MÂKA 3:12 - Mara Bible RV (BSI)

¹² Châhrasala a châna phuah lei awpa ta, âmo cha â i ngaitapa ta biepie ta.

MÂKA 3:12 ပူးပေါင်းရင်းမြစ်များ

MATHAI 12:16

A châna phuah lei awpa ta âmo cha biepie ta.

MATHAI 8:4

Zisu ta a hnohta, “Ahy hmahta chho lei awpa ta a sohsi mah y. Anodeikuacha ama zo thei nawpa ta, sie la, theihthaipa a kei pamosa la, Mawsi ta hmo hlâ awpa a raopa kha kei hlâ mah y,” tah ta.

MATHAI 9:30

Ama mo vaw pavâ ha ta. Zisu ta âmo cha zikyu a râ ta, ama hnohta, “Ahy hmahta pahno lei awpa ta a sohsi muh vy,” tah ta.

MÂKA 1:25

Zisu ta thlahpa cha ra ta, a hnohta, “A chalih la, a chhôh tawhta pua teh” tah ta.

MÂKA 1:34

Tlâhleipa hluhpi, pasana hri nanopa a ohpazy patlâh ta, ahripa hluhpi papua hra ta. Ahripazy ta ano cha ama pahnopasiapa vâta, bie ama rei awpa pasaih leipa ta.

HMOTAOPAZY 16:18

Cha hawhna chata noh hluhpi tao ta. Pawla cha a palôh châ khao leipa ta, a heih ta, thlahpa hnohna chata, “A chhôh tawhta pua awpa ta, Zisu Krista moh ta bie ei cha pie,” tah ta. Cha dawh lia tlai chata pua ha ta.