MÂKA 7:22 - Mara Bible RV (BSI)

²² uahvana, chhiena, dôveina, parâna, kiaphaona, reipachhiena, apalaina nata hruna zy he palôh tawhta a kaw pua tyhpa a châ.

MÂKA 7:22 ပူးပေါင်းရင်းမြစ်များ

2 THÂTIHZYRONA 32:31

Babylaw beimachâzy ta lyuhchâpazy za tuah ei ta, râh liata ngiana hmo ama taopazy ama za patluahna kyh liata, Khazohpa ta Hezekia cha pasia ta, a palôh liata a ypa zydua pahno awpa ta ano y ta a paysa hapa kha a châ.

HLAZY 10:4

Hmoparaopa apalaina hmia a phaohpa cha, Khazohpa tlua leipa ta, A pachâna zydua liata, “Khazohpa y vei,” a tah tyh.

HLAZY 119:36

Ei palôh he keimasasyh athôhna lâta paheisa leipa la, Na biepiepazy lâta tlao paheisa mah y.

BIESOZY 12:23

Asopa cha a pahnopazy nyu ta, Ahrupa deikua cha hruna bie a phuah tyh.

BIESOZY 22:15

Hawtipa palôh liata hruna a bai ha ta, Sôsi ta chhoreina ta hruna cha lâhla lâ â chadai pai aw.

BIESOZY 23:6

Chyhsa mochhihpa viahchhâ cha nie leipa la, A pati pahâhpazy chhao tlaichhai hlei khah y.

BIESOZY 24:9

Ahrupa ryhraona cha moleina châ ta, Chyhsa mohnao a hmâhpa cha, Chyhsapa châta pasichhihpa a châ.

BIESOZY 27:22

Ahrupa sôkhaoh liata sâh chhaota Sôkhaih ta daih hra la, Ahruna ta ano cha siesai hlei aw vei.

BIESOZY 28:22

Chyhsa riakhiehpa cha hneirôh awpa ta a para ta, Leina ta a vaw tlô thlu aw tahpa pahno vei.

BIECHHOTUHPA 7:25

Sona patuapalua ta, tlua ta, hmo yziezy pahno awpa ta ei palôh pahei na ta, moleina he hruna a châzie nata hrungâ kathluhna kyhzy pahno awpa ta ei palôh pahei hra na ta.

ISAI 59:13

Hmoparaopa ta Abeipa a paphasai pi ta, Eima Khazohpa eima pazipa eima kuasai tyh; Tlybaina nata adyuhna biezy reih pi ta, Eima palôh ta haipa saw phaoh ta, Chazy cha eima reihpapua tyh.

ISAI 59:7

Ama pheizy cha, Hmo pha leipa tao nawpa lâ a râ ta; Thaileina a hnei leipa thisaih palo awpa ta, Ama phei a chatlie kaw tyh. Ama pachânazy cha, Moleina hmo pachânazy châ ta; Ama lâlaizy liata Roryhrana nata paraona zy a y.

ZEREMIAH 17:9

Palôh he hmo zydua hlâta dôvei a thai chaipa châ ta, Pasichhih ngaitapa a châ; Ahy ma chyhsapa palôh a pahno thei aw?

MATHAI 20:15

Kei eih châ ta, kei eih cha ei khozie hawhta tao thei va na ma? Ei riaphapa ma na hiatlia kaw?’ tah ta.

MATHAI 6:23

Na mo a rao ha khiahta deikua cha, na pôhpa dua ta a zoh aw. Nâma liata khaihna cha zohna châ ha sala, zohna cha a zoh ngaita aw dia!

MÂKA 7:21

Chhôh tawhta, chyhsapa pathipalôh tawhta, pachâna moleipazy a kaw pua tyh. Apatlana, paruna, lianycheina, apheina,

MÂKA 7:23

Cha hmo zydua cha chhôh tawhta a kaw puapa châ ta, chazy chata chyhsa a papuapalei tyh,” tah ta.

2 KAWRINI 10:5

Aeichhiana nata pachâna sâhpa hmâpa ta Khazohpa pahnona pakhâ achhuahnazy parao pi ta, pachâna to rai Krista reingiahna lâta eimâ chhi tyh.

RYHPACHANEINA 15:9

A vaih teh u, chataleipatala, ‘Dyuchei ngiahthaina kô, kô sarina a vaw tlô daihmâ haw,’ tahpa ta nama unawh dyhchhiepa cha uasa a chhuah leipa ta, bao khoh leina palôh chhiepa nama hnei pathlei aw. Cha hawhta nama y khiahta cha, Abeipa lâ cha tlôkhei aw ei ta, nama châta moleina a châ aw.

RYHPACHANEINA 28:54

Nama hry liata chyhsa nôpha chaipa nata ngiachhiena a hnei chaipa taihta a unawhpa nata a lapinô kho ngaitapa nata a saw a hroh tlakaihpa ngiachhie thei khao aw veih ei.

RYHPACHANEINA 28:56

“Nama hry liata chanô panyu chaipa nata nainyu chaipa, a nainyu tupa nata a panyu tupa vâta a pheipazah alei a tly beih leipa taih ta, a vahpa kho ngaitapa nata a sawchapaw nata a sawchanô zy ngiachhie thei khao aw vei.

1 PITY 2:15

Cha cha Khazohpa khozie châ ta, ahrupazy ta pahno leina vâta bie ama reipazy cha, nama hmo pha taopa ta nama chalihsa thei aw.

1 PITY 5:5

Cha hawhna chata nâmo, hawti viapazy saih u, uhthei viapazy liata a ngiarih teh u. Nama zydua ta areisina chysia ta a tobi u la, a chakao raihrie teh u. “Khazohpa ta apalaipazy a dyuh ta, areisipazy deikua cha a ngiachhie tyh.”