MÂKA 7:15 - Mara Bible RV (BSI)

¹⁵ Khôtho lâ tawhta chyhsa chhôh lâ a ngiapa khâpa hmo hmahta chyhsapa papuapalei thei vei. Chhôh lâ tawhta a kaw puapa ta chyhsapa cha tlao a papuapalei tyh.

MÂKA 7:15 ပူးပေါင်းရင်းမြစ်များ

BIESOZY 4:23

Na palôh pakhâta ta vaih mah y, Hrona tihnawh vaw puana châ tlôh ta.

MATHAI 12:34

Vâzi pathlazy saih u, nâmo moleipazy ta kheihta hmo phapa nama reih thei aw? Palôh liata a bie pakhôpa cha pakah ta a reih papua tyh.

MATHAI 15:16

Zisu ta, “Nâmo chhao taihta a yzie pahno to veih ei chi ma?

MÂKA 7:14

Chatawhcha zawpizy ano lâ awpakhy heih ta, ama hnohta, “Nama zydua ta ei bie nathlie u la, pahno teh u.

MÂKA 7:16

Nakhaoh a hneipa maihta thei mawh sy,” tah ta.

HMOTAOPAZY 10:28

Ama hnohta, “Zu chyhsa châta chihropa chyhsa a pahlaopa nata a o liata chareipa cha ânapa hmo a chânazie nâmo chhao ta nama pahno. Châhrasala ahy hmah ânapa nata pathaih leipa ei tah awpa a châ leizie Khazohpa ta eina pahmôsa.

RAWMA 14:17

Khazohpa khinarâh cha nie nata do kyh châ vei. Siana nata thlalôhna nata Thlahpa Pathaihpa liata alyna zy tlao a châ.

1 KAWRINI 10:25

Sa zuana liata ama zuapa maih cha, chhie nata pha pahnona hmâpa ta, khâpa hmah hiahri leipa ta nie thlâh ha mah y.

TITU 1:15

Mopathaihpazy châta ato pathaih ta, chyhsa puapa nata ngiapâleipazy châta deikua cha, khâpa hmah pathaih vei. Ama palôh phaozie nata ama chhie nata pha pahnona a pua khai haw.

HEBRAI 13:9

Pachuna nanopa nata noâhchhihpazy ta paviasapa ta y khuh vy. Palôh he niedo ta thapatlô awpa châ leipa ta, ngiachhiena ta thapatlô awpa tlao a châ. Niedo kyh sai ta a tymâkheipazy châta niedo ta athôhna tlôkhei hlei vei.

HEBRAI 9:10

Hmopiepa nata atheihnazy cha niedozy nata apasipathaina nanopazy kyh deita châ ei ta, sapa lâ ryhpa, taopathina daihti tlô hlâta hmâ awpa ryhpazy deita ama châ.