MÂKA 4:39 - Mara Bible RV (BSI)

³⁹ Zisu cha kaw thyu ta, thlih cha ra ta, tilaipi hnohta, “A chalih la, a thlih molo teh!” tah ta. Thlih cha a chalih ta, sidia ha ta.

MÂKA 4:39 ပူးပေါင်းရင်းမြစ်များ

ZAWBÂ 38:11

‘He rakha he a vy aw chi ta, Vaw khô aw va chi, Na tichatlaopa rônahpa chhao, he liata a chhâ aw,’ A tahtuhpa kha ahy ma a châ tly?

HLAZY 107:29

Thlihpipa cha chalihsa ta, Tichatlaopazy sidiapa ta ama y.

HLAZY 148:8

Mei nata pareih, dâhaw nata ameih zy saih u, Abeipa cha reithai u la; A bie a zyhpa thlihpizy saih u, Abeipa cha reithai teh u!

HLAZY 29:10

Abeipa cha tipaua chô liata bei ta a tyuh ta, Abeipa cha tlyzaw ta bei ta a tyuhpa a châ.

HLAZY 65:7

Tilaipi a aoh ngâpazy chalihsa chi ta, Ama tichatlaopa a aoh ngâpazy chalihsapa ta, Phopizy atlaokalina na chalihsa haw.

HLAZY 89:9

Tilaipi a lai lymâpa chô liata ryureih chi ta, Tichatlaopa a pathluah ngâpazy na chalihsa tyh.

PUASAINA 14:16

Na chôchahrei kha hy la, tilaipi chô liata na ku pazawh la, tilaipi kha pachhaih mah y. Chatanachata Izarei sawzy cha tilaipi chhôh alei hipa liata ama sie aw.

PUASAINA 14:22

Izarei sawzy cha tilaipi chhôh alei hipa liata sie ei ta, tizy cha ama chachâh lâ nata ama chavei lâta âmo châta pâhchhô hawhta vaw y ta.

BIESOZY 8:29

Tizy ta a biepiepa ama parao lei nawpa ta, Tilaipi râhrizy taopa ta leilô abôna a tao no khata ei y haw.

ZEREMIAH 5:22

Na chi aw veih ei chi ma? Ei hmiakô liata a chalyu aw vei ei chi ma? Kei he tilaipi râhri châta sadi a sohtuhpa châ na ta, Tilaipi a khô lei nawpa ta, Chhâzaw pakhâna châta sadi a sohtuhpa ei châ. Tichatlaopazy a chatlao ngâ kaw hra ei sala, Râhri khô thei leipa ei ta; A aoh ngâ kaw hra ei sala, Râhri siepakhô thei veih ei,” Abeipa ta a tah.

CHAPHÔHTUNA 3:31

Abeipa ta a chyhsazy cha, Chhâzaw ta thy pathlah aw vei.

NÂHU 1:4

Tilaipi rapa ta pakua ta, Chavah zydua a pakua khai; Bâsanâ nata Kâmel raoh ei ta, Lebanaw pawpi a uah.

MATHAI 8:26

Zisu ta ama hnohta, “Ngiapâna chyhpa saih u, khazia nama chi?” tah ta. Thyu ta thlihzy nata tichatlaopa cha ra ta, sidia ha ta.

MÂKA 4:38

Châhrasala ano cha balyh chao lâ liata lahuah a huapa ta a mô thlâh ha ta. Kei pathyu ei ta, a hnohta, “Pachutuhpa, eima leidia awpa he pei tah va chi ma?” tah ei ta.

MÂKA 9:25

Zawpi amâ vaw râpakhy haipa Zisu ta a hmô nahta, thlahpa puapa cha ra ta, a hnohta, “Nâ, reih pathlie thei leina nata nahpâna thlahpa, bie ei cha pie, a chhôh tawhta vaw pua la, a ngia heih khao khah y,” tah ta.

LUKA 4:35

Zisu ta ano cha ra ta, a hnohta, “A chalih la, a chhôh tawhta pua teh!” tah ta. Cha chyhsa cha ahripa ta ama hry liata papaosa ta, pasasa leipa ta, a chhôh tawhta a vaw pua haw.

LUKA 4:39

A kiapâh liata a kei duah ta, hrisypa cha ra ta, pai ha ta. Pity pihnô cha thlai thyu ta, âmo cha chakao ta.

LUKA 8:24

Vawh ei ta, Zisu cha kei pathyu ei ta, a hnohta, “Pachutuhpa, Pachutuhpa, eima leidia aw he zaw!” tah ei ta. Zisu cha a vaw hra ta, thlih nata tichatlaopa ru ngaitapa cha ra ta, a chalih ei ta, sidia ha ta.