MÂKA 2:27 - Mara Bible RV (BSI)

²⁷ Ama hnohta, “Pahânoh cha chyhsapa châta taopa châ ta, chyhsapa cha Pahânoh châta taopa châ vei.

MÂKA 2:27 ပူးပေါင်းရင်းမြစ်များ

PUASAINA 23:12

“Noh charu chhôh na rai hria aw chi ta, a noh sarina noh deikua cha, nâ pahâ tyh awpa a châ. Chatanachata na viahchao tôhpa nata alâ zy chhao a pahâ aw ei ta, na o liata a pihpa sei nata na hnohta a ypa chihropa zy ama tha a dâh hra aw.

ISAI 58:13

“Na phei ta Pahânoh parao leipa sala, Ei noh pathaihpa noh ta na rai hria khah y; Pahânoh cha hmo lychhihpa tah la, Abeipa noh pathaihpa cha, Noh zachhihpa tahpa ta palyupalih mah y; Nâma lâpi a chhih leipa la, Na khopa tao leipa la, Bie reih chakhyh khah y.

EZEKIA 20:12

Cha dei châ vei, kei he âmo a pathaisatuhpa Abeipa ei châ tahpa ama pahno thei nawpa ta, âmo nata keima likah liata ngiana châta ei Pahânohzy chhao ei pie ei.

EZEKIA 20:20

Kei he Abeipa nama Khazohpa ei châ tahpa nama pahno thei nawpa ta, keima nata nâmo likah liata ngiana châta ei Pahânohzy pathaihsa muh vy tah na ta.’

MÂKA 2:28

Chyhsa Sawchapawpa he Pahânoh Beipa chhao a châ,” tah ta.

LUKA 6:9

Zisu ta ama hnohta, “Ei cha hiahri ei, Pahânoh ta khâpa tao awpa ma ryhpa ta a pasaih, hmo pha tao awpa ma, hmo chhie tao awpa maw? Hrona pabohsapa ma, hrona pahleipadiapa maw?” tah ta.

ZAWHÂNA 7:23

Mawsi piepa chopawtaina ryhpa cha parao lei nawpa ta, Pahânoh chhao ta chopawtaipa a châ khiahta cha, Pahânoh ta chyhsa ei patlâhpa vâta, khazia ei chô liata nama pathi a ia?

2 KAWRINI 4:15

Cha zydua cha nama pha nawpa châ ta, chatanachata ngiachhiena cha chyhsazy hry liata pôh via lymâ aw ta, Khazohpa rônah nawpa ta alyna bie reina chhao a pôh via rili aw.

RYHPACHANEINA 5:12

“Abeipa na Khazohpa ta bie a cha piepa hawhta, Pahânoh pathaisa aw chi ta, na chay awpa a châ.

RYHPACHANEINA 5:14

A noh sarina noh deikua cha, Abeipa na Khazohpa châta Pahânoh a châ. Cha noh liata cha khâpa rai hmah na hria awpa châ vei. Nâ chhao, na sawchapaw chhao, na sawchanô chhao, na seichapaw chhao, na seichanô chhao, na viahchao tôhpa chhao, na alâ chhao, na sahroh zydua nata na o liata chihropa a ypa zydua ta rai nama hria awpa châ vei. Nâ hawhta, na seichapawzy nata na seichanôzy chhao Pahânoh liata cha amâ pahâ khai aw.

KAOLAOSÂ 2:16

Chavâta nie kyh ta tlyma, do kyh ta tlyma, chaypi kyh ta tlyma, thla thieh kyh ta tlyma, Pahânoh kyh ta tlyma, ahy hmahta cha sei khah ei sy.