MÂKA 9:12 - Mara Bible RV (BSI)

¹² Zisu ta ama hnohta, “Hmo to zydua tao pathi awpa ta Elaizâh cha â vy tuapa tlai a châ. Cha khiahta la, Chyhsa Sawchapawpa cha pasana hluhpi tao aw ta, mohnaopa ta a y awpa kyh cha, khâpa vâta ropa ma a châ?

MÂKA 9:12 ပူးပေါင်းရင်းမြစ်များ

HLAZY 74:22

Hy Khazohpa, thyu la, na bie a duakhei la, Ahrupa ta noh y ta a cha reipachhiezie he a thei mah y!

ISAI 49:7

Mohnao ngaitapa nata Babylaw râh ta a pasi kawpa, Ryureituhpazy chakaotuhpa Izarei phopi hnohta, Abeipa, Izarei Chatlaituhpa ta hetana heta tah ta, Izarei Mo Pathaihpa ta hetana heta a tah: “Abeipa ngâchhihpa vâta, Châ tlyhtuhpa Izarei Mo Pathaihpa vâta, Beizy ta a cha hmô ti ei ta a duah aw ei ta, Beimachâzy na hmiakô liata amâ bôh aw.”

ISAI 50:6

Ei ky he nâ tutuhpazy châta dao na ta, Ei baih he ei baihhmi nâ phiatuhpazy châta ei dao tyh. Ei hmia he nohzaona tawhta nyu leipa na ta, Pachih pachhaona tawhta nyu hra va na.

ISAI 52:14

Ano ama hmô nahta, Chyhsa hluhpi ta noâh ama tahpa hawh tlai ta, A hmisâ rao khai ha ta, Chyhsapa hmi chhao lyu khao vei; A pizie chhao, Chyhsa sawzy pizie lyu khao vei.

ZEKARIA 11:13

Ei phuhpa hawhta ei ty pha kawpa eina piepa ei cha Abeipa ta, “Beihvituhpa kei pie teh,” na tah ta. Chatanachata tâkâ tlaw sythôh cha la na ta, Abeipa o liata beihvituhpa hnohta pie na ta.

ZEKARIA 13:7

“Hy Zaozi, a hra teh; Ei mietaku vaituhpazy a dyuh la, Nâ chakaotuhpa a dyuh teh,” Pheisaihzy Abeipa ta a tah. “Mietaku vaituhpa tu la, Mietakuzy pai aw ei ta, Mietakutawzy chô liata ei ku ei pazawh aw.

MALAKHAI 4:6

Ano chata pawzy palôh cha ama sawzy lâta paheisa aw ta, sawzy palôh chhao ama pawzy lâta a paheisa aw; chataleipata la, a vy aw na ta, râh he chhiesapa ta ei parao pathlei aw na,” Pheisaihzy Abeipa ta a tah.

MATHAI 16:21

Cha rakha tawhta cha Zisu ta a pachupazy hnohta Zerusale lâ a khy awpa nata machâzy, theihthai beizy nata ryhpa pachutuhpazy ta pasa thata ama pataosa awpa kyh nata, ama thie awpa nata noh thôh noh ta pathyupa ta a y awpa kyh zy reih pathao ta.

MATHAI 26:24

Chyhsa Sawchapawpa he, a thâtih ropa hawh tlai ta a sie aw. Châhrasala Chyhsa Sawchapawpa a patusatuhpa chyhsa cha a hu a po na! Cha chyhsa cha pih leipa sala, a châta a pha via awpa tlai,” tah ta.

MÂKA 10:33

ama hnohta, “Pachâ teh u, Zerusale lâ eima khy hai hih. Chyhsa Sawchapawpa he theihthai beizy nata ryhpa pachutuhpazy ku liata hlâpa châ aw ta, âmo ta thie awpa ta thailei pachâsa aw ei ta, Zenitaizy ku liata ama hlâ aw.

MÂKA 9:13

Châhrasala ei cha chho ei, Elaizâh cha a thâtih ropa hawh tlai ta a vy ha ta, ama khozie hawhta a chô liata ama taopa kha a châ,” tah ta.

MÂKA 9:31

A pachupazy cha pachu ta, ama hnohta, “Chyhsa Sawchapawpa he chyhsazy ku liata hlâpa châ aw ta, thie aw ei ta, ama thie tawhta noh thôh noh ta a thyu heih aw,” tah ta.

LUKA 1:76

Chavâta nâ, hawtipa y, Chônôchai hrohsopa tahpa na châ aw. Abeipa lâpizy a chhuahdy awpa ta, A hmia lâta sie aw chi ta,

LUKA 23:11

Herawda nata a pheisaihzy ta Zisu cha mohnao kawpa ta pasipasawh ei ta. Poh rônahpa pabupa ta, Pilâ lâ hlâ pakhua ha ta.

LUKA 23:39

Moleipa ama khaipâpa pakha ta Zisu cha reipachhie ta, “Mesia châ va chi mâ? Nâmasasyh ta a pachha la, keimo chhao miah pachha châh chi!” tah ta.

HMOTAOPAZY 1:6

Amâ vaw pakhy nahta, âmo ta a hnohta, “Abeipa, tahmâ he ma Izarei châta khinarâh na padua heih aw?” tahpa ta hiahri ei ta.

HMOTAOPAZY 4:11

Cha Zisu cha, nâmo, o satuhpazy ta alô nama kho leipa, a ki liata alô phahnai chaipa a châ.