MÂKA 9:5 - Mara Bible RV (BSI)

⁵ Pity ta Zisu hnohta, “Pachutuhpa, he liata ypa he eima châta a pha na. Byureih miathôh, nâma châta miakha, Mawsi châta miakha, Elaizâh châta miakha tu ei suh u,” tah ta.

MÂKA 9:5 ပူးပေါင်းရင်းမြစ်များ

HLAZY 84:10

Na dôhpachhôh tlyhmia liata noh kha ypa cha, Su hropa liata noh sâh kha ypa hlâta a pha via. Moleipa poh o liata pahrâpa hlâta cha, Ei Khazohpa o chhikao vaituhpa châ awpa ei khoh via.

MATHAI 17:4

Pity ta Zisu hnohta, “Abeipa, he liata eima ypa he a pha na. Na khoh khiahta cha, he liata byureih miathôh, nâma châta miakha, Mawsi châta miakha, Elaizâh châta miakha ei tu aw,” tah ta.

MATHAI 23:7

sôdaohna su liata anaohna nata chyhsa ta pachutuhpa ama tahpa zy ama pasô ngaita.

MATHAI 23:8

Nâmo deikua la, pachutuhpa tahpa ta bi awpa châ veih ei chi. Pachutuhpa cha pakha deita nama hnei. Nama zydua ta unawh sai nama châ.

MÂKA 9:4

Elaizâh nata Mawsi ama hnohta a vaw luah ei ta, Zisu cha bie a chho ei ta.

MÂKA 9:6

Chi kaw ei ta, Pity cha bie hropa rei awpa pahno leipa ta.

LUKA 9:33

Cha chyhsazy ta Zisu ama siesai hai nota, Pity ta Zisu hnohta, “Pachutuhpa, he liata ypa he eima châta a pha na! Byureih miathôh, nâma châta miakha, Mawsi châta miakha, Elaizâh châta miakha eima tu aw,” tah ta. Khâpa ma a reih tahpa chhao a theihlô vei.

ZAWHÂNA 4:31

Cha chhôh ta pachupazy ta Zisu cha pati nie awpa ta a haw ei ta, “Râbai, nie mah y,” tah ei ta.

PHILIPI 1:23

A likah liata pachâna pahno leipa ta ei y. Kei la sie ta, Krista hnohta y bâ awpa ei khoh. Cha cha kei châta a pha via syulyu.

1 ZAWHÂNA 3:2

Kho ngaitapa saih u, Khazohpa sawzy eima châ haw. Kheihta ma eima y aw tahpa deikua a lâ mâh vei. Châhrasala ano â vaw luah tita, ano hawhta eima y aw tahpa eima pahno. Ano cha a châna ualua ta eima hmô aw.