MÂKA 4:24 - Mara Bible RV (BSI)

²⁴ Zisu ta ama hnohta, “Nama bie theipa cha pakhâta ta pachâ teh u: nama panuana lilaw ta panuapa châ aw ei chi ta, cha hlâta hluh via chhao ta piepa nama châ aw.

MÂKA 4:24 ပူးပေါင်းရင်းမြစ်များ

BIESOZY 19:27

Ei sawchapawpa y, pachuna nathliepa na bâsai khiahta cha, Novâhna biezy na paviasai aw.

ISAI 55:3

Nama nah pachôhpa ta kei lâ a vy u la, Nama hro thei nawpa ta ei bie nathlie teh u, Nama hnohta tlyzaw biehrai ei tao aw; Dâvi hnohta bie ei taihpa kha pa-i aw na ta, Ei kyhpachâna ngâchhihpa ei pa-i aw.

ZEREMIAH 17:21

“‘Abeipa ta hetana heta a tah: Nama hrona châta a chado kaw teh u. Pahânoh ta hmo rai phaoh leipa u la, Zerusale thokhy chhikao liata a ngiakhei hra khuh vy.

MATHAI 7:2

Nama seipa hawhta cha sei aw ei ta, nama panuapa hawhta ama cha panuapa aw.

MÂKA 9:7

Chatawhcha meihdo ta âmo cha vaw khu ta, meihdo tawhta ao vaw pua ta, “He he ei Sawchapaw, kyh ei pachâpa a châ. A bie nathlie teh u,” tah ta.

LUKA 8:18

Chavâta nama bie theipa liata a chado teh u. A hneipa cha baichhapa châ aw ta, a hnei leipa cha, hneipa hawhta â pachâpa chhao, ano tawhta lapa a châ aw,” tah ta.

ZAWHÂNA 10:16

He mietaku sadô liata a y leipa mietaku hropazy ei hnei. Âmo chhao a vaw chhi aw ei na ta, ei ao ama thei hra aw. Chatanachata zaw kha ta y aw ei ta, vaituhpa pakha ama hnei aw.

ZAWHÂNA 10:27

Ei mietakuzy ta ei ao thei ei ta, kei ta âmo pahno ei na ta, âmo ta eina pazi ei.

ZAWHÂNA 5:25

“Hmeiseihta ta, hmeiseihta ta ei cha chho ei, a daihti a vaw tlô daihmâ, tahmâ chhao a vaw tlô haw. Cha tita athihpazy ta Khazohpa Sawchapawpa ao thei aw ei ta, a theipa maih ama hroh aw.

HMOTAOPAZY 17:11

Beria mo cha Thysalawnika mo hlâta pha via ei ta, pahâ ngaitapa ta bie cha dao ei ta, ama reipa cha â do nata do lei pasia nawpa ta noh chareih ta Biehrai a chu pasia tyhpa ama châ.

2 KAWRINI 9:6

He he pahno teh u: A chyhta a tupa ta a chyhta hria aw ta, a hluhpi a tupa ta a hluhpi a hria aw.

HEBRAI 2:1

Chavâta bie eima theipazy kha eima pachâ peimawh pachai awpa a châ. Chataleipatala biezy cha eimâ sysai pathlei aw na.

1 PITY 2:2

Hawsaih pih thiehpazy hawhta, thlahpa sâhpiti patapa vâ u la, chatanachata nama pachhana liata nama laiseih lymâ aw.

1 ZAWHÂNA 4:1

Kho ngaitapa saih u, thlahpa momaih zo khuh vy. Hrohso pakheipa hluhpi khizaw liata ama vaw pua hapa vâta, thlahpazy cha Khazohpa tawhta a châ ma, châ vei ma tahpa pasia tyh muh vy.