MÂKA 5:34 - Mara Bible RV (BSI)

³⁴ Zisu ta a hnohta, “Ei sawchanô, nâ ngiapâna ta a cha patlâh haw. Thlalôhpa ta sie la, na pasana tawhta tlâh ha mah y,” tah ta.

MÂKA 5:34 ပူးပေါင်းရင်းမြစ်များ

2 ABEIZY 5:19

Elaisâh ta a hnohta, “Thlalôhpa ta sie mah y,” tah ta. Nâmâ cha Elaisâh tawhta pua ta, a sie pasi hlâta,

BIECHHOTUHPA 9:7

Khazohpa ta na hmo taopazy a pyh ha ta, chavâta sie la, a lypa ta na viahchhâ nie la, palôh tlâhpa ta na kresawhti doh mah y.

THEIHTHAINA 14:48

“Theihthaipa ta moh awpa ta a vy ta, hri cha o pamih pathipa a châ tawhta a kawh via laih leipa khiahta cha, theihthaipa ta o cha pathaihpa ta a phuah aw. Hri cha a pai hapa a châ.

MATHAI 9:2

Chyhsa thokha ta asypa pakha a rakhô chhaota ano lâ a vaw sy ei ta. Zisu ta amâ ngiapâna a hmô nahta, asypa hnohta, “Ei sawchapawpa, thlalôhpa ta y mah y, na moleinazy a ngiahthaipa a châ haw,” tah ta.

MATHAI 9:22

Zisu cha a vaw heih ta, chanô cha hmô ta, a hnohta, “Ei sawchanô, thlalôhpa ta y mah y. Nâ ngiapâna ta a cha patlâh haw,” tah ta. Cha dawh liana chata chanô cha patlâhpa ta y ha ta.

MÂKA 10:52

Zisu ta a hnohta, “Sie mah y, nâ ngiapâna ta a cha patlâh haw,” tah ta. Chatanachata a mo thlai vaw pavâ ta, lâpi liata Zisu cha zi pâ ha ta.

MÂKA 3:10

Chyhsa hluhpi a patlâhpa vâta, hri ohpazy ta ano ama hria thei nawpa ta thata ama bypa a châ.

MÂKA 5:29

A thi lopa cha thlai a hâh ha ta, a hri ohpa tawhta patlâhpa a châ haw tahpa a pôhpa liata a vaw pahno ta.

MÂKA 5:33

Chanô cha a chô liata hmo a tlôpa cha pahnopa ta, chipa nata achalyuna chôta a vy ta, a hmiakô liata pao ta, a hnohta ato â dopa ta chho khai ta.

LUKA 17:19

Alyna bie a vaw hlâtuhpa hnohta, “Thyu la, sie mah y, nâ ngiapâna ta a cha patlâh haw,” tah ta.

LUKA 18:42

Zisu ta a hnohta, “Na mo pavâ mawh sy. Nâ ngiapâna ta a cha patlâh haw,” tah ta.

LUKA 7:50

Zisu ta chanô hnohta, “Nâ ngiapâna ta a cha pachha haw. Thlahlôhpa ta sie mah y,” tah ta.

LUKA 8:48

Zisu ta a hnohta, “Ei sawchanô, nâ ngiapâna ta a cha patlâh haw. Thlalôhpa ta sie mah y,” tah ta.

HMOTAOPAZY 14:9

Cha chyhsa chata Pawla bie reipa cha nathlie ta. Pawla ta ano cha a phapa ta moh ta, tlâh nawpa ta ngiapâna a hneipa pahno ta.

HMOTAOPAZY 15:33

Cha liata khachâ rakha ma ama y tawhta, âmo a zâ tuahtuhpa lâta a lie awpa ta unawhzy ta thlalôhpa ta pasiesa ha ei ta.

HMOTAOPAZY 16:36

Cha bie cha patâhna o vaituhpa ta, Pawla chho ta, “Cha papua awpa ta, bie pachiatuhpazy ta chyhsa ama vaw tuah. Chavâta tahmâ vaw pua u la, thlalôhpa ta sie teh u,” tah ta.

ZÂMIE 2:16

nama hry liata ahy tlyma ta a hnohta, “Thlalôhpa ta sie la, a lalôhpa ta y la, rihbiepa ta y mah y,” tah sala, pôhpa châta â ngiahpa a pie tlôh leipa khiahta cha, khâpa a phahnai aw?

1 SAMUELA 1:17

Eli ta, “Thlalôhpa ta sie mah y, Izarei Khazohpa ta ano lâta na hmo hiapa cha cha pie mawh sy,” tah ta.

1 SAMUELA 20:42

Zawnathâ ta Dâvi hnohta, “Thlalôhpa ta sie mah y, ‘Abeipa cha keima nata nâma likah nata ei pathlazy nata na pathlazy likah liata chhâzaw ta y mawh sy,’ tahpa ta Abeipa moh ta bie liahsa eimâ taih raihrie ha khaw,” tah ta. Chatanachata Dâvi cha thyu ta, sie ha ta. Zawnathâ chhao khihpi lâ a lie ha hra ta.