MÂKA 9:20 - Mara Bible RV (BSI)

²⁰ Hawtipa cha ano lâ a vaw chhi ei ta. Zisu a hmôpa nahta, thlahpa ta hawtipa cha a rie thlai patheisa ta, alei liata pao ta, a hluah ta, a pakah buchaphy tla ngâ kaw ta.

MÂKA 9:20 ပူးပေါင်းရင်းမြစ်များ

MÂKA 1:26

Thlahpa puapa ta chyhsa cha thata padaosa ta, ao paro ngaitapa ta awh ta, a chhôh tawhta pua ha ta.

MÂKA 9:18

Thlahpa ta a patuna maihta, taikhy ta, a pakah buchaphy tla ta, a hâhzy charieh ta, a pôhpa a vaw pala khai ha tyh. Thlahpa puapa cha papua awpa ta, na pachupazy a haw ei na ta, châhrasala papua thei veih ei,” tah ta.

MÂKA 9:19

Zisu ta âmo cha a chhy ta, “Hy ngiapâleipa chhâ saih u, khachâ ma nama hnohta ei y aw? Khachâ ma ei cha pachâ thai aw ei? Kei lâ a vaw chhi teh u,” tah ta.

MÂKA 9:21

Zisu ta a paw hnohta, “He hawhta a vaw y pathaona he khachâ a châ haw?” tah ta. A paw ta, “A hawtita tawhta a châ.

MÂKA 9:26

Thlahpa puapa cha awsâh ta, hawtipa cha thata a taochhie khai tawhta pua ha ta. Hawtipa cha athipa hawhta vaw y ta, chyhsa hluhpi ta, “A thi hapa he,” tah ei ta.

LUKA 4:35

Zisu ta ano cha ra ta, a hnohta, “A chalih la, a chhôh tawhta pua teh!” tah ta. Cha chyhsa cha ahripa ta ama hry liata papaosa ta, pasasa leipa ta, a chhôh tawhta a vaw pua haw.

LUKA 8:29

Cha thlahpa puapa cha, cha chyhsa tawhta pua awpa ta, Zisu ta bie a vaw pie ha chiehpa a châ. Cha chyhsa cha thlahpa puapa chata patu tyh ta, bâlia ta buhpa ta keihrai daipa ta vaih tyhpa a châ. Châhrasala ama chahrynazy cha chhie ta, ahripa chata râhchawhpa lâ a chadai ha tyh.

LUKA 9:39

Ei sawchapawpa cha ahripa ta patu ta, eikhapi ta awh tyh ta, padaosa ta, a pachih buchaphy a pua khai ha tyh. Hmah paphao ta, a pua rai ta puasai khoh vei.

LUKA 9:42

 vy hai nota, ahripa ta taikhy ta, thata padaosa ta. Zisu ta thlahpa puapa cha ra ta, hawtipa cha patlâh ta, a paw lâta hlâ ta.

ZAWHÂNA 8:44

Nâmo cha nama paw ahripa tawhta a puapa châ ei chi ta, nama khopa cha, nama paw khopa taopa a châ. Ano cha âthaona tawhta lianycheihpa châ ta, ano liata biehmeiseihpa rai a y leipa vâta, biehmeiseihpa liata a duah vei. Haipa bie a rei nahta, ano châna dopa a palâsa tyh. Ano cha haihthaipa nata haipa bie zydua paw a châ.

1 PITY 5:8

Palôh pasohpa ta y u la, a hrohrua teh u. Nama khakhaipa ahripa cha chakeibarôhneipa a rôhpa hawhta a rôh ta, a nie thei awpa tluapa ta â khie tyh.