MÂKA 2:5 - Mara Bible RV (BSI)

⁵ Zisu ta amâ ngiapâna cha a hmô nahta, asypa hnohta, “Ei sawchapawpa, na moleinazy a ngiahthaipa a châ haw,” tah ta.

MÂKA 2:5 ပူးပေါင်းရင်းမြစ်များ

ÂTHAONA 22:12

Ano ta, “Hawtipa chô liata na ku pathla leipa la, kheihta hmah a chô liata tao khah y. Na sawchapawpa, na sawchapaw matlupa tlai chhao na pie awpa na thlyu leipa ei hmôpa ta, Khazohpa na chi tahpa tahmâ ei pahno haw,” tah ta.

HLAZY 103:3

Ano cha na paraona zydua a ngiathaituhpa châ ta, Na pasana zydua patlâhtuhpa a châ.

ISAI 38:17

Pachâ tua, nôpona thata ei tyhpa kha, Keima pha nawpa châta tlao a vaw châ. Châhrasala kyhpachâna ta ei hrona na pachha chi ta, Raona khaohtlô tawhta eina pachha ha chi; Ei moleina zydua kha, Na hnohky lâ na thy khai haw.

ISAI 53:11

Pasataona khô lâta hrona khaihna hmô aw ta, Palôhtlâh ngaitapa ta a y aw. Nâ chakaotuhpa chyhsa siapa cha, A pahnona hmâpa ta chyhsa hluhpi thai pachâsa aw ta, Ama paraonazy a phaopa aw ei.

MATHAI 9:2

Chyhsa thokha ta asypa pakha a rakhô chhaota ano lâ a vaw sy ei ta. Zisu ta amâ ngiapâna a hmô nahta, asypa hnohta, “Ei sawchapawpa, thlalôhpa ta y mah y, na moleinazy a ngiahthaipa a châ haw,” tah ta.

MATHAI 9:22

Zisu cha a vaw heih ta, chanô cha hmô ta, a hnohta, “Ei sawchanô, thlalôhpa ta y mah y. Nâ ngiapâna ta a cha patlâh haw,” tah ta. Cha dawh liana chata chanô cha patlâhpa ta y ha ta.

MATHAI 9:5

Kheihawhpa ma a rei a nao via aw, ‘Na moleinazy a ngiahthaipa a châ haw,’ tahpa ma, ‘Thyu la sie teh,’ tahpa maw?

MÂKA 2:6

Cha liata ryhpa pachutuhpa thokha a tyuh hra ei ta, ama palôh liata,

MÂKA 5:34

Zisu ta a hnohta, “Ei sawchanô, nâ ngiapâna ta a cha patlâh haw. Thlalôhpa ta sie la, na pasana tawhta tlâh ha mah y,” tah ta.

LUKA 5:20

Amâ ngiapâna cha a hmô nahta, Zisu ta, “Chyhsa y, na moleinazy a ngiahthaipa a châ haw,” tah ta.

LUKA 8:48

Zisu ta a hnohta, “Ei sawchanô, nâ ngiapâna ta a cha patlâh haw. Thlalôhpa ta sie mah y,” tah ta.

ZAWHÂNA 2:25

Chyhsapa palôh chhôh liata a ypa a pahno khaipa vâta, chyhsapa kyh liata chyhsapa ta a pahnokhei awpa a ngiah vei.

ZAWHÂNA 5:14

A noh hropa ta Zisu ta ano cha Achhyna o liata hmô ta, a hnohta, “Moh teh, na tlâh ha hih! Molei khao khah y. Chataleipatala hmopha lei viapa na chô liata a vaw tlô pathlei aw na,” tah ta.

HMOTAOPAZY 11:23

Bânabâ cha Antiôkâ tlô ta, Khazohpa ngiachhiena raihria a hmô nahta, a ly ngaita ta, achhuahna a ipa hneipa ta, Abeipa châta ngâchhih awpa ta âmo cha pasyu ta.

HMOTAOPAZY 14:9

Cha chyhsa chata Pawla bie reipa cha nathlie ta. Pawla ta ano cha a phapa ta moh ta, tlâh nawpa ta ngiapâna a hneipa pahno ta.

HMOTAOPAZY 5:31

Izarei parosa ta, moleinazy a ngiahthai awpa ta, Khazohpa ta ano cha a chachâh lâta patyusa ta, Hyutuhpa nata Pachhatuhpa ta y awpa ta a cheihchalo haw.

1 KAWRINI 11:30

Chavâta nama hry liata chyhsa hluhpi chiehleipa nata tlâhleipa ta y ei chi ta, thokha chhochhi cha ama thi haw.

2 KAWRINI 2:10

Namâ ngiahthaipa maih kei chhao ei ngiahthai hra aw. Ei ngiahthai khiahta cha, nâmo vâta Krista hmiakô liata ei ngiahthaipa a châ.

EPHESI 2:8

Ngiachhiena vâta ngiapâna ta pachhapa nama châ. Cha chhao cha nâmo tawhta a puapa châ leipa ta, Khazohpa hmosaipiepa a châ.

KAOLAOSÂ 3:13

A chhyh thai raihrie u la, nama likah liata biepeipa a y khiahta cha, a ngiahthai raihrie teh u. Abeipa ta a châ ngiahthai hapa hawh ei ta, nâmo chhao namâ ngiahthai hra awpa a châ.

ZÂMIE 5:15

Ngiapâna ta thlahchhâna ta tlâhleipa cha pachha aw ta, Abeipa ta ano cha a pathyu aw. Moleina hmo a taopa a châ khiahta cha, a ngiahthaipa a châ aw.