MALAKHAI 1:14 - Mara Bible RV (BSI)

¹⁴ “A sahroh zaw hry liata seina hnei leipa a chapawpa hnei thlâh ha tlôh ta, cha cha pie awpa ta bie chhao a vaw taih ha ta, hnôhlâ ta seina a hneipa sahroh Abeipa lâta a hlâpa, dôvei hmâhpa chyhsa cha chhiesapa ta a y aw. Kei he Bei rônahpa châ na ta, ei moh he phopizy hry liata chizapa ta a y aw,” Pheisaihzy Abeipa ta a tah.

MALAKHAI 1:14 ပူးပေါင်းရင်းမြစ်များ

ÂTHAONA 27:12

Ei paw ta na vaw hria sala, ano a dôveipa hawhta châ aw na ta, byhnâ châ leipa ta, ei chô liata chhiesana a patlôsatuhpa tlao ei châ aw mâh tâh,” tah ta.

2 SAMUELA 24:24

Châhrasala abei ta Araunâ hnohta, “Châ bao va, a mâ cha pie aw na ta, a chalei tlai ta tlao ei cha chalei aw. Khâpa hmah a pahryuh leipa ta Abeipa ei Khazohpa lâta raopa hlânazy hlâ chachei ta aw va na,” tah ta. Dâvi ta sawhri hmo nata viahchao tôhpazy cha tâkâ sekel sypangawh ta chalei ta.

HLAZY 102:16

Abeipa ta Zaio cha sa pathi aw ta, A rônahna chhaota â vaw luah heih aw.

HLAZY 47:2

Abeipa Chônôchaipa cha chi awpa châ ta, Ano cha alei chô zydua liata bei rônahpa a châ.

HLAZY 47:3

Phopizy eima ry liata panawhsa ta, Râhzy eima phei ry liata a panawhsa.

HLAZY 47:8

Khazohpa cha râhzy chô liata ryureituhpa châ ta, Khazohpa cha beidyuchhai pathaihpa liata a tyuhpa a châ.

HLAZY 48:2

A tlâh sâhzie angiana ta, Khizaw zydua palysa ta, Maw lâta Zaio Tlâh cha, Bei rônahpa khihpi a châ.

HLAZY 68:35

Hy Khazohpa, na supathaihpa liata chizapa châ chi ta, A phopi hnohta hmotaotheina nata thatlôna a piepa, Izarei Khazohpa na châ. Khazohpa cha reithaipa ta y mawh sy!

HLAZY 76:12

Ano cha ryureituhpazy thlahpa a chhawh pathlah theipa châ ta, Lei beizy ta ama chi awpa a châ.

HLAZY 95:3

Abeipa cha Khazohpa rônahpa châ ta, Khazoh zydua chô lâta Bei rônahpa a châ.

ISAI 57:15

Moh chônôpa nata cheihchalopa ta hetana heta tah ta, Tlyzaw ta a ypa, a moh Pathaihpa bipa ta hetana heta a tah: “Areisipazy thlahpa pahra ta, Angiapachhipazy palôh pahra awpa ta, Kei he su sâhpa nata su pathaihpa liata pahrâ na ta, Angiapachhipa nata areisipazy hnohta ei pahrâ.

ZEREMIAH 10:10

Abeipa deikua cha Khazoh hmeiseihpa châ ta, Khazoh hrohpa nata tlyzaw Bei a châ. A hiehâhna ta alei a chalyu ta, Phopizy ta a pathiiana tao thei veih ei.

ZEREMIAH 46:18

“Ei hrona reipa ta ei reih, Abeipa, a moh Pheisaihzy Abeipa ta a tah. Tlâhpizy hry liata tlâh sâh chaipa Tabaw tlâh hawhpa a vy aw ta, Tilaipi kiah liata Kâmel tlâh hawhpa â vy aw.

ZEREMIAH 48:10

“Diathlâpa ta Abeipa rai a hriapa cha chhiesapa ta y sala, thisaih palo awpa ta a zaozi a hmâh khoh leipa chhao chhiesapa ta y mawh sy.

ZEREMIAH 48:15

Môabâ cha paraopa a châ haw; Pahleipadiatuhpazy ta a khihpizy khyhnao ei ta, A satlia pha chaipazy thiena su lâ ama zu haw,” Abeipa, a moh Pheisaihzy Abeipa ta a tah.

DÂNIAH 4:37

Chavâta tahmâ, kei, Nebukaneza ta avâ Beipa cha reithai na ta, palyupalihpa ta, ei parônahsa. Avâ Beipa cha a hmotaopa zydua a do ta, a lâpizy sia ta, a palaipazy a panawh theipa a châ.

DÂNIAH 9:4

Abeipa ei Khazohpa lâ thlahchhâ na ta, a phuah na ta, a hnohta, “Hy Abeipa, Khazoh rônahpa nata noâhchhihpa, ano kyhpachâ ta, a biepiepazy a zyhtuhpa hnohta a bietai patlôsa ta phana a palâsa tyhpa y,

ZEPHANIA 2:11

Abeipa cha âmo châta chi a chhih ngaita aw ta, Lei khazoh zydua cha, Nodi dâhphipa ta a soh khai aw ei. Phopi to ta ama râh chyu liata A hmiakô liata amâ bôh aw.

ZEKARIA 14:9

Abeipa cha alei chô zydua liata Bei a châ aw. Cha noh liata, Abeipa pakha deita y aw ta, a moh chhao moh kha dei a châ aw.

MALAKHAI 1:11

“Noh chhina tawhta noh tlana taihta phopizy hry liata ei moh palyupalihpa ta y aw ta, su to liata ropahâhpa nata hmohlâpa pathaihpazy ei moh ta ama hlâ tyh aw. Phopizy hry liata ei moh palyupalihpa ta a y aw,” Pheisaihzy Abeipa ta a tah.

MALAKHAI 1:8

Atheihna châta sahroh mochaopa nama hlâ khiahta cha, moleina châ vei ma? Asypa nata apasapa nama hlâ khiahta cha, moleina châ hra vei ma? Cha hawhpazy cha nama râh ryureituhpa hnohta pie tua rai u, nama chô liata â ly aw ma? A châ pyh aw ei ma?” Pheisaihzy Abeipa ta a tah.

MALAKHAI 2:1

“Chavâta nâmo, theihthaipazy saih u, he biepiepa he nâmo châta a châ:

MALAKHAI 3:9

Eina hrao ngâ thlâh hapa vâ ei chi ta, nama râh dua ta chhiesana ry liata nama y.

MATHAI 24:51

chakaotuhpa cha hriechheih aw ta, phapakheipazy to awpa a patosa aw. Cha liata chana nata hâh chariehna a y aw.

MATHAI 5:35

Alei reipa ta bie a taih hra khuh vy, alei he a pheitlyna châ tlôh ta. Zerusale reipa ta bie a taih hra khuh vy, Zerusale cha Bei rônahpa khihpi châ tlôh ta.

MÂKA 14:8

Chanô heta a tao theipa a tao hih. Pabu awpa ta ei pôhpa he sathaw a thu chhieliepa a châ.

LUKA 12:46

cha chakaotuhpa zibeipa cha a mokhâh leina noh nata a pahno leipa dawh liata a vy aw ta, chakaotuhpa cha hriechheih aw ta, ngâchhih leipazy to awpa a patosa aw.

2 KAWRINI 8:12

Pie khohna a y khiahta cha, chyhsa ta a hnei leipa châ leipa ta, a hneipa nata â phuhpa ta a piepa cha a pyh tlâh a châ.

RYHPACHANEINA 28:58

“Abeipa nama Khazohpa moh rônahpa nata chichhihpa nama chi thei nawpa ta, he châbu liata â rohpa ryhpa bie zydua he zyh leipa ta nama tao vei khiahta cha,

1 TIMAWTHY 6:15

Reithai tlâh Khazohpa nata ato chô liata biehneituhpa a y chhôhpa, beizy Beipa nata zibeizy Zibeipa ta eima Beipa Zisu Krista cha a daihtita liata a vaw paluahsa aw.

HEBRAI 12:29

eima Khazohpa he a kâ patlô theipa mei châ tlôh ta.

BIEPHUAH 15:4

Hy Abeipa, ahy ma cha chi leipa ta y aw ta, Na moh palyupalih leipa ta a y aw? Pathaihpa cha nâ dei na châ. Na pachiana siaziezy palâhâhpa a châ hapa vâta, Phopi zydua a vy aw ei ta, Ama châ vaw chhy aw.”

BIEPHUAH 21:8

Riahchhiepazy, ngiapâleipazy, pasichhihpazy, lianycheihpazy, sihryhpazy, dyuthaipazy, nothlahpa achhypazy nata haiphiahpa zydua to awpa deikua cha, mei nata kaih ta a kâ ngâpa tipo châ aw ta, cha cha thina einona a châ,” tah ta.