MÂKA 9:27 - Mara Bible RV (BSI)

²⁷ Zisu ta a ku patu ta, pathyu ta, a vaw duah ha ta.

MÂKA 9:27 ပူးပေါင်းရင်းမြစ်များ

ISAI 41:13

Kei, Abeipa na Khazohpa heta, Na ku chachâh lâ cha patu na ta; “Chi khah y, ei cha bao aw,” Châ tahtuhpa chhao, Keima tlai he ei châ.

MATHAI 9:25

Châhrasala zawpizy cha khôtho lâ ama pua khai nahta, a ngia ta, hawtinô cha a ku ta patu ta, kaw thyu ha ta.

MÂKA 1:31

Ano lâ vawh ta, a ku patupa ta pathyu ta, a chasipa cha pai ta, âmo cha chakao ta.

MÂKA 1:41

Zisu cha a thapasa ngaita ta, a ku ta kei paza ta, ano cha hria ta, a hnohta, “Ei khoh na, pathaihpa ta y mah y,” tah ta.

MÂKA 5:41

Hawtinô ku cha patu ta, a hnohta, “Tâlithâ kumi,” tah ta. Cha yzie cha, “Hawtinô, ei cha chho, thyu teh,” tahna a châ.

MÂKA 8:23

Mochaopa cha a ku ta patu ta, khih tawhta puakhei ta, a mo liata a pachih pachhao ta, a chô liata a ku a pahnieh khai nahta, hiahri ta, “Khâpa chhâ na hmô ma?” tah ta.

MÂKA 9:26

Thlahpa puapa cha awsâh ta, hawtipa cha thata a taochhie khai tawhta pua ha ta. Hawtipa cha athipa hawhta vaw y ta, chyhsa hluhpi ta, “A thi hapa he,” tah ei ta.

MÂKA 9:28

O chhôh lâ â ngia nahta, a pachupazy ta, “Khazia keimo ta thlahpa puapa eima papua thei vei?” tahpa ta arulâta hiahri ei ta.

HMOTAOPAZY 23:19

Pheisaih hyutuhpa ta a ku ta patu ta, ânano ta a chhi ta, “Khâpa bie na chho awpa ma na hnei?” tah ta, arulâta hiahri ta.

HMOTAOPAZY 3:7

A ku chachâh lâ patu ta, pathyu ta, a pheizy nata a phei lobyuh rupazy cha a tha thlai vaw y ha ta.

HMOTAOPAZY 9:41

Pity ta a ku hlâ ta, Tâbi cha pathyu ta. Mopathaihpazy nata nôhmeizy cha aw ta, Tâbi cha a hrohpa ta âmo pahmô ta.