MÂKA 6:31 - Mara Bible RV (BSI)

³¹ Zisu ta ama hnohta, “Nâmo dei ta su dâhthlohpa lâ a vy u la, buakha a pahâ chy teh u,” tah ta. Chyhsa hluhpi ta zu heih, khy heih ama tahpa vâta, pati dâhdei chhao nie hmâ leipa ei ta.

MÂKA 6:31 ပူးပေါင်းရင်းမြစ်များ

MATHAI 14:13

Zisu ta Zawhâna thâtih cha a thei nahta, cha su tawhta pua ta, ano dei ta balyh ta sie ta, su dâhthlohpa lâ pangai ta. Cha thâtih cha zawpi ta ama pahno nahta, khihzy tawhta phei ta siepa ta ano cha pazi ei ta.

MÂKA 1:45

Châhrasala cha chyhsa cha pua ta, a pathaih hana kyh cha reih lymâpa ta, thâtih tlao pathâhsa lymâ ta. Chavâta Zisu cha â lâhâhpa ta khihpi liata a ngia thei khao leipa ta, su dâhthlohpazy liata tlao y ta, su to tawhta ano cha ama pangai lymâ.

MÂKA 3:20

Zisu cha o lâ a di ta. Chyhsa hluhpi a hnohta a vypakhy heih ei ta, chavâta Zisu nata a pachupazy cha pati chhao nie hmâ khao leipa ei ta.

MÂKA 3:7

Zisu cha a pachupazy chhaota tipo lâ sie ta, Kâlili nata Zudia râhzy tawhta chyhsa hluhpi ta ano cha zi ei ta.

ZAWHÂNA 6:1

Cha hnôhlâ ta Zisu cha Kâlili Tipo haosâ lâ sie ta, cha tipo cha Taibiria Tipo tahpa a châ hra.