MÂKA 9:35 - Mara Bible RV (BSI)

³⁵ A tyuh ta, pahrawh hleinozy cha aw ta, ama hnohta, “Ahy rai a hmiatua chaipa a châ khoh khiahta cha, chyhsa zydua hlâta hnôh chaipa ta a y awpa châ ta, chyhsa zydua chakaotuhpa ta a y awpa a châ,” tah ta.

MÂKA 9:35 ပူးပေါင်းရင်းမြစ်များ

BIESOZY 13:10

Apatahsana cha ahryuna dei papua ta, Pachâna a latuhpazy deikua cha sona ama hmô tyh.

ZEREMIAH 45:5

Nâma châta hmo rônahpa na tlua ma? Tlua khah y. Hmohrohneipa zydua chô liata chhiena vaw patlôsa aw na ta, nâ deikua cha, na siena maih liata chariah tawhta â bohpa ta ei cha paysa lymâ aw, Abeipa ta a tah,” tah ta.

MATHAI 23:11

Nama hry liata rônah chaipa cha, nâmo châ chakaotuhpa ta a y awpa a châ.

MÂKA 9:36

Hawtipa pakha la ta, ama hry liata paduasa ta, a bâh liata a pyh ta, ama hnohta,

LUKA 18:14

Ei cha chho ei, thaichâpa ta a o lâ a dipa cha, Phârisaih châ leipa ta, chhiekheituhpa tlao a châ. Ahy rai a pasâhsapa maih panawhpa châ aw ei ta, a panawhpa maih palyupalihpa ama châ aw,” tah ta.

LUKA 22:26

Nâmo deikua la cha hawhta châ veih ei chi. Nama hry liata a rônah chaipa cha seihnai chaipa hawhta y sala, hyutuh chaipa cha chakaotuhpa hawhta y mawh sy.

ZÂMIE 4:6

Châhrasala ngiachhiena hluh via ta tlao a vaohei tyh. Chavâta Biehrai ta, “Khazohpa ta apalaipazy a dyuh ta, areisipazy deikua a ngiachhie tyh,” a tahpa a châ.