MÂKA 7:9 - Mara Bible RV (BSI)

⁹ Chatawhcha Zisu ta ama hnohta, “Nama taozietyhpa nama chhy lymâ thei nawpa ta, Khazohpa biepiepazy thy nawpa rypaohna nama pahno kaw!

MÂKA 7:9 ပူးပေါင်းရင်းမြစ်များ

HLAZY 119:126

Na ryhpa parao ha ei ta, Hy Abeipa, rai na hria daihti a tlô haw.

ISAI 24:5

Alei chô liata a pahrâpazy ta ryhpazy parao ei ta, Bieraopazy pananopa ta, Tlyzaw biehrai ama phiepa vâta, Alei cha âmo ry liata papuapaleipa ta a y.

ISAI 29:13

Chatawhcha Abeipa ta, “He phopi heta ama pakah ta nâ vaw hnia ei ta, Ama hmao ta eina palyupalih ei; Ama palôh deikua cha nâ hla kaw ta, Eina china chhao ei cha, Chyhsapa pachuna biepiepa deita a châ.

DÂNIAH 11:36

“Chatawhcha abei cha a khopa hawhta tao aw ta, anosasyh ta a pasâhsapa ta, khazoh to hlâta rônah viapa ta a tao aw ta, khazohzy Khazohpa a dyuhpa ta hmo anano ngaitapazy reih aw ta, hiehâhna daihti pakipa a châ hlâlei cha hmotaotheina a hnei aw, rao chiehpa hmo cha a tlô tlai awpa a châpa vâta.

DÂNIAH 7:25

Chônôchaipa chakhiana biezy reih aw ta, Chônôchaipa mopathaihpazy cha ama rie a pathei aw; Daihtizy nata ryhpazy panano a chhuah aw ta, Daihti miakha, daihtizy nata daihti khophie chhôh cha, A ku liata mopathaihpazy piepa a châ aw.

MÂKA 7:13

Cha hawhna chata nama taozietyhpa namâ pie pachhuah lymâpa hmâpa ta, Khazohpa bie hraoleipa ta nama tao tyh. Cha hawhpa cha hmo hluhpi nama tao,’” tah ta.

MÂKA 7:3

Phârisaihzy nata Zu chyhsa zydua cha, machâzy taozietyhpa zipa ta, ama ku a phapa ta amâ si ha tua leipa ta cha pati nie beih veih ei.

MÂKA 7:5

Phârisaihzy nata ryhpa pachutuhpazy ta Zisu hnohta, “Khazia na pachupazy ta machâzy taozietyhpa zi leipa ta, ku puapa ta pati ama nie thlâh haw?” tahpa ta hiahri ei ta.

RAWMA 3:31

Cha khiahta la, ngiapâna vâta ryhpa cha hraoleipa ta eima pachâsa ma? Châ bao va! Ryhpa cha tlao eima pa-ipa a châ.

2 KAWRINI 11:4

Ahy tlyma a vy sala, keimo eima cha chhopa Zisu a châ leipa, Zisu hropa kyh vaw reih sala tlyma; Thlahpa nama topa a châ leipa, thlahpa hropa kyh vaw reih sala tlyma; thâtihpha nama daopa a châ leipa, thâtihpha hropa kyh vaw reih sala tlyma, namâ pyh thlâh ha khiahta cha, a naopa ta dôvei theipa nama châ tahna a châ.

KALATIA 1:14

Zuzy zyhna kyh liata, ei chiheihzy hry liata ei richâhkha hluhpizy hlâta hmasie viapa châ na ta, nâ pathlatuhpazy taozietyhpa châta phahnai a ngiah ngaitapa ei châ.

KALATIA 2:21

Khazohpa ngiachhiena cha hraolei pachâsa va na. Ryhpa liata thaichâna a y khiahta cha, Krista cha hraoleipa ta a thipa a châ aw.

2 THYSALAWNIKA 2:4

Ano cha khazoh moh bipa nata a chhypa maih a dyuhpa ta, anosasyh â palyupalih aw. Khazohpa hawhta a phuah aw ta, Khazohpa Achhyna o liata a tyuh aw ta, Khazohpa hawhta â chaluah aw.