MÂKA 7:34 - Mara Bible RV (BSI)

³⁴ Avâ lâ moh ta, a hrô ta, a hnohta, “Ephâthâ,” tah ta, cha cha “A pahy teh,” tahna a châ.

MÂKA 7:34 ပူးပေါင်းရင်းမြစ်များ

PUASAINA 2:23

Daihti vâropi a châ tawhta, Izi bei cha thi ha ta. Izarei sawzy cha ama seichâna vâta a hrô ei ta, baotuhpa aw ei ta. Ama seichâna tawhta pachha awpa ta ama awna ao cha Khazohpa kô kaw tlô ta.

ISAI 53:3

Ano cha chyhsazy ta mohnaopa ta dytha ei ta, Pachârôhnazy a hneipa chyhsa châ ta, Pachâchhienazy a pahnopa a châ. Chyhsazy ta ama hmia ama nyusaipa chyhsa hawhta, Mohnaopa ta y ta; Keimo chhao ta, Ano cha pasâhsa hlei hra ma pi.

MÂKA 1:41

Zisu cha a thapasa ngaita ta, a ku ta kei paza ta, ano cha hria ta, a hnohta, “Ei khoh na, pathaihpa ta y mah y,” tah ta.

MÂKA 15:34

Dawh thôhpa liata, Zisu cha ao paro ngaitapa ta awh ta, “Elôi, Elôi, lâmâ sabakthâni?” tah ta, cha yzie cha “Ei Khazohpa, ei Khazohpa, khazia eina pathlua chi?” tahna a châ.

MÂKA 5:41

Hawtinô ku cha patu ta, a hnohta, “Tâlithâ kumi,” tah ta. Cha yzie cha, “Hawtinô, ei cha chho, thyu teh,” tahna a châ.

MÂKA 6:41

Zisu ta viahchhâ tlâ pangawh nata ngasa miano cha la ta, avâ lâ ua ta, byhnâ aw ta. Viahchhâzy cha eichheih ta, zawpizy rai awpa ta a pachupazy pie ta. Ngasa mianopa cha pachhaih ta ama zydua ta rai ta.

MÂKA 7:35

A nakhaohzy a vaw pahy ta, a paleih chahryna chhao a vaw pathlâ ta, a siapa ta bie reih thei ha ta.

MÂKA 8:12

Zisu cha a thlahpa ta thata a hrô ta, “He chhâ heta khazia ngiana a tlua tly? Hmeiseihta ta ei cha chho ei, he chhâ hnohna heta ngiana piepa châ aw vei,” tah ta.

LUKA 18:42

Zisu ta a hnohta, “Na mo pavâ mawh sy. Nâ ngiapâna ta a cha patlâh haw,” tah ta.

LUKA 19:41

Zerusale a kei hnia ta, khihpi cha a hmô nahta, chakhei ta,

LUKA 7:14

A kei hnia ta, chhâchhua cha kei hria ta, asytuhpazy cha a duah ei ta. “Satliapa, ei cha chho, thyu teh,” tah ta.

ZAWHÂNA 11:33

Zisu ta Mâri chapa nata a vaw zipa Zuzy chapa cha a hmô nahta, a thlahpa pachârôhpa ta, a palôh pasa ngaita ta.

ZAWHÂNA 11:35

Zisu cha ta.

ZAWHÂNA 11:38

Zisu cha palôh pasa ngaitana chôta thlâ kei tlô ta. Thlâ cha lôpu khiepa châ ta, a paka liata alô ta pamaipa a châ.

ZAWHÂNA 11:41

Alô cha pasie ei ta. Zisu cha avâ lâ ua ta, “Ei Paw, ei bie na nathliepa vâta alyna bie ei cha hlâ.

ZAWHÂNA 11:43

Cha biezy cha a rei khai nahta, ao paro ngaitapa ta awh ta, “Lâzarâh, vaw pua teh,” tah ta.

ZAWHÂNA 17:1

Cha biezy cha Zisu ta a rei khai nahta, avâ lâ ua ta, “Ei Paw, a daihti a tlô haw, na Sawchapawpa he parônahsa mah y. Chatanachata na Sawchapawpa chhao ta a cha parônahsa aw.

HMOTAOPAZY 9:34

Pity ta a hnohta, “Ainia, Zisu Krista ta a cha patlâh haw, thyu la na hmohphaw loh teh,” tah ta. Thlai thyu ha ta.

HMOTAOPAZY 9:40

Pity ta ama zydua khôtho lâ papua ta, pakhu paneihpa ta thlahchhâ ta, athihpa ri lâ a heih ta, “Tâbi, thyu teh,” tah ta. Tâbi cha a mo vaw padeih ta, Pity a hmô nahta, a kaw tyuh ta.

HEBRAI 4:15

Eima chiehleinazy miah a pahnokhei thai leipa theihthai beichaipa a hneipa châ leipa pi ta, keimo hawhta kyh to liata reipasaona a tyh ta, châhrasala a molei leipa theihthai beichaipa eima hnei.