MÂKA 6:15 - Mara Bible RV (BSI)

¹⁵ Ahropazy ta, “Elaizâh a châ,” tah ei ta. Ahropazy heih ta, “Hrohsopa na a châ, hrohsopa parohpa hry liata pakha a lyu,” tah ei ta.

MÂKA 6:15 ပူးပေါင်းရင်းမြစ်များ

MALAKHAI 4:5

Moh teh u, Abeipa noh rônahpa nata rarôh y ngaitapa a vaw tlô hlâta hrohsopa Elaizâh ei cha za tuapa tua aw ei.

MATHAI 16:14

Âmo ta, “Thokha ta Bâtituhpa Zawhâna a châ, cha tah ei ta; thokha ta Elaizâh a châ, cha tah ei ta; thokha ta Zeremiah tlyma hrohsopa ahy tlyma a châ, ama cha tah,” tah ei ta.

MATHAI 21:11

Zawpizy ta, “He he hrohsopa Zisu, Kâlili râh Nâzari khihpa a châ,” tah ei ta.

MÂKA 6:16

Herawda deikua ta a thei nahta, “A luh ei tai hapa Zawhâna a vaw thyu heihpa a châ chuh,” tah ta.

MÂKA 8:28

Âmo ta a chhy ei ta, “Bâtituhpa Zawhâna a châ, cha tah ei ta; thokha ta Elaizâh a châ, cha tah ei ta; thokha ta hrohsopa ahy tlyma a châ, ama cha tah,” tah ei ta.

LUKA 1:17

Elaizâh thlahpa nata hmotaotheina ta Khazohpa hmiakô liata sie aw ta, pawzy palôh cha sawzy lâta paheisapa ta, reingiah leipazy cha mosiapazy sona lâta paheisa aw ta, phopi pachhuahpanohpa cha Abeipa châta a mâ chiehpa ta a tao aw,” tah ta.

LUKA 7:16

Ama zydua ta chi ngaita ei ta, Khazohpa reithai ei ta, “Eima hry liata hrohsopa rônahpa a vaw pua hih! Khazohpa ta a chyhsazy a vaw tly ha hih!” tah ei ta.

LUKA 7:39

Cha hmo cha Zisu pati nie a hruatuhpa Phârisaih ta a hmô nahta, a palôh liata, “He chyhsa he hrohsopa a châ tlai khiahta cha, a hriatuhpa chanô he ahy ma a châ tahpa nata kheihawhpa chyhsa ma a châ tahpa a pahno thlyu awpa châ ta, ano he chanô moleipa châ tlôh ta,” tah ta.

LUKA 9:19

Âmo ta, “Bâtituhpa Zawhâna a châ, cha tah ei ta; châhrasala thokha ta Elaizâh a châ, cha tah ei ta; thokha ta hrohsopa ahy tlyma a thyuheihpa a châ, ama cha tah,” tah ei ta.

LUKA 9:8

thokha ta Elaizâh â vaw luah tah ei ta, thokha ta hlâno hrohsopa ahy tlyma a vaw thyu heihpa a châ ama tahpa vâta a châ.

ZAWHÂNA 1:21

Âmo ta, “Cha khiahta la, ‘Ahy na châ? Elaizâh na châ ma?’ tah ei ta. Ano ta ‘Châ va na,’ tah ta. ‘Hrohsopa na châ ma?’ tah ei ta. Ano ta, ‘Châ va na,’” tah ta.

ZAWHÂNA 1:25

Âmo ta a hnohta, “Mesia tlyma, Elaizâh tlyma, hrohsopa tlyma na châ tlôh leipa khiahta cha, khazia chyhsazy bâti na pachâsa ei?” tah ei ta.

ZAWHÂNA 6:14

Zawpizy ta hmonoâhpa a taopa ama hmô nahta, “He chyhsa he khizaw lâ a vy awpa Hrohsopa a châ tlai hih!” tah ei ta.

ZAWHÂNA 7:40

Cha biezy cha ama thei nahta, zawpi hry liata thokha ta, “He chyhsa he hrohsopa a châ tlai hih,” tah ei ta.

ZAWHÂNA 9:17

Mochaopa hnohta, “Na mo a pavâsatuhpa cha, kheihawhpa chyhsa ta ma na pachâ?” tah heih ei ta. Ano ta, “Hrohsopa a châ,” tah ta.