MÂKA 4:38 - Mara Bible RV (BSI)

³⁸ Châhrasala ano cha balyh chao lâ liata lahuah a huapa ta a mô thlâh ha ta. Kei pathyu ei ta, a hnohta, “Pachutuhpa, eima leidia awpa he pei tah va chi ma?” tah ei ta.

MÂKA 4:38 ပူးပေါင်းရင်းမြစ်များ

ISAI 63:15

Vârâh tawhta za sai la, moh tua, Na pathaihna su tawhta za sai la, Na rônahna su tawhta za sai tua. Na phahnai ngiahna kha khataih liata y ta, Na thatlôna khataih liata a y haw? Na palôh pathyuna nata na thapasana zy kha, Eima châta pakhâpa a châ ha he zaw.

ISAI 64:12

Hy Abeipa y, cha hmozy kyh liata Maoh na oh thlâh ha aw ma? A chalih thlâh hapa ta ma Thata pasa miah na pataosa aw?

CHAPHÔHTUNA 3:8

Baona hiapa ta ei awsaopa chhao ta, Ei thlahchhâna a khaw haw.

MATHAI 22:16

Ama pachupazy nata Herawda py liata chyhsazy ano lâ tuah ei ta, âmo ta a hnohta, “Pachutuhpa, chyhsa dopa na châpa pahno pi ta, Khazohpa lâpi â dopa ta pachu chi ta, chyhsa pachâna la hlei leipa chi ta, chyhsa pôraoh nata hmisâ zy moh va chi tahpa eima pahno.

MATHAI 8:25

A pachupazy a vy ei ta, Zisu cha pahra ei ta, “Abeipa, miah pachha teh, eima leidia hai hih,” tah ei ta.

MÂKA 4:37

Thlihpi ru ngaitapa vaw pathli ta, tichatlaopazy ta balyh cha thata su ta, balyh cha ti ta bie daihmâ ha ta.

MÂKA 4:39

Zisu cha kaw thyu ta, thlih cha ra ta, tilaipi hnohta, “A chalih la, a thlih molo teh!” tah ta. Thlih cha a chalih ta, sidia ha ta.

LUKA 8:24

Vawh ei ta, Zisu cha kei pathyu ei ta, a hnohta, “Pachutuhpa, Pachutuhpa, eima leidia aw he zaw!” tah ei ta. Zisu cha a vaw hra ta, thlih nata tichatlaopa ru ngaitapa cha ra ta, a chalih ei ta, sidia ha ta.

ZAWHÂNA 4:6

Zakaw tikhaoh chhao cha liata a y. Zisu cha a sie rietheipa vâta tikhaoh kiah liata a tyu ta. Nohchhô lichih châ ta.

HEBRAI 2:17

Chavâta chyhsazy châta molei reihpha cheina tao awpa ta, Khazohpa chakaona liata zawngiah theipa nata ngâchhihpa theihthai beichaipa a châ thei nawpa ta, kyh to liata a unawhzy hawhta a y awpa cha a byuhpa rai a châ.

HEBRAI 4:15

Eima chiehleinazy miah a pahnokhei thai leipa theihthai beichaipa a hneipa châ leipa pi ta, keimo hawhta kyh to liata reipasaona a tyh ta, châhrasala a molei leipa theihthai beichaipa eima hnei.

1 PITY 5:7

Khazohpa ta cha pachâ ngaita ei ta, chavâta nama nôpona zydua a chô liata pahnieh teh u.