MÂKA 5:13 - Mara Bible RV (BSI)

¹³ Zisu ta amâ hawna cha pasaih ta. Thlahpa puapazy cha pua ei ta, vaozy chhôh liana cha a ngia ei ta. Vao zaw cha sâh no dua châ ei ta, chhutla lâta tilaipi lâ a râ lymâ ei ta, tilaipi liata ama tlasao khai haw.

MÂKA 5:13 ပူးပေါင်းရင်းမြစ်များ

1 ABEIZY 22:22

Abeipa ta a hnohta, ‘Khâpa ta maw?’ tah ta. Ano ta, ‘Vawh aw na ta, a hrohsopa zydua pakah liata thlahpa haih thaipa ei kei châ aw,’ tah ta. Abeipa ta, ‘Kei reipasao aw chi ta, na pahnie aw. Vawh la, cha hawhna chata kei tao teh,’ tah ta.

ZAWBÂ 1:12

Abeipa ta Sâtâ hnohta, “Moh teh, a hneina zydua na ku liata a y. Ano chô liata deikua, na ku na pazawh awpa châ vei,” tah ta. Chatawhcha Sâtâ cha Abeipa hmiakô tawhta pua ha ta.

ZAWBÂ 2:6

Abeipa ta Sâtâ hnohta, “Moh teh, ano cha na ku liata a y. A hrona deikua na pahlôh awpa a châ,” tah ta.

MATHAI 7:6

“Izy cha hmo pathaihpa pie leipa u la, vaozy hmiakô liata nama taikuh lôsôhpazy thy hra khuh vy. Ama phei ta tly aw ei ta, ama châ liehnao pathlei aw.

MATHAI 8:32

Zisu ta ama hnohta, “Sie teh u,” tah ta. Chatawhcha vaw pua ei ta, vaozy chhôh liana cha a ngia ei ta, vao zaw zydua cha tilaipi ngiahkâ pâdawhpa lâ a râ ei ta, ti liata tlasao khai ha ei ta.

MÂKA 5:12

Thlahpa puapazy ta Zisu cha a haw ei ta, a hnohta, “Vaozy lâ hao miah papua la, âmo chhôh lâ miah pangiasa teh,” tah ei ta.

MÂKA 5:14

Vao pasatuhpazy cha a râ ei ta, cha thâtih cha khihpi liata nata khitaw zy liata reih ei ta. Hmo a tlôpa cha moh awpa ta zawpizy a vy ei ta.

ZAWHÂNA 8:44

Nâmo cha nama paw ahripa tawhta a puapa châ ei chi ta, nama khopa cha, nama paw khopa taopa a châ. Ano cha âthaona tawhta lianycheihpa châ ta, ano liata biehmeiseihpa rai a y leipa vâta, biehmeiseihpa liata a duah vei. Haipa bie a rei nahta, ano châna dopa a palâsa tyh. Ano cha haihthaipa nata haipa bie zydua paw a châ.

1 PITY 3:22

Zisu Krista cha vârâh lâ kiah ta, Khazohpa chachâh lâta y ta, vâlyuhchâpazy, biehneinazy nata hmotaotheinazy cha ano rei sai ta y awpa ta taopa ama châ.

BIEPHUAH 20:7

Kô sâh kha a lei tawhta, Sâtâ cha patâhna tawhta pathliepa châ aw ta,

BIEPHUAH 9:11

Leichiepa khaohtlô vâlyuhchâpa cha ama bei ta hnei ei ta, a moh cha Hebrai reih ta Abadô châ ta, Krikâh reih ta Apôliô a châ.