MÂKA 9:43 - Mara Bible RV (BSI)

⁴³ Na ku ta a cha pamoleisa khiahta cha, tai ha mah y. Ku miano ta Kehenâ lâ sie awpa hlâta cha, ku miakha chôpa ta hrona liata a ngiapa na châta a pha via.

MÂKA 9:43 ပူးပေါင်းရင်းမြစ်များ

ZAWBÂ 20:13

Pathlie awpa pasaih leipa ta, A pakah chhôh liata khâchâ paô hra sala,

ISAI 1:31

Thatlôpa cha meibu hawhta châ aw ta, A raihria meihlih hawhta a châ aw; A miano ta kâ khoh aw ta, A pachhai awpa y aw veih ei.

ZEREMIAH 4:4

Hy Zudâh râhsawzy nata Zerusale khihsawzy saih u, Abeipa lâta nama chopaw tai u la, Nama palôh chopawzy tai teh u; Chataleipatala moleina hmo nama taopazy vâta, Ei hiehâhna mei hawhta pua aw ta, Ahy hmahta pachhai thei leipa ta a kâ pathlei aw na.”

MATHAI 17:27

Châhrasala ama palôh pachhie lei nawpa ta, tilaipi lâ vawh la, keipa kei ny la, nga na paao tua chaipa la la, a pakah cha-ia la tâkâ tlaw no hmô aw chi ta, cha cha la la, keima nata nâma chhie châta ama hnohta pie mah y,” tah ta.

MATHAI 25:41

“Cha khai tawhta a chavei lâta a ypazy hnohta, ‘Chhiesapa ta a ypa saih u, ahripa nata a lyuhchâpazy châta a chhuahdypa chhâzaw mei lâ na siesai teh u.

MATHAI 3:12

A ku liata a barah y ta, a sawhri sâh zie aw ta, a sâh pâh liata a ryh aw. Asihpa deikua cha, mei pachhai thei leipa liata a rao aw,” tah ta.

MATHAI 5:22

Kei deikua ta cha ei cha chho ei. Ahy rai a unawhpa chô liata a hie a hâhpa cha, a thâtih pachia tlâh a châ. A unawhpa ‘Dyutlaileipa’ a tahpa cha ryureina liata tlôkhei tlâh châ ta, ‘Ahrupa’ a tahpa chhao, hriena su mei lâ sie tlâh a châ.

MÂKA 9:44

Kehenâ liata cha ama lôpa thi beih leipa ta, mei chhao pachhaipa ta y beih vei.

LUKA 14:13

Kyh na chhi tita, dyhchhiepazy, pihpasipazy, pheisypazy, mochaopazy tlao hrua mah y.

LUKA 14:21

Chakaotuhpa cha a vy ta, cha biezy cha a zibeipa chho ta. O hneituhpa cha a pathi ia kaw ta, a chakaotuhpa hnohta, ‘A chatliepa ta pua la, khihpi lâlai nata lâpizy lâ vawh la, dyhchhiepazy, pihpasipazy, mochaopazy, pheisypazy a vaw chhi teh,’ tah ta.

LUKA 3:17

A ku liata barah y ta, a sawhri sâh zie aw ta, a sâh cha pâh liata a ryh aw. Asihpa deikua cha mei pachhai thei leipa liata a rao aw,” tah ta.

RAWMA 8:13

Sapa khozie hawhta nama hroh khiahta cha, thi aw ei chi ta, nama pôhpa hmotaopazy Thlahpa ta nama thie lymâ khiahta deikua cha, nama hroh aw.

1 KAWRINI 9:27

Mohropazy thâtihpha ei chho khai tawhta, keima chaipa he lymâ hmô tlâh leipa ei châ pathlei lei nawpa ta, ei pôhpa he a vaopahnie na ta, ei biehneina ry liata ei soh tyh.

KALATIA 5:24

Krista Zisu liata a ypazy ta sapa cha a aohraohna nata a khonazy chhaota ama khaipâ haw.

KAOLAOSÂ 3:5

Chavâta khizaw hro nâmo liata a ypa, apatlana, puana, parâna, molei khona nata uahvana zy cha thie teh u. Uahvana cha nothlahpa achhyna a châ.

TITU 2:12

Cha chata Khazohpa pachâ leina nata khizaw aohraohnazy bâhsaipa ta, tahmâhlâ khizaw liana heta asohsipa nata asiapa nata Khazohpa pachâna hro hrokhei awpa ta miah pachu ta,

HEBRAI 12:1

Cha ngiapâna bie pahnokheituhpazy ta meihdo ru ngaitapa hawhta miah ama pahlypa vâna heta, miah pahny pakhawpa maih nata moleina keimo liata khâchâ a baipa cha soh sih la, eima hmiakô liata arâpasuana a ypa liata tiama ngaitapa ta a râ lymâ suh u.

1 PITY 2:1

Chavâta ahaona, haidihaiduana, phapakheina, hiatliana nata reipachhiena zydua bâhsai teh u.