MÂKA 9:28 - Mara Bible RV (BSI)

²⁸ O chhôh lâ â ngia nahta, a pachupazy ta, “Khazia keimo ta thlahpa puapa eima papua thei vei?” tahpa ta arulâta hiahri ei ta.

MÂKA 9:28 ပူးပေါင်းရင်းမြစ်များ

MATHAI 13:10

A pachupazy a vy ei ta a hnohta, “Khazia pakhona biezy hmâpa ta ama hnohta bie na reih?” tah ei ta.

MATHAI 13:36

Zisu ta zawpizy cha siesai ta, o liata a ngia ta, a pachupazy ano lâ a vy ei ta, a hnohta, “Lyu liata sâh pakheipa pakhona bie kha miah chhopasia teh,” tah ei ta.

MATHAI 15:15

Pity ta a hnohta, “Cha pakhona bie yzie cha miah chhopasia teh,” tah ta.

MÂKA 2:1

Noh khazie rakha ma a khô tawhta, Kâpynia khih lâ vaw kua heih ta. O liata a y tahpa chyhsazy ta pahno ei ta.

MÂKA 3:20

Zisu cha o lâ a di ta. Chyhsa hluhpi a hnohta a vypakhy heih ei ta, chavâta Zisu nata a pachupazy cha pati chhao nie hmâ khao leipa ei ta.

MÂKA 4:10

Ano dei ta a y nota, a kiapâh ta a ypazy nata pahrawh hleinozy ta pakhona bie kyh hiahri ei ta.

MÂKA 4:34

Pakhona bie hmâ leipa ta ama hnohta reih beih vei. A pachupazy hnohta deikua cha, arulâta ato a chhopasia tyh ei.

MÂKA 7:17

Zawpizy cha o chhôh lâ â ngiasai tawhta, a pachupazy ta pakhona bie a reipa kyh hiahri ei ta.

MÂKA 9:27

Zisu ta a ku patu ta, pathyu ta, a vaw duah ha ta.

MÂKA 9:29

Zisu ta ama hnohta, “He hawhpa he cha thlahchhâna nata kâhvileina dei leipa ta cha, khâpa ta hmahta papua thei vei,” tah ta.