MÂKA 6:11 - Mara Bible RV (BSI)

¹¹ Châ ly leipa nata nama bie a nathlie khoh leipa khihzy cha, nama puasai tita, ama thaileichâna pahnosana châta nama phei liata buchadoh chatho thlu teh u,” tah ta.

MÂKA 6:11 ပူးပေါင်းရင်းမြစ်များ

NEHEMIAH 5:13

Ei poh pai chatho na ta, ama hnohta, “He bietai a tao leipa maih cha, he poh pai chathopa hawhna heta, Khazohpa ta a o tawhta nata a rai tawhta chatho pathlah mawh sy. Chatho pathlahpa châ sala, parua khaipa châ mawh sy,” tah na ta. Zawpi zydua ta, “Amen”, tah ei ta, Abeipa cha reithai ei ta. Zawpizy ta ama bietai hawhta tao ei ta.

MATHAI 12:36

Ei cha chho ei, chyhsazy ta bie pha leipa ama reipa maih cha, ryureina noh liata amâ reipasia awpa a châ.

MÂKA 6:10

Ama hnohta, “Khataih lia rai ta, nama tlôna o cha nama sie heih hlâlei puasai khuh vy.

LUKA 9:5

Châ ly leipa maih cha, cha khih tawhta nama pua tita, ama thaileichâna pahnosa nawpa ta nama phei liata buchadoh chatho thlu teh u,” tah ta.

HMOTAOPAZY 18:6

Châhrasala Zuzy ta a dyuh ei ta, ama reipachhie nahta, Pawla cha a poh chatho ta, ama hnohta, “Nama thisaih maoh cha nâmo luh liata y mawh sy! Kei deikua la, ei pathaih. Tahmâ tawhta la, Zenitaizy lâ ei sie aw,” tah ta.

RAWMA 2:16

Thâtihpha ei reipa hawhna heta, Khazohpa ta Krista Zisu hmâpa ta chyhsapa bieruzy a pachia noh liata, cha hawhna chata a châ aw.

RAWMA 2:5

Na palôh kuhchhana nata ro khoh leina vâta, hiehâhna noh, Khazohpa pachiana siapa â vaw luahna noh châta, nâmasasyh ta hiehâhna nâ pachôpakhy.

2 PITY 2:6

Sawdawmâ nata Kawmawrâ khihpizy kha ano a uasa leipazy pakhona châta hmâh ta, Khazohpa ta khihpizy cha buchâh lâta pachâsa ta a pamua ha ei.

2 PITY 2:9

Cha hawhna chata Abeipa ta ano a pachâtuhpazy cha reipasaona tawhta a pachha nawpazie pahno ta, sialeipazy cha pachiana noh a tlô hlâlei hriena ry liata soh chy nawpazie chhao a pahno.

2 PITY 3:7

Châhrasala cha bie lilaw chata tahmâno ta avâ nata alei a ypazy he mei châta pachô ta, Khazohpa a uasa leipazy pachiana nata leidiana noh a tlô hlâlei â pakhei chy ei.

1 ZAWHÂNA 4:17

Cha hawhna chata kyhpachâna cha keimo liata pakipa ta y ta, he khizaw liata ano lyupa ta eima ypa vâta, ryureina noh châta thlalôhna eima hnei thei haw.

ZUDÂH 1:7

Sawdawmâ nata Kawmawrâ nata ama chheipâh khihpizy chhao kha, apatlana moleinazy thata tao ei ta, chanô chapaw châna hmâzie tyhpa a châ leipa, chapaw nata chapaw apatlanazy taihta ama taopa vâta, chhâzaw mei ta hriepa châ ei ta, pakhona châta hmâpa ama vaw châ haw.