MÂKA 7:7 - Mara Bible RV (BSI)

⁷ Chyhsapa biepiepazy cha, Biezyhpa hawhta pachu ei ta, Hraoleipa ta einâ chhy ei,’ tahpa ta a vaw chhochhieliepa kha â vaw do kaw tlai na.

MÂKA 7:7 ပူးပေါင်းရင်းမြစ်များ

ISAI 29:13

Chatawhcha Abeipa ta, “He phopi heta ama pakah ta nâ vaw hnia ei ta, Ama hmao ta eina palyupalih ei; Ama palôh deikua cha nâ hla kaw ta, Eina china chhao ei cha, Chyhsapa pachuna biepiepa deita a châ.

MALAKHAI 3:14

‘Khazohpa chakaopa he hraoleipa dei a châ. A biepiepazy eima zyhpa nata mâchhiesapazy hawhta Pheisaihzy Abeipa hmiakô liata eima y tyhpa heta khâpa phahnaina ma a hnei tly?

MATHAI 15:9

Chyhsapa biepiepazy cha, Biezyhpa hawhta pachu ei ta, Hraoleipa ta einâ chhy ei,’ tahpa ta â do ngaitapa ta a vaw chhochhielie haw,” tah ta

MATHAI 6:7

“Thlah nama chhâ tita, Zenitaizy taozie hawhta, hraoleipa biezy reih chanei ngâ thlâh ha khuh vy. Zenitaizy ta bie hluhpi ama reipa vâta ama thlahchhâpa nathliepa awpa hawhta ama pachâ.

1 KAWRINI 15:14

Krista kha pathyupa ta a y vei khiahta cha, eima bie chhopa he hraoleipa châ aw ta, namâ ngiapâna chhao hraoleipa a châ aw.

1 KAWRINI 15:58

Chavâta unawh kho ngaitapazy saih u, â ipa ta a duah u la, papie thei lei awpa ta a pachyu teh u. Nama hriapasana cha Abeipa liata hraoleipa châ vei tahpa pahnopa ta, Abeipa raihria cha phahnai ngiah ngaitapa ta hria lymâ teh u.

RYHPACHANEINA 12:32

Bie ei cha piepa zydua ei he pakhâta ta nama tao awpa a châ. Nama baichha awpa châ leipa ta, nama thy bâ awpa châ hra vei.

KAOLAOSÂ 2:22

cha hawhpa hmo zydua cha, chyhsapa ryhpa nata pachunazy liata a pahniehpa a châpa vâta, hmâ khai tawhta a leidia thlâh ha awpazy a châ.

TITU 3:9

Aeina hrupazy, thyutônazy, achakhianazy nata ryhpa kyh liata ahryunazy a hneisai lymâ mah y. Athôhna a y leipa nata hraoleipa hmozy a châ.

ZÂMIE 1:26

Ahy rai zyhna pachâ kawpa hawhta â pachâ ta, a paleih a vaih tlôh leipa cha, anosasyh ta â dôveipa châ ta, cha hawhpa zyhna cha phahnaina hnei leipa zyhna a châ.

ZÂMIE 2:20

Hy chyhsa hrupa y, hmotaopa a hlao leipa ngiapâna cha khâpa hmah châ vei tahpa pahmô awpa na khoh ma?

BIEPHUAH 22:18

He châbu liata hrohsona biezy a theipa maih zikyu ei râ ei. Ahy rai ta he biezy he a baichha khiahta cha, he châbu liata potlana palâsapazy he Khazohpa ta a chô liata a baichha aw.

1 SAMUELA 12:21

Khâpa châta hmahta a phahnai lei awpa nata châ pachha thei lei awpazy zipa ta tleisai khuh vy, âmo cha hraoleipazy ama châ.