MÂKA 2:8 - Mara Bible RV (BSI)

⁸ Cha hawhta ama palôh liata ama pachâpa cha Zisu ta a thlahpa ta thlai pahno ta, ama hnohta, “Cha bie cha khazia nama palôh liata nama pachâ?

MÂKA 2:8 ပူးပေါင်းရင်းမြစ်များ

1 THÂTIHZYRONA 29:17

Ei Khazohpa y, nâ cha palôh mohpasia chi ta, adona liata nâ ly tahpa ei pahno. Palôh dopa phaopa ta, he hmozy he keima lôhthai tlai ta ei vaw hlâ. He liata a ypa na chyhsazy chhao heta âmo lôhthai tlai ta, a ly ngaitapa ta ama cha vaw hlâ tahpa ei hmô.

HLAZY 139:2

Ei tyupa nata ei duapa pahno chi ta, Ei pachânazy chhao lâhlapi tawhta na pahno.

BIESOZY 15:26

Moleipazy pachâna cha Abeipa châta pasichhihpa châ ta, Mopathaihpazy bie deikua cha khochhihpa a châ.

BIESOZY 24:9

Ahrupa ryhraona cha moleina châ ta, Chyhsa mohnao a hmâhpa cha, Chyhsapa châta pasichhihpa a châ.

ISAI 55:7

Moleipa ta a hrozie siesai sala, Sialeipa ta a pachânazy pathleih sala, Abeipa lâ kua heih mawh sy, Abeipa ta a vaw ngiachhie aw; Eima Khazohpa lâ kua heih mawh sy, Khazohpa ta tlokhuh â ngiahthai aw.

EZEKIA 38:10

“Abeipa Zehôvâh ta hetana heta a tah: Cha noh liata, na palôh liata pachâna a vaw ngia aw ta, hmo pha leipa pachâhpadypa ta,

MATHAI 12:15

Amâ chhuahpa cha a pahno nahta, Zisu cha, cha su tawhta sie ha ta. Chyhsa hluhpi ta ano cha zi ei ta, ama zydua ta patlâh ta.

MATHAI 16:7

Pachupazy ta, “Viahchhâ a vaw phao leipa pi ta,” tah ei ta.

MATHAI 9:4

Zisu ta ama pachânazy cha pahnopa ta, “Khazia nama palôh liata hmo moleipa nama pachâ?

MÂKA 2:7

“Khazia he chyhsa heta cha hawhta bie a reih? Khazohpa a reipachhie he! Khazohpa dei leipa ta, ahy ma moleinazy a ngiahthai thei?” tahpa ta pachâ ei ta.

MÂKA 2:9

Pheisypa hnohna heta, ‘Na moleinazy a ngiahthaipa a châ haw,’ tahpa nata ‘Thyu la, na hmohphaw la la, phei ta sie teh,’ tahpa he a kheihawhpa ma a rei a nao via?

MÂKA 7:21

Chhôh tawhta, chyhsapa pathipalôh tawhta, pachâna moleipazy a kaw pua tyh. Apatlana, paruna, lianycheina, apheina,

LUKA 24:38

Zisu ta ama hnohta, “Khazia tymâpa ta nama y? Khazia nama palôh liata a lôh leina a y?

LUKA 5:22

Zisu ta ama pachâna cha a pahno nahta, “Khazia nama palôh ta nama sei tly?

LUKA 6:8

Zisu ta ama palôh a pahno nahta, kusypa hnohta. “A vy la, he liata a vaw duah teh,” tah ta. Kusypa cha thyu ta, cha liata a duah ta.

ZAWHÂNA 21:17

A ei thôhna ta Zisu ta Pity hnohta, “Saimaw, Zawhâna sawchapawpa, kyh eina pachâ chi ma?” tah ta. Pity cha Zisu ta a ei thôhna ta, “Kyh eina pachâ chi ma?” a tahpa vâta, a pachârôh ta, a hnohta, “Abeipa, ato pahno chi ta, kyh ei cha pachâpa chhao na pahno na,” tah ta. Zisu ta a hnohta, “Ei mietakuzy pasa teh.

ZAWHÂNA 6:64

Châhrasala nama hry liata thokha a zo leipa nama y,” tah ta. Ahyzy ma a zo veih ei, ahy ma a patusa aw, tahpazy cha Zisu ta athaona tawhta a vaw pahno chhielie hapa a châ.

HMOTAOPAZY 5:3

Pity ta, “Anania, Thlahpa Pathaihpa dô awpa nata râh zuana ty phih bâ awpa ta, khazia Sâtâ ta na palôh a pabie?

HMOTAOPAZY 8:22

Chavâta na moleina ro la, na palôh phaozie a châ ngiahthai thei nawpa ta, Abeipa lâ thlahchhâ mah y.

HEBRAI 4:13

A mohmô tawhta a nyu theipa hmotaopa rai y vei. Eima thâtih eima tlôkhei nawpa mohmô liata cha, ato thluahruapa nata pahy chiehpa ta a y khai.

BIEPHUAH 2:23

A sawzy tusao aw na ta, chatanachata kei cha pachâna nata palôh mohtuhpa ei châ tahpa Awnanopa zydua ta ama pahno aw. Nama hmotaopazy lymâ hawhta ei cha pie aw ei.