MÂKA 3:7 - Mara Bible RV (BSI)

⁷ Zisu cha a pachupazy chhaota tipo lâ sie ta, Kâlili nata Zudia râhzy tawhta chyhsa hluhpi ta ano cha zi ei ta.

MÂKA 3:7 ပူးပေါင်းရင်းမြစ်များ

MATHAI 10:23

Khihpi miakha liata ama cha taola tita, khihpi hropa lâ a râ teh u. Hmeiseihta ta ei cha chho ei, Chyhsa Sawchapawpa â vy hlâta Izarei khihpi zydua chahryh khai hmâ aw veih ei chi.

MATHAI 12:15

Amâ chhuahpa cha a pahno nahta, Zisu cha, cha su tawhta sie ha ta. Chyhsa hluhpi ta ano cha zi ei ta, ama zydua ta patlâh ta.

MATHAI 12:16

A châna phuah lei awpa ta âmo cha biepie ta.

MATHAI 4:25

Kâlili tawhta zy, Dekâpôli tawhta zy, Zerusale tawhta zy, Zudia tawhta nata Zawdâh haosâ râh tawh zy ta zawpi hluhpi ta ano cha zi ei ta.

MÂKA 1:39

Kâlili râh zydua chahryh ta, amâ pakhyna ozy liata bie chho ta, ahripazy papua ta.

MÂKA 1:45

Châhrasala cha chyhsa cha pua ta, a pathaih hana kyh cha reih lymâpa ta, thâtih tlao pathâhsa lymâ ta. Chavâta Zisu cha â lâhâhpa ta khihpi liata a ngia thei khao leipa ta, su dâhthlohpazy liata tlao y ta, su to tawhta ano cha ama pangai lymâ.

MÂKA 3:20

Zisu cha o lâ a di ta. Chyhsa hluhpi a hnohta a vypakhy heih ei ta, chavâta Zisu nata a pachupazy cha pati chhao nie hmâ khao leipa ei ta.

MÂKA 4:1

Tipo kiah liata pachu heih ta. Zawpi hluhpi a hnohta a vypakhy ei ta, tipo liata balyh liata kiah ta, a chô liata a tyuh ta, zawpizy deikua cha tipo kiah liata y ei ta.

LUKA 23:5

Châhrasala âmo ta, “Kâlili râh tawhta pathaopa ta, he su taihta, Zudia râh su to liata pachupa ta chyhsazy a patypamâ lymâ,” tahpa ta leih via rili ei ta.

LUKA 6:12

Cha nohzy liata, Zisu cha thlahchhâ awpa ta tlâh lâ khy ta, azozâkhihdei ta Khazohpa lâ thlahchhâ ta.

LUKA 6:17

Ama hnohta zu ta, a bypa liata a duah ta. A pachupazy ano lâ a vy ei ta. Zudia râh zydua tawhta nata Zerusale khih tawhta nata tilaipi kiah Tyre nata Sidaw khihzy tawhta chyhsa hluhpi ano lâ a vy ei ta.

ZAWHÂNA 7:41

Ahropazy ta, “He he Mesia a châ,” tah ei ta. Thokha hropazy deikua ta, “Mesia cha ma Kâlili râh tawhta a vaw pua aw tly?

ZAWHÂNA 7:52

Âmo ta a chhy ei ta, “Nâ chhao cha Kâlili chyhsa châ hra khiah chi? Patuapalua la, pachâ tua, Kâlili tawhta hrohsopa pua beih veih ei tahpa pahno châh chi,” tah ei ta.

HMOTAOPAZY 17:10

Unawhzy ta azo ta Pawla nata Sila cha Beria khih lâ thlai pasiesa ei ta, ama kei tlô nahta, Zuzy pakhyna o liata a ngia ei ta.

HMOTAOPAZY 17:14

Chavâta Pawla cha pasiesa ha awpa ta unawhzy ta tilaipi lâ thlai siekhei ei ta. Sila nata Timawthy deikua cha, cha liata y pazao ei ta.

ZAWSUA 20:7

Chatanachata Nâthalai tlâh râh Kâlili liata Kedesâ khihpi, Epharai tlâh râh liata Sekhe khihpi nata Zudâh tlâh râh liata Kiriathâbâ khihpizy cha abohna khihpizy châta rao ei ta. Kiriathâbâ cha Hebraw tahpa a châ hra.

ZAWSUA 21:32

Nâthalai chi tovyuh tawhta lianycheituhpazy abohna khihpi Kâlili râh liata Kedesâ khihpi nata a chabyzy, Hâmôdaw khihpi nata a chabyzy nata Kâtani khihpi nata a chabyzy, khihpi miathôh piepa ama châ.