MÂKA 5:15 - Mara Bible RV (BSI)

¹⁵ Zisu kô ama kei tlô nahta, ahripa patupa, Zahluh kha chysia a tobipa ta, palôh sopa ta â tyu thlâh hapa hmô ei ta, chi ngaita ei ta.

MÂKA 5:15 ပူးပေါင်းရင်းမြစ်များ

1 THÂTIHZYRONA 13:12

Cha noh ta Dâvi ta Khazohpa cha chi ngaita ta, “Kheihta ma Khazohpa Byh he ei o ei tlôkhei thei aw?” tah ta.

1 THÂTIHZYRONA 15:13

A hmiatuapa liana khata, bieraopa hawhta ano pado leipa pi ta, nâmo ta Byh namâ sy leipa vâna khata, Abeipa eima Khazohpa cha eima chô liata a hie a hâhpa a châ,” tah ta.

ZAWBÂ 13:11

A rônahna ta cha pachisa aw ei ta, A chichhihna ta cha tla thlu aw veih ei ma?

HLAZY 14:5

Khazohpa cha mosiapazy hry liata a pahlao tlôh ta, Chavâta hmoparaopazy cha, cha liata chi ngaitapa ta ama y.

MATHAI 12:29

Chyhsa ta chyhsa thatlôpa o liata a ngia sala, cha chyhsa thatlôpa cha a chahry ha tua leipa khiahta cha, kheihta a hmozy a hrao thei aw? A chahry khai tawhta a o cha a hrao thei aw.

MATHAI 26:53

Tahmâ tlai he ei Paw lâ a haw aw sah la, vâlyuhchâpa hlao hrawh hleino hlâta hluh via eina vaw tuapa thei tahpa pahno veih ei chi ma?

MATHAI 4:24

Suria râh zydua liata a moh pathâh ta, chyhsa tlâhleipa zydua, pasana a hneipa nata hri ohpazy, ahripa patupazy, riapamiepazy nata asypazy a hnohta a vaw chhi ei ta, patlâh lymâ ta.

MATHAI 9:33

Ahripa a puapa nahta, reih pathlie thei leipa cha a reih pathlie thei ha ta. Zawpizy cha ama noâh ngaita ta, “He hawhpa he Izarei liata hmô beih ma pi,” tah ei ta.

MÂKA 5:14

Vao pasatuhpazy cha a râ ei ta, cha thâtih cha khihpi liata nata khitaw zy liata reih ei ta. Hmo a tlôpa cha moh awpa ta zawpizy a vy ei ta.

MÂKA 5:16

A hmôtuhpazy ta ahripa patupa chô liata hmo a tlôpa nata vao thâtihzy cha âmo chho ei ta.

MÂKA 5:18

Balyh a kia nahta, ahripa patupa khata Zisu hnohta y awpa ta a haw ta.

MÂKA 5:4

Keihraizy daipa ta bâlia ta chahry tyh ei ta, châhrasala bâlia cha chhie ta, keihrai chhao a chaphie khai ha tyh. Ahy ta hmah kheihta hmah tao thei veih ei.

MÂKA 5:9

Zisu ta, “Na moh ahy?” tah ta. Ano ta, “Ei moh cha Zahluh a châ, mo hluhpi eima châ,” tah ta.

LUKA 10:39

Marthâ cha narô pakha, a moh Mâri ama tahpa hnei ta. Mâri cha Abeipa phei thaby liata a tyuh ta, a bie nathlie ta.

LUKA 8:27

Zisu cha ngiahkâ lâ a pua nahta, khihpi liata chyhsa pakha, ahripa a hneipa ta a vaw tyh ta. Cha chyhsa cha chysia â tao leina tawhta bohpi châ ha ta, o liata y leipa ta thlâzy liata a y tyhpa a châ.

KAOLAOSÂ 1:13

Khazohpa ta zohna biehneina tawhta miah pachha ta, a Sawchapawpa kyhpachâ ngaitapa khinarâh lâ miah â chhi haw.

2 TIMAWTHY 1:7

Khazohpa ta china thlahpa miah pie leipa ta, hmotaotheina nata kyhpachâna nata pachâna pasohpa hneina thlahpa tlao miah a pie.

1 SAMUELA 16:4

Samuela cha Abeipa reipa hawhta tao ta, Bethlehe lâ cha sie ta. Khihpi machâzy ta a chalyuna chôta ano cha vaw dy ei ta, “Thlalôhna bie a vaw phaohpa na châ ma?” tah ei ta.