MÂKA 6:6 - Mara Bible RV (BSI)

⁶ Ama zo leina kyh liata noâh a tah ngaita. Chatawhcha khihzy chahryhpa ta, pachu lymâ ta.

MÂKA 6:6 ပူးပေါင်းရင်းမြစ်များ

ISAI 59:16

Tlybaipazy a bao awpa chyhsa y leipa ei ta, Âmo châta thlah a chhâ awpa a hmô leipa vâta, Abeipa cha noâh a tah ngaita. Chavâta ano bâh tlai ta a pachhana patlôsa ta, Ano siana tlai ta a bao ei.

ZEREMIAH 2:11

Phopi ta a khazohzy cha, Khazohzy ama châ leipa chhao ta a thla beih ma? Ei phopi deikua ta ama rônahna cha, Hmo phahnai leipa ta tlao ama thla haw.

MATHAI 4:23

Kâlili râh zydua chahryh ta, amâ pakhyna ozy liata pachupa ta, khinarâh thâtihpha chho lymâ ta, zawpi hry liata hri to nata pasana to a hneipazy patlâh ta.

MATHAI 8:10

Zisu ta cha bie cha a thei nahta, a noâh kaw ta, a pachupazy hnohta, “Hmeiseihta ta ei cha chho ei, he tlu ta ngiapâna thatlôpa he Izarei liata pakha hmah hmô va na.

MATHAI 9:35

Zisu cha khihpi nata khitaw zydua chahryh ta, amâ pakhyna ozy liata pachupa ta khinarâh thâtihpha phuah lymâ ta. Hriiah to nata pasana to patlâh ta.

MÂKA 1:39

Kâlili râh zydua chahryh ta, amâ pakhyna ozy liata bie chho ta, ahripazy papua ta.

MÂKA 10:1

Zisu cha, cha su tawhta pua ta, Zawdâh haosâ Zudia râh lâ sie ta. Zawpizy ano lâ a vypakhy heih ei ta. A tao tyhpa hawhta, âmo cha pachu heih ta.

LUKA 13:22

Zisu cha Zerusale pangaipa ta sie ta, lâpi liata khihpi nata khitawzy chahryhpa ta pachu lymâ ta.

LUKA 4:31

Zisu cha Kâlili râh Kâpynia khih lâ zu ta, Pahânoh ta âmo cha pachu ta.

LUKA 4:44

Chatanachata Zudia râh pakhyna ozy liata bie chho lymâ ta.

ZAWHÂNA 9:30

Cha chyhsa chata a chhy ta, “Cha tlai cha noâh â chhihna cha a châ! Khataih tawhta a vypa ma a châ pahno leipa ei chi ta, ei mo a pavâsa tlôhpa hih.

HMOTAOPAZY 10:38

Khazohpa ta Nâzari Zisu kha Thlahpa Pathaihpa nata hmotaotheina ta sathawthu ta, Khazohpa a hnohta a ypa vâta, hmopha taopa ta râh chahryh ta, ahripa taolapa zydua a patlâh lymâ.