MÂKA 3:3 - Mara Bible RV (BSI)

³ Zisu ta kusypa hnohta, “A duah teh,” tah ta.

MÂKA 3:3 ပူးပေါင်းရင်းမြစ်များ

ISAI 42:4

Alei chô liata adona a chareisa hlâlei cha, A thachhâ leipa aw ta, A hnabeidy aw vei; A ryhpa bie cha, Tilaipi kiah râhzy ta ama hâ thlâh ha aw.

DÂNIAH 6:10

Pakhâna biepiepa cha moh ro thlupa a châ haw tahpa a pahnopa nahta, Dâniah cha a o lâ thlai a di ta. A o chô chhâh opyzy cha Zerusale lâ paheipa ta pahypa châ ta. A vaw tao tyhpa hawhta, noh kha ta ei thôh a pakhu paneihpa ta, a Khazohpa hmiakô liata thlahchhâpa ta alyna bie reih ta.

MATHAI 12:10

Chyhsa pakha ku sypa y ta, Zisu ama leih thei nawpa ta a hnohta, “Pahânoh ta chyhsa patlâhpa he Ryhpa ta a pasaih ma?” tahpa ta hiahri ei ta.

MÂKA 3:2

Ano ama leih thei nawpa ta, Pahânoh ta a patlâh ma tahpa moh thlâh ha ei ta.

MÂKA 3:4

Zawpi hnohta, “Pahânoh ta khâpa tao awpa ma ryhpa ta a pasai? Hmopha tao awpa ma, pasasa awpa maw? Hrona pachha awpa ma, thie awpa maw?” tah ta. A thlih thlâh ha ei ta.

LUKA 6:8

Zisu ta ama palôh a pahno nahta, kusypa hnohta. “A vy la, he liata a vaw duah teh,” tah ta. Kusypa cha thyu ta, cha liata a duah ta.

ZAWHÂNA 9:4

Nohchhô a châ nota nâ tuahtuhpa rai ei hria awpa a châ. Zâ châ daihmâ ta, cha tita la ahy hmahta rai hria thei khao aw veih ei.

1 KAWRINI 15:58

Chavâta unawh kho ngaitapazy saih u, â ipa ta a duah u la, papie thei lei awpa ta a pachyu teh u. Nama hriapasana cha Abeipa liata hraoleipa châ vei tahpa pahnopa ta, Abeipa raihria cha phahnai ngiah ngaitapa ta hria lymâ teh u.

KALATIA 6:9

Hmo pha tao ai khah ei suh u. Eima diathlâ leipa khiahta la, a daihtita liata a thei eima hria aw.

PHILIPI 1:14

Bâlia ei kypa heta unawh hluhpi Abeipa liata ama riah paphasa ta, chi khao leipa ta, riahpha viapa ta Khazohpa bie ama chho lymâ.

1 PITY 4:1

Krista cha sapa ta pasa a taopa a châpa vâta, nâmo chhao, cha hawhpa pachâna chata a tobi hra teh u. Sapa ta pasa a tao hapa cha moleina a bâhsaipa a châ.