MÂKA 5:42 - Mara Bible RV (BSI)

⁴² Hawtinô cha thlai thyu ta, sie thei ha ta. Hawtinô cha kô hrawh hleinopa a châ. Zawpizy cha ama noâh ngaita ta.

MÂKA 5:42 ပူးပေါင်းရင်းမြစ်များ

MÂKA 1:27

Ama zydua ta noâh tah ngaita ei ta, “He he khâpa ma a châ tly? Biehneina chhaota pachuna thiehpa a châ he! Thlahpa puapazy chhao taihta bie pie ta, a bie amâ ngiah thlâh hapa he,” tah ei ta.

MÂKA 4:41

Chi ngaita ei ta, âmo nata âmo a hiahri ei ta, “He chyhsa he ahy ma a châ tly, thlih nata tilaipi chhao ta a bie amâ ngiahpa he?” tah ei ta.

MÂKA 5:41

Hawtinô ku cha patu ta, a hnohta, “Tâlithâ kumi,” tah ta. Cha yzie cha, “Hawtinô, ei cha chho, thyu teh,” tahna a châ.

MÂKA 5:43

Zisu ta cha thâtih cha ahy hnohta hmah pahnosa lei awpa ta zawpizy cha â i ngaitapa ta biepie ta. Hawtinô cha niepa pie awpa ta âmo cha chho ta.

MÂKA 6:51

Ama hnohta balyh liata a ngia ta, thlih cha a chalih ha ta. A pachupazy cha ama noâh ngaita ta.

MÂKA 7:37

Zawpizy cha rei thai leina taihta ama noâh ta, “Hmo to a tao phazie rimâ cha! Nahpâpa taihta patheisa ta, reih pathlie thei leipa taihta a pathliesa haw,” tah ei ta.