MALAKHAI 1:13 - Mara Bible RV (BSI)

¹³ ‘Cha thachhâ â chhih rimâ cha!’ tah ei chi ta, nama hnapasu nama tô chiepa liata ei moh nama papuapalei haw,” Pheisaihzy Abeipa ta a tah. “Nama parupa sahroh, asypa nata apasapazy vaw cheih ei chi ta, atheihna châta nama hlâ tyh. Nama ku tawhta ei châ pyhpa aw ei ma?” Abeipa ta a tah.

MALAKHAI 1:13 ပူးပေါင်းရင်းမြစ်များ

2 SAMUELA 24:24

Châhrasala abei ta Araunâ hnohta, “Châ bao va, a mâ cha pie aw na ta, a chalei tlai ta tlao ei cha chalei aw. Khâpa hmah a pahryuh leipa ta Abeipa ei Khazohpa lâta raopa hlânazy hlâ chachei ta aw va na,” tah ta. Dâvi ta sawhri hmo nata viahchao tôhpazy cha tâkâ sekel sypangawh ta chalei ta.

ISAI 1:12

“Ei hmiakô liata a luah awpa ta namâ vy nota, Ei dôhpachhôh tlyhmia tlybai awpa ta, Ahy ma châ hnaw ei?

ISAI 57:6

Saikao alô mihpazy hry tawhta Na khazoh ta na tao awpazy a tlyh chi ta, Chazy tlai cha nâ chhy tyh. Chazy lâta dopa hlâna patlai chi ta, Niepa hlâna na hlâ tyh. Cha hmozy chata ei palôh eina patlâh aw ma?

ISAI 61:8

Kei, Abeipa he adona pasô na ta, Hraona nata adoleina ei hao. Ama chô liata ei ngâchhihna palâsapa ta, Ama pasataona lymâ pie aw ei na ta, Ama hnohta chhâzaw biehrai ei tao aw.

EZEKIA 4:14

Chatawhcha kei ta, “Âh, Abeipa Zehôvâh y, pachâ tua, a papuapalei beih va na. Ei thyutlia daihti tawhta tahmâ taihta, ano thi ta a thipa sa tlyma, sahrâhpa ta a taipa sa tlyma, sa pathaih leipa tlyma, ei pakah liata a ngia beih vei,” tah na ta.

EZEKIA 44:31

Theihthaipazy cha, pavaw tlyma, râhsa tlyma, ano kho ta a thipa nata sahrâhpa taipa a châpa chhao ta, kheihawhpa sawhsawpa hmah ama nie awpa châ vei.”

HÔSIA 13:9

Hy Izarei, nâ dyuh chi ta, Châ baotuhpa nâ dyuhpa vâta, Pahleipadiapa na châ.

THEIHTHAINA 22:8

Theihthaipa cha, ano kho ta a thipa sa tlyma, sahrâhpa ta a taipa tlyma niepa ta â papuapalei awpa châ vei. Kei he Abeipa ei châ.

THEIHTHAINA 6:4

hetana heta tao awpa a châ: Molei ha tlai sala, thailei a châ khiahta cha, parupa ta a lapa hmozy, tlybaipa ta a lapa hmozy, a ku liata sôh pavaosapazy, chyhsa hmo pahleipa â huapazy cha a thô khai awpa a châ.

AMÔSÂ 8:5

“Sâh eima zua thei nawpa ta, Thla thiehpa he lei bâ sala eima tah kaw dia! Viahdie eima zua thei nawpa ta, Pahânoh chhâ bâ sala eima tah kaw dia! Kachu pachyhpa ta sekel palai aw pi ta, Khopathliahna doleipa hmâpa ta sôh eima palie aw.

MIKÂ 6:3

“Hy ei phopi, khâpa ma na chô liata ei tao? Kheihta ma na rie ei cha pathei? Nâ chhy tua.

MALAKHAI 1:10

“Aw, pakha chhâ ta ei ochhizy khaw ha u la cha, hraoleipa ta ei maisâh liata mei nama pati ngâ kaw lei awpa tlai,” Pheisaihzy Abeipa ta a tah. “Nama chô liata ei palôh tlâh vei, chavâta nama ku tawhta hmohlâpa a pyh aw va na,” Pheisaihzy Abeipa ta a tah.

MALAKHAI 2:12

He hawhpa hmo a taopa chyhsa cha, Abeipa ta a chi pamua sala, Zakaw poh o liata a pahrâ awpa chipathlazy hnei leipa sala, Pheisaihzy Abeipa lâta hmo a hlâ awpa chipathla chhao hnei khah sy.

MALAKHAI 2:13

Hmo hropa nama taopa chhao a y via. Abeipa ta nama hmohlâpa uasa khao leipa ta, nama ku tawhta palôhtlâhpa ta a châ hlâ khao leipa vâ ei ta, mothlih, chana nata arôhna ta Abeipa maisâh cha nama pabie.

MATHAI 6:16

“Kâhvileipa ta nama y tita, phapakheipazy hawhta thachhâna hmia phaoh khuh vy. Âmo cha kâhvileipa ta ama ypa chyhsazy ta ama pahno thei nawpa ta, thachhâna hmia ama palâsa tyh. Hmeiseihta ta ei cha chho ei, ama lymâ ama hmô haw.

MATHAI 6:5

“Thlah nama chhâ tita, phapakheipazy hawhta tao khuh vy. Âmo cha chyhsa ta ama hmô thei nawpa ta, pakhyna ozy liata nata khiliah suzy liata a duahpa ta thlah ama chhâ tyh. Hmeiseihta ta ei cha chho ei, ama lymâ ama hmô haw.

RYHPACHANEINA 15:21

Seina a hneipa, pheisypa tlyma, mochaopa tlyma, seina kheihawhpa rai a hneipa cha, Abeipa nama Khazohpa lâta atheihna ta nama hlâ awpa châ vei.

1 SAMUELA 2:29

Cha hawhta a châ nota, khazia ma ei pahrâna su châta bie ei piepa atheihna nata hmohlâpazy mohnao ei chi ta, kei hlâta na sawchapawzy palyupalih viapa ta, ei phopi Izarei sawzy hmohlâpa to tawhta a pahâh chaipazy cha nâmo a pathawhna châta nama hmâh?