MÂKA 3:17 - Mara Bible RV (BSI)

¹⁷ Tôkalôhpa sawzy tahpa ta ama moh a bipa Zebâdi sawchapawpa Zâmie nata a unawhpa Zawhâna,

MÂKA 3:17 ပူးပေါင်းရင်းမြစ်များ

ISAI 58:1

“A chado leipa ta a paro ngaitapa ta awh la, Chiahmie hawhta na ao papua teh. Ei phopi hnohta ama paraona phuah la, Zakaw pathlazy hnohta ama moleinazy phuah teh.

ZEREMIAH 23:29

“Ei bie cha mei hawhta châ ta, lôpanô a pakeichheih khai theipa syulô hawhta châ vei ma?” Abeipa ta a tah.

MATHAI 4:21

Cha tawhtapa cha sie lymâ ta, unawh hropa pano, Zebâdi sawchapawpa Zâmie nata a unawhpa Zawhâna zy cha ama paw Zebâdi chhaota saozy balyh liata ama taopathi ngâpa hmô ta, âmo cha aw ta.

MÂKA 10:35

Zebâdi sawchapaw Zâmie nata Zawhâna cha Zisu lâ a vy ei ta, a hnohta, “Pachutuhpa, eima châ hawpa maih miah na taopa awpa ta eima khoh,” tah ei ta.

MÂKA 14:33

A hnohta Pity nata Zâmie nata Zawhâna a chhi ta, Zisu cha nôpopa ta a pachârôh ngaita ta.

MÂKA 3:16

Chazy cha Pity tahpa ta moh a bipa Saimaw,

MÂKA 3:18

Adaru, Phili, Bâthawlawmu, Mathai, Thawma, Alphu sawchapawpa Zâmie, Thâdia, Kâna chyhsa Saimaw nata

MÂKA 5:37

Pity nata Zâmie nata Zâmie unawhpa Zawhâna zy dei leipa cha, ahy hmahta ano zi awpa pasaih leipa ta.

MÂKA 9:2

Noh charu khai tawhta Zisu ta Pity, Zâmie nata Zawhâna zy a chhi ta, âmo dei ta tlâh sâhpa lâ khykhei ta. A hmiaphao cha ama hmiakô liata a vaw nano ha ta.

LUKA 9:54

Cha cha a pachupa Zâmie nata Zawhâna ta ama pahno nahta, “Abeipa, he sahlao he kâ khai awpa ta, Elaizâh hawh khata avâ tawhta mei pathla awpa ta aw sih la, a pha na tah ma?” tah ei ta.

ZAWHÂNA 21:2

Saimaw Pity, Maphieh ama tahpa Thawma, Kâlili chyhsa Kena khihpa Nâthaniah, Zebâdi sawchapawzy nata a pachupa hropa panozy chhaota hmaohkha ta y ei ta.

HMOTAOPAZY 12:1

Cha daihti rachhôh liata, Bei Herawda ta Awnanopa sahlao thokha chô liata a ku hypa ta taola ta.

HEBRAI 4:12

Khazohpa bie cha hroh ta, hmo tao thei ta, zaozi hâh nopa hlâta tiah via ta, hrona nata thlahpa, ru nata lathli pachhaih theina taihta chhôpahlie thei ta, palôh pachâna nata achhuahnazy a pahno thei.

BIEPHUAH 10:11

Chatawhcha ei hnohta, “Phopi hluhpizy, râh hluhpizy, reih hluhpizy nata bei hluhpizy kyh na chhochhielie heih awpa a châ,” tahpa ta na chho ta.