MALAKHAI 1:4 - Mara Bible RV (BSI)

⁴ Edômâ ta, “Parao khaipa châ pi ta, châhrasala araopazy cha eima padua pathi heih aw,” tah hrasa la, Pheisaihzy Abeipa ta hetana heta a tah: “Ama padua ngyu ma, châhrasala phie aw na ta, ‘râh moleipa,’ nata ‘Abeipa hiehâhna chhâzaw ta a topa phopi,’ tahpa ta awpa ama châ aw.”

MALAKHAI 1:4 ပူးပေါင်းရင်းမြစ်များ

ZAWBÂ 12:14

A phie ha khiahta cha, Ahy hmah paduapathi thei leipa aw ei ta; Chyhsa a khawhlôh ha khiahta cha, Ahy hmah pahy thei aw vei.

ZAWBÂ 34:29

Châhrasala â chalih ha khiahta cha, Ahy ma thailei a pachâsa thei aw? A hmia a nyu ha khiahta cha, Ahy ma a hmô thei aw? Phopi ta hmô thei leipa aw ta, Chyhsapa ta hmô thei hra aw vei.

ZAWBÂ 9:4

Ano cha a palôh so ta, Thatlô hmotaotheipa a châ. A chô liata kuh a pachha ta, Hlaotlohpa ahy ma a y?

HLAZY 127:1

Abeipa ta o a sa vei khiahta la, A satuhpazy ama hriapasa thlâhthli. Abeipa ta khihpi a vaih vei khiahta la, A vaituhpa cha â hra thlâhthli.

HLAZY 137:7

Hy Abeipa, Zerusale pao nota Edômâ mo ta, “Parao teh u, parao teh u, Â bôna taihta parao khai teh u,” Ama tahpa bie kha my beih khah y.

HLAZY 33:10

Abeipa ta râhzy ryhraona cha hraoleipa ta pachâsa ta, Phopizy achhuahna a parao tyh.

BIESOZY 21:30

Kheihawhpa sona, novâhna nata ryhraothaina hmahta Abeipa cha pahnie aw vei.

ISAI 10:4

Atâhpazy hry liata a chakuhpazy tah leipa ta cha, Ahy hmahta pahlôhpa châ leipa aw ei ta, Thiepazy hry liata a paopazy tah leipa ta cha, Ahy hmahta pahlôhpa châ aw veih ei. Cha zydua cha a tao hapa chhao ta, A hiehâhna pai to leipa ta, A ku a hy ngâ thlâh ha chy.

ISAI 11:14

Epharai nata Zudâh cha, Notla lâta Philistinâ mo ngiatlâh liata a zâ zaw aw ei ta; Hmaohkha ta nochhi sawzy ama hrao aw. Edômâ nata Môabâ chô liata ama ku hy aw ei ta, Amawri mo ta ama rei amâ ngiah aw.

ISAI 34:10

Chhô nah zâ ta pachhaipa châ leipa aw ta, A meikhuh chhâzaw ta a khu aw. Chhâ zydua ta roryhrapa ta y aw ta, Chhâzaw nata tlyzaw ta ahy hmahta chapia khao aw veih ei.

ISAI 34:5

Dâhphi paina taihta, Ei zaozi ta avâ liata doh ha ta; Moh teh u, Edômâ pachia awpa ta za chô ta, Pahleipadia awpa ta ei raopa phopi chô liata a za chô.

ZEREMIAH 31:17

“Na hmialâ daihti châta hnabeiseihna a y, Na sawzy ama râh lâ ama vaw kua heih aw,” Abeipa ta a tah.

ZEREMIAH 49:20

Chavâta Edômâ chô liata Abeipa ta tao â chhuahpa he nathlie u la, Temâ mo chô liata tao â chhuahpazy he nathlie teh u: Sahroh zaw tawzy taihta a daophipa châ aw ei ta, ama hmo a tyhpa cha ama tlaihna sibiepa suzy taihta rarôh y ama tah aw.

ZEREMIAH 49:7

“Edômâ kyh liata, Pheisaihzy Abeipa ta hetana heta a tah: Temâ liata sona y khao vei ma? Asopazy ryhraona a chhâ ha ma? Ama sona a lei khai ha ma?

ZEREMIAH 49:8

Hy Dedâ râhsawzy saih u, A râ u la, lâpi tleipa ta, Khaohtlô a thupa liata a nyu teh u! Esaw ei hriena daihti liata, Esaw vâchhiena a chô liata ei vaw patlôsa aw.

ZEREMIAH 5:17

Na kôvei nata pati zy nie khai aw ei ta, Na sawchapawzy nata sawchanôzy ama nie khai aw. Na mietaku zawzy nata na viahchao hrizy nie khai aw ei ta, Na kre zôhzy nata na theiku kôzy ama nie khai aw. Nâ ngâchhâpa na thokhy khihpizy tlai chhao, Zaozi ta ama parao khai aw.”

CHAPHÔHTUNA 3:37

Abeipa ta bie a pie leipa khiahta cha, Ahy ma a bie reipa a patlôsa thei tly?

EZEKIA 11:10

Zaozi ta nama pao aw. Izarei râhri liata nama thâtih pachia aw na ta, Abeipa ei châ tahpa nama pahno aw.

EZEKIA 25:13

Abeipa Zehôvâh ta hetana heta a tah: Edômâ chô liata ei ku hy aw na ta, chyhsapa nata sazy a râh tawhta ei pahleipadia khai ha aw. Roryhrapa ta tao aw na ta, Temâ tawhta Dedâ taihta zaozi ta ama pao aw.

EZEKIA 25:14

Ei phopi Izarei ku ta Edômâ chô liata ei phuh la aw na ta, ei hiehâhna nata ei pathiiana lymâ hawhta Edômâ chô liata tao aw ei ta, chatanachata kei ta phuh ei lapa a châzie ama pahno aw, Abeipa Zehôvâh ta a tah.

EZEKIA 26:14

Lôpanô ruapa hawhta cha tao aw na ta, sao zawna châ deita na châ aw. Paduapathipa châ khao aw va chi, kei Abeipa ta ei reih haw, Abeipa Zehôvâh ta a tah.

EZEKIA 35:4

Na khihpizy a rypa ta tao aw na ta, roryhrapa ta vaw y aw chi ta, Abeipa ei châ tahpa na pahno aw.

EZEKIA 35:9

Roryhrapa ta y kôzaw awpa ta cha tao aw na ta, na khihpizy liata chyhsa pahrâ khao aw veih ei. Chatanachata kei he Abeipa ei châ tahpa nama pahno aw.

AMÔSÂ 1:11

Abeipa ta hetana heta a tah: “Edômâ moleina miathôh vâta, Âh, miaplih vâ chhao rai ta, Hriena chalihsa aw va na; Zaozi ta a unawhpa a chadai ta, Ngiachhiena zydua thy khaipa ta, A hiehâhna ta khâ hriechheih ta, A pathiiana chhâzaw ta â vao thlâh hapa vâta.

AMÔSÂ 3:15

Chasipaw o nata nopi o zy parao khai aw na ta, Sianaoh ozy leidia aw ei ta, O rônahpazy chhâna a tlô aw,” Abeipa ta a tah.

AMÔSÂ 5:11

Dyhchhiepazy tlybai ei chi ta, Sâh chhiezy nama kheipa vâta, Alô khaipa ta ozy sa hra u la, A chhôh lia pahrâ aw veih ei chi; Kre sadô khochhih kawpazy tao hra u la, A kresawhti doh aw veih ei chi.

AMÔSÂ 6:11

Pachâ teh u, Abeipa ta bie a pie haw; O laipa cha a bo bo ta pachhaihpa châ aw ta, O chyhpa chhao a tlawh tlawh ta pachhaihpa a châ aw.

AMÔSÂ 6:2

Kalne lâ sie u la, moh tua u, Cha tawhna chata Hâmathi laipa lâ sie u la, Philistinâ râh liata Kâthâ lâta zu tua u. Cha râhzy hlâta nama pha via ma? Nâmo râh hlâta âmo râh a lai via ma?

ÔBADIA 1:1

He biezy he Ôbadia aluahna châ ta, Abeipa Zehôvâh ta Edômâ kyh liata a reipa biezy a châ: Abeipa tawhta bie thei pi ta, Phopizy hry liata lyuhchâpa tuapa a châ; “Thyu teh u, Edômâ a dyuh ei suh u!” Tahpa ta ama pahrua.

ÔBADIA 1:10

“Na unawhpa Zakaw chô liata thachahra na hmâpa vâta, Nozana ta cha khu aw ta, Chhâzaw ta chhawh pathlahpa na châ aw.

MALAKHAI 1:3

Esaw deikua cha ei hao. A tlâhpizy roryhrapa ta soh na ta, a ryutozy cha râhchawhpa savaizy ei pie ha ei,” Abeipa ta a tah.

MATHAI 12:30

Ei chhâh a châ leipa cha nâ dyuhtuhpa châ ta, nâ pahmaohkhei leipa cha a papaituhpa a châ.