MÂKA 7:27 - Mara Bible RV (BSI)

²⁷ Zisu ta a hnohta, “Sawzy ama rih bie tua mawh sy. Sawzy ku liata viahchhâ chhu ta, izy piepa cha hmo yzie châ vei,” tah ta.

MÂKA 7:27 ပူးပေါင်းရင်းမြစ်များ

MATHAI 10:5

He pahrawh hleinozy he Zisu ta tuah ta, ama hnohta hetana heta bie a pie ei: “Zenitaizy lâpi lâta sie leipa u la, Samâri khihpi liata chhao a ngia hra leipa u la,

MATHAI 7:6

“Izy cha hmo pathaihpa pie leipa u la, vaozy hmiakô liata nama taikuh lôsôhpazy thy hra khuh vy. Ama phei ta tly aw ei ta, ama châ liehnao pathlei aw.

MÂKA 7:26

Cha chanô cha Krikâh chyhsa, Suria râh Phônisia liata a pihpa a châ. A sawchanô tawhta ahripa papua awpa ta a haw ta.

MÂKA 7:28

Chanô ta a chhy ta, “A châ na, Abeipa! Châhrasala tlâhkhai ry liata izy chhao ta sawzy viahchhâ zôhpa a tlapazy cha ama nie tyh mâh tâh,” tah ta.

HMOTAOPAZY 22:21

Châhrasala Abeipa ta, ‘Sie mah y, lâhlapi ta Zenitaizy lâta ei cha tuah aw,’ na tah ta,” tah ta.

RAWMA 15:8

Ei cha chho ei, pathlatuhpazy hnohta bietai pa-i ta, Khazohpa adona palâsa nawpa ta, Krista cha chopawtaipazy chakaotuhpa ta a vaw ypa a châ.

EPHESI 2:12

Kha nona kha, Krista a hlao leipa ta y ei chi ta, Izarei râh nata a maniahpa ta, bietai biehraizy liata khichhaipa châpa ta, hnabeiseihna hnei leipa nata Khazohpa hnei leipa ta khizaw liata nama y.