MÂKA 7:14 - Mara Bible RV (BSI)

¹⁴ Chatawhcha zawpizy ano lâ awpakhy heih ta, ama hnohta, “Nama zydua ta ei bie nathlie u la, pahno teh u.

MÂKA 7:14 ပူးပေါင်းရင်းမြစ်များ

1 ABEIZY 18:21

Elaizâh ta zawpi cha a kei hnia ta, ama hnohta, “Pachâna miano likah liata khachâ ma noraihpa ta nama y chy aw? Abeipa cha Khazohpa a châ khiahta cha, ano cha pazi u la, Bâlâ cha Khazohpa a châ khiahta cha, ano cha pazi muh vy,” tah ta. Zawpizy ta kawh kha hmahta a chhy leipa ei ta.

1 ABEIZY 22:28

Mikai ta, “Thlalôhpa ta na vaw kua heih khiahta cha, Abeipa ta keima hmâpa ta bie a rei leipa a châ aw,” tah ta. Mikai ta, “Nâmo, phopi zydua saih u, nathlie teh u!” tah ta.

HLAZY 94:8

Hy phopi nomaoh chaipa, na novâh bâ mawh sy! Hy ahrupazy saih u, khatita ma nama so aw?

BIESOZY 8:5

Hy nâmo, sona a phahlapazy saih u, Sona a chu u la; Nâmo, ahrupazy saih u, Pahnona a chu teh u.

ISAI 6:9

Ano ta ei hnohta, “Sie la, cha phopi hnohna chata, “‘Thei cha thei aw ei chi ta, Châhrasala nama novâh aw vei; Hmô cha hmô aw ei chi ta, Châhrasala pahno thai aw veih ei chi.

ZEREMIAH 25:2

Bie a vaw tlôpa cha hrohsopa Zeremiah ta Zudâh phopi zydua nata Zerusale khihsaw zydua hnohta hetana heta a phuah.

MATHAI 15:10

Chatawhcha zawpizy ano lâ awpakhy ta, ama hnohta, “Nathlie u la, pahno teh u.

MÂKA 7:13

Cha hawhna chata nama taozietyhpa namâ pie pachhuah lymâpa hmâpa ta, Khazohpa bie hraoleipa ta nama tao tyh. Cha hawhpa cha hmo hluhpi nama tao,’” tah ta.

MÂKA 7:15

Khôtho lâ tawhta chyhsa chhôh lâ a ngiapa khâpa hmo hmahta chyhsapa papuapalei thei vei. Chhôh lâ tawhta a kaw puapa ta chyhsapa cha tlao a papuapalei tyh.

LUKA 12:1

Cha nona chata, amâ tlypâ ngâna taihta zawpi sâh hluhpi a vaw hmaohpakhy ei ta, Zisu cha a pachupazy hnohta bie reih tua chai ta, “Phârisaihzy thinô liata a vaih teh u, cha cha phapakheina a châ.

HMOTAOPAZY 8:30

Phili cha a kei râ ta, hrilyupa ta hrohsopa Isai châbu a rei haipa thei ta, a hnohta, “Na reipa kha a yzie na pahno ma?” tah ta.