MÂKA 9:25 - Mara Bible RV (BSI)

²⁵ Zawpi amâ vaw râpakhy haipa Zisu ta a hmô nahta, thlahpa puapa cha ra ta, a hnohta, “Nâ, reih pathlie thei leina nata nahpâna thlahpa, bie ei cha pie, a chhôh tawhta vaw pua la, a ngia heih khao khah y,” tah ta.

MÂKA 9:25 ပူးပေါင်းရင်းမြစ်များ

ZEKARIA 3:2

Abeipa ta Sâtâ hnohta, “Nâ Sâtâ, Abeipa ta a cha ra! Zerusale a tlyhtuhpa Abeipa ta a cha ra! Kha chyhsa kha mei tawhta thothu a daophipa châ vei ma?” tah ta.

MATHAI 12:22

Chatawhcha ahripa ta a patupa, mochaopa nata reih pathlie thei leipa pakha a hnohta a vaw chhi ei ta. Zisu ta ano cha patlâh ta, reih pathlie thei leipa cha reih pathlie theipa ta, a mo pavâ ha ta.

MATHAI 17:18

Zisu ta ahripa cha ra ta, hawtipa chhôh tawhta pua ta, hawtipa cha thlai vaw tlâh ha ta.

MÂKA 9:15

Zawpi zydua ta Zisu ama hmôpa nahta, noâh tah kaw ei ta. Ano lâ thlai a râpa ta, a naoh ei ta.

MÂKA 9:24

Hawtipa paw cha thlai awh ta, “Ei ngiâpâ na, ei ngiapâleina liata na bao mah y,” tah ta.

MÂKA 9:26

Thlahpa puapa cha awsâh ta, hawtipa cha thata a taochhie khai tawhta pua ha ta. Hawtipa cha athipa hawhta vaw y ta, chyhsa hluhpi ta, “A thi hapa he,” tah ei ta.

LUKA 11:14

Zisu ta ahripa reih pathlie thei leipa papua ta. Ahripa a pua nahta, reih pathlie thei leipa cha a reih pathlie thei ha ta. Zawpi ama noâh kaw ta.

LUKA 4:35

Zisu ta ano cha ra ta, a hnohta, “A chalih la, a chhôh tawhta pua teh!” tah ta. Cha chyhsa cha ahripa ta ama hry liata papaosa ta, pasasa leipa ta, a chhôh tawhta a vaw pua haw.

LUKA 4:41

Ahripazy chyhsa hluhpi chhôh tawhta vaw pua ei ta, “Khazohpa Sawchapawpa na châ!” tahpa ta awh ei ta. Châhrasala âmo cha ra ta, Mesia a châ tahpa ama pahnopa vâta, bie ama rei awpa pasaih leipa ta.

LUKA 8:29

Cha thlahpa puapa cha, cha chyhsa tawhta pua awpa ta, Zisu ta bie a vaw pie ha chiehpa a châ. Cha chyhsa cha thlahpa puapa chata patu tyh ta, bâlia ta buhpa ta keihrai daipa ta vaih tyhpa a châ. Châhrasala ama chahrynazy cha chhie ta, ahripa chata râhchawhpa lâ a chadai ha tyh.

LUKA 9:42

 vy hai nota, ahripa ta taikhy ta, thata padaosa ta. Zisu ta thlahpa puapa cha ra ta, hawtipa cha patlâh ta, a paw lâta hlâ ta.

HMOTAOPAZY 16:18

Cha hawhna chata noh hluhpi tao ta. Pawla cha a palôh châ khao leipa ta, a heih ta, thlahpa hnohna chata, “A chhôh tawhta pua awpa ta, Zisu Krista moh ta bie ei cha pie,” tah ta. Cha dawh lia tlai chata pua ha ta.

ZUDÂH 1:9

Vâlyuhchâpa chônôchaipa Mikaila tlai chhao khata, Mawsi ri kyh liata ahripa nata a chhu ei ta, ahripa â dyuh nona kha, reipachhiena pachiana bie phuah leipa ta, “Abeipa ta cha ra mawh sy,” tlao a tah.