhrizy a pakhâh.

HMOTAOPAZY 7:2

Stiphana ta, “Unawhzy nata pawzy saih u, na nathlie teh u. Miah pathlatuhpa Abarahâ kha Harânâ khih liata a y hlâ, Mesôpôtamia râh liata a y nona khata, rônahna Khazohpa ano lâ a vaw luah ta,

HMOTAOPAZY 7:26

A mylâ ta chyhsa pano amâ tu hai nota kei tlô ta, âmo cha paryh a chhuah ta, ‘Pâpuh saih u, unawh nama châ khawh, khazia namâ tu?’ tah ta.

RAWMA 4:1

Cha khiahta la, sapa ryhpa ta miah pathlatuhpa Abarahâ kha, khâpa hmo a hmôpa hawhta ma eima reih aw?

RAWMA 9:10

Cha dei châ vei, Rebekâ chhao kha chyhsa pakha liata, miah pathlatuhpa Aisika liata maphieh a phao no kha,

1 KAWRINI 8:6

keimo châta deikua cha, Paw Khazohpa pakha deita a y. Ano tawhta ato pua ta, keimo chhao ano châta a ypa eima châ. Abeipa pakha deita hnei pi ta, ano cha Zisu Krista a châ. Ano vâta ato y ta, keimo chhao ano vâta a ypa eima châ hra.

EPHESI 4:25

Chavâta haipa bâhsai u la, nama vaih hnohta biedopa reih chyu teh u. Pôhpa miakha tawhta a pachiahpa sai eima châ.

EPHESI 4:6

Khazohpa pakha deita a y. Ano cha ato Paw châ ta, ato chô liata y ta, ato chahryh khai ta, ato chhôh liata a y.

1 THYSALAWNIKA 4:6

He kyh liata ahy hmah a unawhpa chô liata moleipa ta hmopha leipa a tao awpa châ vei. Cha chho chhielie ha pi ta, a phapa ta zikyu eima châ râ hapa hawhta, Abeipa cha, cha hawhpa hmo a taotuhpa zydua chô liata phuh latuhpa a châ.

HEBRAI 12:9

Cha dei châ vei, lei liata miah chhoreituhpa pawzy hnei pi ta, âmo cha eima za ngaita. Eima hroh thei nawpa ta, eima thlahpazy Paw cha, cha hlâta tha via ta eima za awpa châ vei ma?

ZAWSUA 24:3

Nâmo châ pathlatuhpa Abarahâ kha Chavah khô lâ tawhta a vaw chhi na ta, Kâna râh chhôh zydua ei chhihtha. A chipathla papôh na ta, Aisika kha ei pie.