MÂKA 6:37 - Mara Bible RV (BSI)

³⁷ Zisu ta ama hnohta, “Nâmo ta nie awpa pie teh u,” tah ta. Âmo ta a hnohta, “Dinâri za no mâ ta viahchhâ kei chalei sih la ma, nie awpa cha âmo eima pie aw?” tah ei ta.

MÂKA 6:37 ပူးပေါင်းရင်းမြစ်များ

2 ABEIZY 7:2

Pheisaih hyutuhpa, abei ta a ku liata â pahniehpa ta Khazohpa chyhsa hnohta, “Abeipa ta avâ opyzy a pahypa chhao ta, cha hawhpa hmo cha a y thei aw ma?” tah ta. Khazohpa chyhsa ta, “Na mo tlai ta na hmô aw, châhrasala nie aw va chi,” tah ta.

MALUHREINA 11:13

He zawpi zydua pie awpa heta khataih liata sa ma ei hnei aw? ‘Eima nie awpa sa miah pie teh,’ tahpa ta cha ei ta, eina patypamâ ngâ thlâh ha ei hih.

MATHAI 14:16

Zisu ta, “Ama sie awpa byuh vei. Nâmo ta nie awpa pie teh u,” tah ta.

MATHAI 18:28

Cha chakaotuhpa cha pua ta, a chakaolâhpa pakha, ano liata dinâri za kha a bâhpa hmô ta, patu ta, a rao rie ta, a hnohta, ‘Na leibâh kha na thô teh,’ tah ta.

MÂKA 6:36

Ama nie awpa khâpa chhâ ma amâ kei chalei thei nawpa ta, zawpizy he eima chheipâh khihzy nata lyuzy lâ pasiesa teh,” tah ei ta.

MÂKA 6:38

Zisu ta ama hnohta, “Viahchhâ tlâ khazie nama hnei? Vawh u la, kei moh tua u,” tah ta. Ama hneipa zie ama pahno nahta, “Viahchhâ tlâ pangawh nata ngasa miano,” tah ei ta.

LUKA 7:41

Zisu ta, “Tâkâ dyu a pacheisatuhpa pakha liata chyhsa pano ta leibâh hnei ei ta. Pakha ta dinâri za pangawh a bâh ta, ahropa ta sypangawh a bâh ta.

LUKA 9:13

Zisu ta ama hnohta, “Nâmo ta nie awpa pie teh u,” tah ta. Âmo ta, “Sie ei sih la, he chyhsa zydua châta nie awpa eima chalei leipa ta cha, viahchhâ tlâ pangawh nata ngasa miano dei leipa ta khâpa hmah hnei ma pi,” tah ei ta.