MALAKHAI 1:6 - Mara Bible RV (BSI)

⁶ “‘Sawchapaw ta a paw palyupalih ta, sei ta a zibeipa a palyupalih. Nâmo, theihthaipa, ei moh nâ pachhietuhpazy saih u, paw ei châ khiahta cha, ei phuhpa palyupalihna cha khataih liata ma a y? Zibeipa ei châ khiahta cha, ei phuhpa chizana cha khataih liata ma a y?’ Pheisaihzy Abeipa ta a cha tah ei. Châhrasala nâmo ta, ‘Kheihta ma na moh cha eima cha pachhie?’ nama tah.

MALAKHAI 1:6 ပူးပေါင်းရင်းမြစ်များ

HLAZY 123:2

Chakaotuhpazy mo ta ama zibeipa ku moh ta, Chakaotuhnô mo ta a zibeinô ku a mopa hawhta, Keima mo chhao Abeipa eima Khazohpa lâ moh ta, Zawh miah â ngiah hlâlei a moh tyh.

PUASAINA 20:12

“Na nô nata na paw palyupalih teh. Chatanachata Abeipa na Khazohpa ta râh a cha piepa liata na hro a pareih aw.

BIESOZY 17:6

Samohzy cha machâpazy lakho châ ei ta, Sawzy rônahna chhao ama pawzy a châ.

BIESOZY 30:11

Ama pawzy chô liata chhie a sapazy y ei ta, Ama nôzy byhnâ a awpa leipazy chhao ama y.

BIESOZY 30:17

Paw a mohnaopa mokhaoh nata Nô a nawhtawpa mokhaoh cha, Saikao raawhzy ta thaoh aw ei ta, Vâkhiehzy ta ama nie aw.

ISAI 1:2

Hy avâzy saih u, nathlie u la, Hy leilô, na nah pachô teh; Abeipa ta hetana heta a tah: “Sawzy a kuhkheipa ta palaiseihsa ei na ta, Châhrasala einâ chariah ha ei.

ISAI 43:23

Raopa hlânazy châta, Mietakuzy na vaw cheipa leipa chi ta; Atheihna hlâpa ta, Na palyupalih hra va chi. Hmohlâpazy hneibeiseihpa ta, Na phao cha pahri beih leipa na ta; Ropahâhpa hnabeiseihpa ta, Na rie cha pathei beih hra va na.

ISAI 45:10

A paw hnohta, ‘Khâpa saw ma na sa?’ A tahtuhpa cha a hu a po na! A nô hnohta, ‘Khâpa nawh ma nâ zeih?’ A tahtuhpa chhao a hu a po na!”

ISAI 64:7

Na moh a padopa y leipa ei ta, Nâ châ patu awpa ta, Âmosasyh ta â pahrapa y veih ei. Na hmia miah nyusai ha chi ta, Eima moleina ku liata thuzao awpa ta miah na tao haw.

ISAI 64:8

Tahmâ deikua cha, Hy Abeipa y, Nâ cha eima Paw na châ. Keimo cha beihlei châ pi ta, Nâ cha miah vituhpa na châ; Eima zydua heta na ku ta a taopa eima châ khai.

ZEREMIAH 23:11

“Hrohsopa nata theihthaipa ta Khazohpa papeisa leipa ei ta; Ei o chhôh cheingei liata Ama moleina ei hmô,” Abeipa ta a tah.

ZEREMIAH 3:4

Tahmâ tlai kha vei ma na aw chi ta, ‘Ei paw, ei thyutlia no tawhta ei viasa châ chi ta,

ZEREMIAH 31:9

Chana chôta ta a vy aw ei ta, Zawngiah awpa ta amâ hawna chôta Ei chhi pakhua aw ei. Izarei châta paw châ na ta, Epharai cha ei sawchapaw uhtheipa a châ; Chavâta vahtie ti lona kiahzy liata pasiesa aw ei na ta, Amâ chapia lei nawpa ta lâpi palâpa liata ei chhi aw ei.

ZEREMIAH 35:16

Rekhâ sawchapawpa Zônadâ pathlazy cha âmo pathlatuhpa biepiepa zyh ei ta, he phopi deikua he cha na nathlie veih ei.

EZEKIA 22:26

Râh theihthaipazy ta ei ryhpa thata parao ei ta, ei hmo pathaihpazy ama papuapalei. Hmo pathaihpa nata hmo zawrâpa pahrua leipa ei ta, hmo pathaih leipa nata hmo pathaihpa likah ananona pachu hra veih ei. Ei Pahâ­nohzy chhao a papeisa veih ei. Chavâta ama hry liata papuapaleipa ta ei y.

HÔSIA 12:8

Epharai cha a palai kawpa ta, “Âh, hneirôh ha na ta, Sôh nah thih ei hnei haw; Ei raihria zydua liata moleina hmô khao leipa aw ei ta, Paraona keima liata hmô khao aw veih ei,” a tah.

HÔSIA 4:6

Pahno leina vâta Ei phopi cha paraopa a châ; Pahnona na dythapa vâta, Ei theihthaipa na châna tawhta Ei cha dytha ha hra. Na Khazohpa ryhpa na mypa vâta, Kei chhao ta na sawzy ei my hra aw.

HÔSIA 5:1

Hy theihthaipazy saih u, He he thei teh u! Hy Izarei sawzy saih u, Nathlie teh u! Hy bei chhôhkhazy saih u, Nah pachôh teh u! Mizpâ châta khoheih châ ei chi ta, Tabaw liata sao nama paraipa vâta, Pachiana nama chô liata a vaw tlô.

THEIHTHAINA 19:3

Nama nô nata nama paw nama za chyu awpa châ ta, ei Pahânohzy nama chay awpa a châ. Kei he Abeipa nama Khazohpa ei châ.

ZEPHANIA 3:4

A hrohsopazy cha, Chyhsa â khotlâh kawpa châ ei ta, Dôvei hmâhpa chyhsa ama châ; A theihthaipazy ta hmo pathaihpa papuapalei ei ta, Ryhpa ama parao tyh.

MALAKHAI 2:1

“Chavâta nâmo, theihthaipazy saih u, he biepiepa he nâmo châta a châ:

MALAKHAI 2:10

Paw pakha saw châ khai ma pi ma? Khazohpa pakha ta a taopa châ ma pi ma? Khazia unawh nata unawh likah liata a ngâna pahlei pi ta, miah pathlatuhpazy biehrai eima papuapalei tly?

MALAKHAI 2:8

“Châhrasala lâpi tleisai ei chi ta, nama pachuna ta chyhsa hluhpi pahluasapa ta, Livai biehrai cha nama parao haw.

MALAKHAI 3:5

“Pachia awpa ta châ vaw hnia aw ei na ta, dyuthaipazy, apheipazy, haipa ta bie â taihpazy, ama raihriatuhpazy hlao â dopa ta a pie leipazy, nôhmei nata hara a tlybaipazy, chihropa nama hry liata a ypazy chô liata adoleipa ta hmo a taopazy nata nâ chi leipazy châta, a chatliepa ta âmo a leihtuhpa ei châ aw,” Pheisaihzy Abeipa ta a tah.

MATHAI 15:4

Khazohpa ta, ‘Na nô nata na paw palyupalih teh,’ tah ta, ‘A nô tlyma, a paw tlyma a reipachhietuhpa cha a thi thlyu awpa a châ,’ a tah.

MATHAI 15:6

a tahpa maih cha, hmopiepa ta a paw tlyma, a nô tlyma, a palyupalih awpa byuh khao vei,’ nama tah tyh. Nama taozietyhpa a tlychakapa ta, Khazohpa bie cha hraoleipa ta nama tao haw.

MATHAI 19:19

Na nô nata na paw palyupalih teh, tahpa nata Nâma kyh nâ pachâpa hawhta na vaih kyh na pachâ awpa a châ,” tah ta.

MATHAI 6:9

Chavâta nâmo la hetana heta thlahchhâ tyh muh vy: “‘Eima Paw vârâh liatapa, Na moh zachhih mawh sy.

MATHAI 7:21

“ ‘Abeipa, Abeipa,’ nâ tahpa maihta, vârâh khinarâh a ngia leipa aw ei ta, ei Paw vârâh liata a ypa khopa a taotuhpa deita ta â ngia aw.

MÂKA 10:19

Biepiepazy na pahno: ‘Liany cheih kha, Aphei kha, Paru kha, Haipa ta chyhsa leih kha, Chyhsa dôvei kha, Na nô nata paw palyupalih teh,’ tahpazy na pahno,” tah ta.

MÂKA 7:10

Mawsi ta, ‘Na nô nata na paw palyupalih teh. Ahy rai a nô tlyma, a paw tlyma a reipachhipa cha a thi tlai awpa a châ,’ tah ta.

LUKA 10:29

Dâhthaipa cha thaichâ a chhuahpa ta, Zisu hnohta, “Cha khiahta la ei vaih cha ahy maw?” tah ta.

LUKA 18:20

Biepiepazy na pahno: ‘A phei kha, Liany cheih kha, Paru kha, Haipa ta chyhsa leih kha, Na nô nata na paw palyupalih teh,’ tahpazy na pahno,” tah ta.

LUKA 6:36

Nama Paw cha zawngiah theipa a châpa hawhta, nâmo chhao zawngiahna hnei teh u.

LUKA 6:46

“Ei bie zyh tlôh leipa ei chi ta, khazia, ‘Abeipa, Abeipa,’ eina tah ei chi?

EPHESI 6:2

“Na nô nata na paw palyupalih teh,

RYHPACHANEINA 1:31

Chyhsa ta a sawchapawpa a pipa hawhta, Abeipa nama Khazohpa ta râhchawhpa liata cha pi laih ei ta, he su nama vaw tlôna taihta lâpi tlykha ta a cha pi lymâpa ei nama hmôpa hawhna khata,’ tah na ta.

RYHPACHANEINA 32:6

Hy nâmo, ahrupa nata angâpa phopi, Cha hawhta ma Abeipa cha viari nama thô? Ano cha châ taotuhpa nama paw châ ta, Cha tao ei ta nâmo châ paduatuhpa châ vei ma?

RYHPACHANEINA 5:16

“Abeipa na Khazohpa ta bie a cha piepa hawhta, na nô nata na paw palyupalih teh. Chatanachata Abeipa ta râh a cha piepa liata vânoh to aw chi ta, na hro a pareih aw.

1 PITY 1:17

Khokhei viapa hnei leipa ta, chyhsa to ama hmotaopa chyu hawhta pachiatuhpa cha Paw hawhta nama pado khiahta cha, khizaw liata nama y chhôh cha khitlyhpa hawhta y u la, Paw Khazohpa cha chiza muh vy.