MÂKA 6:20 - Mara Bible RV (BSI)

²⁰ Herawda ta Zawhâna cha chyhsa siapa nata pathaihpa a châ tahpa a pahnopa vâta chi ta, a pabohsapa a châ. A bie a thei nahta, a nôpo kaw tyh ta, châhrasala a ly ngaitapa ta a nathlie pyly tyh.

MÂKA 6:20 ပူးပေါင်းရင်းမြစ်များ

1 ABEIZY 21:20

Ahabâ ta Elaizâh hnohta, “Eina vaw hmô ha chi ma, nâ ei khakhaipa?” tah ta. Elaizâh ta a chhy ta, “Abeipa mohmô liata hmo pha leipa tao awpa ta nâmasasyh ta nâ zua hapa vâta, ei cha hmô ha heih hih.

2 ABEIZY 13:14

Elaisâh cha thikhei awpa pasana hri ta pasa ta. Izarei bei Zôasâ cha ano lâ zu ta, chakhei ta, “Ei pâ, Hy ei pâ! Izarei talailihzy nata ama arâ pheisaihzy ta a ypa y!” tah ta.

2 ABEIZY 6:21

Izarei bei ta âmo cha a hmôpa nahta, Elaisâh hnohta, “Ei pâ, ei thie aw ei ma? Ei thie aw ei ma?” tah ta.

2 THÂTIHZYRONA 24:2

Zôasâ cha theihthaipa Zehôdâ hro chhôh zydua cha Abeipa mohmô ta hmo phapa tao ta.

2 THÂTIHZYRONA 26:5

Khazohpa china kyh a pachupa Zekaria hro chhôh zydua cha Khazohpa tlua lymâ ta. Abeipa a tlua chhôh zydua cha Khazohpa ta hlaotlohna a pie lymâ.

PUASAINA 11:3

Abeipa ta Izarei phopi cha Izi mo hmiakô liata ngiachhiena pahlaosa ta. Cha dei châ vei, Mawsi cha Izi râh liata Phiraoh chakaotuhpazy pachâzie nata zawpi pachâzie liata chyhsa rônah ngaitapa châ ta.

EZEKIA 33:32

Pachâ teh, âmo châta la, nâ cha ao ngia ngaitapa ta aohraohna hla a sapa nata pyu ngiapa a tô thaipa hawhta na châ. Na bie thei aw ei ta, châhrasala zyh hlei aw veih ei.

DÂNIAH 4:18

He mâ he, kei, Bei Nebukaneza ta sa na ta, nâ, Hy Beltesâza y, a chhopasiana cha phuah teh. Ei beinarâh liata chyhsa sopa zydua ta a chhopasiana na chho thei veih ei. Nâ deikua cha na tao thei aw, khazoh pathaihpazy thlahpa nâma liata a ypa vâta,” tah na ta.

DÂNIAH 4:27

Chavâta Hy abei y, pachâna ei cha piepa he a py tlâhpa ta rao mah y: na moleinazy siesaipa ta siana hrokhei la, na paraonazy siesaipa ta sipasapazy chô liata zawngiahna palâsa mah y. Cha hawhta na tao khiahta cha byhnâ na to heih aw,” tah ta.

DÂNIAH 5:17

Dâniah ta abei cha a chhy ta, a hnohta, “Na hmosaipazy cha nâma châta châ sala, na lymâzy cha mohropa pie mah y. Chatahrasala châropa cha abei reipa aw na ta, a chhopasiana chhao ei pahnosa aw.

MATHAI 14:5

Herawda ta Zawhâna cha thie awpa khoh ta, châhrasala zawpi ta hrohsopa ta ama pachâ vâta, zawpi riah chipa ta thie ngâh leipa ta.

MATHAI 21:26

‘Chyhsapa tawhta,’ tah mawh sih la, zawpi chi tlôh pi, chyhsa zydua ta Zawhâna kha hrohsopa ta ama pachâ khaipa châ tlôh,” tah ei ta.

MÂKA 11:18

Theihthai beizy nata ryhpa pachutuhpazy ta cha bie cha thei ei ta. Zawpi zydua ta a pachuna noâh ama tah ngaitapa vâta, Zisu cha chi ei ta, ama pahleipadia thei nawpa lâpi tlua ei ta.

MÂKA 4:16

Hezy he lôphiariapa liata chi hiepazy ama châ. Bie ama theipa nahta, a ly ngaitapa ta thlai a pyh ei ta,

ZAWHÂNA 5:35

Zawhâna kha meiôh khaihpa nata khaih ngaitapa châ ta, a khaihna ry liata thaphapa ta y chy awpa nama khoh kaw.

HMOTAOPAZY 2:12

Ama zydua ta ama noâh kaw ta, a pachâna rai pahno leipa ei ta, “He he khâpa ma a yzie tly?” tah ei ta.

HMOTAOPAZY 5:24

Achhyna o hyutuhpa nata theihthai beizy ta cha biezy cha ama thei nahta, kheihta ma a châ tly, tahpa pachâpa ta, a tymâ kaw ei ta.