MÂKA 8:34 - Mara Bible RV (BSI)

³⁴ Zawpizy cha a pachupazy chhaota ano lâ awpakhy ta, ama hnohta, “Ahy rai eina zi khoh khiahta cha, anosasyh a paky sala, a kraws a piapa ta na zi mawh sy.

MÂKA 8:34 ပူးပေါင်းရင်းမြစ်များ

1 ABEIZY 14:8

Dâvi pathlazy tawhta khinarâh chhu na ta, nâ ei cha pie. Châhrasala nâ chakaotuhpa Dâvi hawhta y va chi. Ano cha ei biepiepazy a pyh ta, a pathipalôh tlokhuh ta na pazi ta, hmo dopa deita ei mohmô liata a tao tyh.

MALUHREINA 14:24

Nâ chakaotuhpa Kâlebâ deikua he cha palôh nanopa phaoh ta, tlokhuh ta eina pazipa vâta, ano he cha a pangaipa râh tlôkhei aw na ta, a pathlazy ta râh cha ama hnei aw.

MATHAI 10:38

Ahy rai a kraws a piapa ta nâ zi leipa cha, ei chyhsa tlâh châ vei.

MATHAI 16:24

Zisu ta a pachupazy hnohta, “Ahy rai eina zi khoh khiahta cha, anosasyh a paky sala, a kraws a piapa ta na zi mawh sy.

MATHAI 27:32

Ama pua nahta, Kurini chyhsa, a moh Saimaw ama tahpa hmô ei ta. Cha chyhsa cha Zisu kraws papiasa raruah ei ta.

MÂKA 10:21

Zisu ta ano cha moh ta, a kyhpachâ kaw ta, a hnohta, “Hmo miakha nâ phahla: sie la, na hneipa zydua zuah la, dyhchhiepazy pie mah y. Chatanachata vârâh liata ryu na hnei aw. Cha khai tawhta a vy la, na zi mah y,” tah ta.

MÂKA 7:14

Chatawhcha zawpizy ano lâ awpakhy heih ta, ama hnohta, “Nama zydua ta ei bie nathlie u la, pahno teh u.

LUKA 13:24

“Chhikao buahpa liata a ngia a chhuah lylia teh u. Ei cha chho ei, chyhsa hluhpi ta a ngia a chhuah aw ei ta, a ngia thei aw veih ei.

LUKA 14:33

Cha hawhna hra chata nama hry liata chhao, a hneipa zydua a siesai leipa cha ei pachupa châ thei aw vei.

LUKA 18:22

Cha cha Zisu ta a thei nahta, a hnohta, “Hmo miakha a phahlapa na hnei. Na hneipa zydua zuah la, dyhchhiepazy rai mah y. Chatanachata vârâh liata ryu na hnei aw. Cha khai tawhta a vy la, na zi mah y,” tah ta.

LUKA 20:45

Chyhsa zydua theina liata, a pachupazy hnohta,

LUKA 9:23

Chatawhcha chyhsa zydua hnohta, “Ahy rai eina zi khoh khiahta cha, anosasyh a paky sala, noh chareih a kraws a piapa ta na zi mawh sy.

ZAWHÂNA 10:27

Ei mietakuzy ta ei ao thei ei ta, kei ta âmo pahno ei na ta, âmo ta eina pazi ei.

ZAWHÂNA 19:17

Zisu cha a chhi ei ta, a kraws a piapa ta, Luh Ru Su, Hebrai reih ta Kôlkôthâ ama tahpa Kalvari tlâh lâ sie ta.

HMOTAOPAZY 14:22

Riethei hluhpi taopa ta Khazohpa khinarâh eimâ ngia awpa a châ, tahpa ta pachupazy palôh pa-ipa ta, ngiapâna liata y thlâh ha awpa ta thapatlô ei ta.

RAWMA 6:6

Moleina a phaohpa pôhpa he pahleipadiapa ta, moleina sei ta eima y khao lei nawpa ta, eima chyhsa parohpa cha a hnohta khaipâpa ta a y haw tahpa eima pahno.

RAWMA 8:17

Sawzy eima châ khiahta cha, ryutotuhpazy eima châ. Khazohpa ryu totuhpazy châ pi ta, Krista ryutolâhpazy eima châ. A hnohta riethei eima tao khiahta cha, a hnohta palyupalihpa ta eima y hra aw.

1 KAWRINI 15:31

Unawh saih u, Krista Zisu eima Beipa liata ei châ palaikhei kaw ei. Chavâta ei reih aw, noh chareih ei thi tyh!

1 KAWRINI 8:13

Chavâta niepa vâta ei unawhpa ei pahluasa khiahta cha, ei unawhpa ei pahluasa pathlei lei nawpa ta, atheihna sa cha nie khao aw va na.

1 KAWRINI 9:19

Ahy sei hmah châ vei hraw sah la, chyhsa hluhpi ei pahnie thei nawpa ta, keimasasyh ta chyhsa zydua sei ta ei tao.

KALATIA 2:20

Krista hnohta khaipâpa ta ei y. Châhrasala ei hroh. A hrohpa deikua cha kei châ khao va na, Krista cha kei liata tlao a hroh. Tahmâ pôhpa ta ei hropa he, kyh na pachâ ta, ei châta anosasyh â hlâtuhpa Khazohpa Sawchapawpa ngiapâna liata a hrohpa ei châ.

KALATIA 5:24

Krista Zisu liata a ypazy ta sapa cha a aohraohna nata a khonazy chhaota ama khaipâ haw.

KALATIA 6:14

Kei deikua la, eima Beipa Zisu Krista kraws dei leipa ta cha, a palaikhei awpa hropa hnei va na. Cha kraws liata khizaw he kei châta khaipâpa ta y ta, kei chhao khizaw châta khaipâpa ta ei y.

PHILIPI 3:10

Chatanachata Krista nata a thyuheihna hmotaotheina cha pahno aw na ta, a rietheitaona liata a hlao hrapa ta, a thina liata ano hawhta thi hrapa ta,

PHILIPI 3:7

Châhrasala kei châta athôhna a châ awpa maih Krista vâta kyna ta ei rao khai.

KAOLAOSÂ 1:24

Tahmâ cha nama châta pasa ei taonazy liata a ly na ta, a pôhpa, Awnanopa châta Krista pasa tao laibâhpa cha, ei sapa liata ei pazao lymâ.

KAOLAOSÂ 3:5

Chavâta khizaw hro nâmo liata a ypa, apatlana, puana, parâna, molei khona nata uahvana zy cha thie teh u. Uahvana cha nothlahpa achhyna a châ.

2 THYSALAWNIKA 3:11

Nama hry liata thokha cha thathipa ta ama y tahpa thâtih eima thei. Rai hria leipa ta ychakhyh ei ta, chyhsa a patypamâpazy ama châ.

TITU 2:12

Cha chata Khazohpa pachâ leina nata khizaw aohraohnazy bâhsaipa ta, tahmâhlâ khizaw liana heta asohsipa nata asiapa nata Khazohpa pachâna hro hrokhei awpa ta miah pachu ta,

HEBRAI 13:13

Chavâta riehmo khôtho liata ano yna lâ pua sih la, reipachhiena a phaopazy cha phaokhei suh u.

1 PITY 4:1

Krista cha sapa ta pasa a taopa a châpa vâta, nâmo chhao, cha hawhpa pachâna chata a tobi hra teh u. Sapa ta pasa a tao hapa cha moleina a bâhsaipa a châ.

1 PITY 4:13

Krista rônahna â vaw luah tita, thaphapa ta namâ ly thei nawpa ta, Krista pasataona a hlykheituhpazy nama châ.

2 PITY 1:14

Eima Beipa Zisu Krista ta eina pahnosapa hawhta, ei pôhpa paso nawpa daihti a tlô patoh aw tahpa ei pahno.

1 ZAWHÂNA 3:16

He liana heta kyhpachâna cha khâpa ma a châ tahpa eima pahno: Krista ta keimo châta a hrona a piepa hawhta, keimo chhao unawhzy châta eima hrona eima pie hra awpa a châ.

BIEPHUAH 2:10

Pasa na tao awpazy chi khah y. Pachâ tua, ahripa ta nama hry liata chyhsa thokha patâhna o liata a cha khô aw ei. Pasiapa ta y aw ei chi ta, noh hrawh chhôh rietheipasa nama tao aw. Thina taihta ngâchhihpa ta y mah y, hrona lakho ei cha pie aw.