MÂKA 5:23 - Mara Bible RV (BSI)

²³ “Ei sawchanô hawtipa thi daihmâpa ta y ta. Tlâh sala, a hro thei nawpa ta, a vy la, a chô liata na ku vaw pahnieh mah y,” tahpa ta a haw chaimâh ta.

MÂKA 5:23 ပူးပေါင်းရင်းမြစ်များ

2 ABEIZY 5:11

Nâmâ cha a hiehâh ngaita ta, sie syulyu ha ta, “Pachâ teh u, kei lâta vaw puapa ta, a vaw duah aw ta, Abeipa a Khazohpa moh pado aw ta, ei phawhna chô liata a ku hiepa ta phawhpa he a patlâh aw khiah ma, tah na ta.

HLAZY 107:19

Nôpopa ta Abeipa pado ei ta, Abeipa ta ama pachârôhna tawhta a pachha ei.

HLAZY 50:15

Nôpona noh liata na pado la, Cha pachha aw na ta, Chatanachata eina parôhnasa aw chi,” Abeipa ta a tah.

MATHAI 8:3

Zisu ta a ku ta kei paza ta, phawhpa cha hria ta, a hnohta, “Ei khoh na, pathaih mah y,” tah ta. Phawhpa cha thlai pathaih ha ta.

MÂKA 16:18

ku ta parihzy patu aw ei ta, thina châmaih kheihawhpa rai doh hra ei sala, âmo pasasa aw vei. Tlâhleipazy chô liata ama ku pahnieh aw ei ta, ama tlâh lymâ aw,” tah ta.

MÂKA 5:24

Zisu cha Zairu hnohta vawh ta. Zawpi hluhpi ta pazi ei ta, ano cha chakho hôlô ei ta.

MÂKA 6:13

Ahripa hluhpi papua ei ta, tlâhleipa hluhpi sathaw thu ei ta, ama patlâh lymâ.

MÂKA 7:32

Chyhsa pakha nahpâpa nata reih pathlie thei leipa ano lâ a vaw chhi ei ta, a chô liata a ku pahnieh awpa ta a haw ei ta.

MÂKA 8:23

Mochaopa cha a ku ta patu ta, khih tawhta puakhei ta, a mo liata a pachih pachhao ta, a chô liata a ku a pahnieh khai nahta, hiahri ta, “Khâpa chhâ na hmô ma?” tah ta.

LUKA 13:13

A chô liata a ku pahnieh ta, chanô cha â patlâpa ta thlai a vaw duah ta, Khazohpa cha reithai ha ta.

LUKA 4:38

Zisu cha thyu ta, pakhyna o tawhta pua ta, Saimaw o liata a ngia ta. Saimaw lapinô nô cha hrisypa ta thata sy ta, patlâh awpa ta Zisu cha a hawpa ei ta.

LUKA 4:40

Noh a tla hai nota, pasana hri nanopa a ohpazy cha, ama chhôhkhazy ta Zisu lâ a vaw chhi ei ta, ama zydua chô liata a ku pahniehpa ta patlâh lymâ ta.

LUKA 7:12

Khih hawka â kei hnia nahta, athihpa amâ vaw sypa hmô ta. Cha chyhsa cha nôhmei sawchapaw matlupa a châ. Khihsaw hluhpi a hnohta a vy hra ei ta.

ZAWHÂNA 11:3

A sietanôzy ta Zisu hnohta, “Abeipa, na kyhpachâpa kha tlâh vei,” tahpa ta chyhsa Zisu lâ tuah ei ta.

HMOTAOPAZY 28:8

Publia paw cha chasipa nata thisaih chhôhpatlaipa ta pasapa ta a vaw zia thlâh ha ta. Pawla cha a ngia ta, thlahchhâ ta, a chô liata a ku pahnieh ta, patlâh ha ta.

HMOTAOPAZY 6:6

Cha chyhsazy cha lyuhchâpazy hmiakô liata paduasa ei ta, ama chô liata ku pahniehpa ta, thlahchhâpa ei ta.

HMOTAOPAZY 8:17

Lyuhchâpazy ta ama chô liata ama ku pahnieh ei ta, Thlahpa Pathaihpa hnei ha ei ta.

HMOTAOPAZY 9:12

chyhsa pakha a moh Anania ama tahpa a o lâ a vaw ngiapa ta, a mo pavâ nawpa ta a chô liata ku a pahniehpa kyh aluahna ta a hmô,” tah ta.

HMOTAOPAZY 9:17

Anania cha pua ta, Sawla yna o liata a kei ngia ta. A chô liata a ku pahnieh ta, “Unawh Sawla, na mo pavâ nawpa nata Thlahpa Pathaihpa biepa ta na y thei nawpa ta, na vaw siena lâpi liata na hnohta a vaw luahpa Abeipa Zisu khata eina vaw tuah,” tah ta.