MÂKA 2:20 - Mara Bible RV (BSI)

²⁰ Myuhneituhpa ama hry tawhta lana nohzy a vaw tlô aw. Cha nohzy liata deikua cha, kâhvileipa ta ama y aw.

MÂKA 2:20 ပူးပေါင်းရင်းမြစ်များ

HLAZY 45:11

Na chhithaina ta abei hia patliasa aw ta, Ano cha na zibeipa châ tlôh ta, A hmiakô liata a bôh tyh mah y.

HLAZY HLA 3:11

Hy Zaio zuahzy saih u, pua u la, Bei Sawlawmaw hao moh tua u. A lapi hnei noh châta a nô ta lakho a pakhopa a kho ta, A palôh thapha noh ta â kho awpa lakho a khopa ta â vy huh.

ISAI 54:5

Châ Taotuhpa cha na vahpa châ ta, A moh Pheisaihzy Abeipa a châ; Châ Chatlaituhpa chhao Izarei Mo Pathaihpa châ ta, ‘Khizaw zydua Khazohpa,’ Tahpa ta awpa a châ.

ISAI 62:5

Satlia ta laihsa kôpa a hneipa hawhta, Na sawchapawzy ta cha hnei aw ei ta; Myuhneituhpa ta myuh â lypa hawhta, Na Khazohpa ta a châ ly aw.

ZEKARIA 13:7

“Hy Zaozi, a hra teh; Ei mietaku vaituhpazy a dyuh la, Nâ chakaotuhpa a dyuh teh,” Pheisaihzy Abeipa ta a tah. “Mietaku vaituhpa tu la, Mietakuzy pai aw ei ta, Mietakutawzy chô liata ei ku ei pazawh aw.

MATHAI 26:31

Zisu ta ama hnohta, “‘Mietaku vaituhpa thie aw na ta, mietaku zaw ama pai aw,’ tahpa ta ropa hawhta, tazâ tlai heta nama zydua ta eina paosai khai aw ei chi.

MATHAI 9:15

Zisu ta ama hnohta, “Myuhneituhpa a y thlâh ha nota, ahneina kyhchhi a hlaopazy mâchhie ama sa aw ma? Ama hry tawhta myuhneituhpa lana daihti vaw tlô aw ta, cha tita deikua cha kâhvileipa ta ama y aw.

MÂKA 2:19

Zisu ta ama hnohta, “Ahneina kyhchhi a hlaopazy ta myuhneituhpa ama hnohta a y chhôh cha, kâhvileipa ta ama y beih ma? Myuhneituhpa ama hnohta a y chhôh zydua cha, kâhvileipa ta y beih veih ei.

MÂKA 2:21

Ahy hmahta chysia parohpa liata pohthâ thiehpa baithla beih veih ei. Ama bai khiahta cha, a baithlana ta tlao a daoparu aw ta, a thiehpa ta a parohpa cha hrie aw ta, tlao â hrie via ha aw.

LUKA 17:22

Chatawhcha pachupazy hnohta, “Chyhsa Sawchapawpa hro nohzy he, noh kha chhâ hmô heih awpa nama khona nohzy a vaw tlô aw. Châhrasala hmô khao aw veih ei chi.

LUKA 5:35

Châhrasala ama hry tawhta myuhneituhpa lana nohzy vaw tlô aw ta, cha nohzy lia deikua cha kâhvileipa ta ama y aw,” tah ta.

ZAWHÂNA 12:8

Dyhchhiepazy cha nama hry liata ama y ngâ thlâh ha aw, kei deikua la nama hnohta y ngâ thlâh ha aw va na,” tah ta.

ZAWHÂNA 13:33

Sawnawh saih u, buakhata nama hnohta ei y chy. Na tlua aw ei chi ta, Zuzy hnohta, ‘Ei sie nawpa lâ a vy thei aw veih ei chi,’ ei tahpa hawhna khata, tahmâ nâmo hnohta chhao ei reih.

ZAWHÂNA 16:28

Paw tawhta vaw pua ta, khizaw liata a vypa ei châ. Tahmâ khizaw siesaipa ta Paw lâ ei di heih aw,” tah ta.

ZAWHÂNA 16:7

Chatahrasala, biehmeiseihpa ei cha chho ei. Ei sie awpa cha nama châta a pha. Ei sie vei khiahta cha, Thlapalôhtuhpa nâmo lâ a vy aw vei. Ei sie khiahta deikua cha, Thlapalôhtuhpa cha nâmo lâ ei vaw tuah aw.

ZAWHÂNA 17:11

Kei la khizaw liata y khao aw va na, he sahlao deikua cha khizaw liata y chy aw ei ta, kei cha nâ lâ ei vaw di ha aw. Ei Paw Pathaihpa y, nâ nata kei pôhkha eima châpa hawhna heta, âmo chhao pôhkha ama châ thei hra nawpa ta, nâ ta eina piepazy chi he na moh ta hrôbieh mah y.

ZAWHÂNA 17:13

Tahmâ nâ lâ ei vaw di daihmâ haw. Ei lyna âmo liata â ki thei nawpa ta, he biezy he khizaw liata ei reih.

ZAWHÂNA 3:29

Myuh a hneipa cha myuhneituhpa a châ. Myuhneituhpa viasa, myuhneituhpa pahnokhei awpa ta a duahpa cha, myuhneituhpa ao a theipa ta a palysa ngaita. Chavâta tahmâ ei lyna pakipa a châ haw.

HMOTAOPAZY 1:9

Cha biezy cha a rei khai nahta, ama hmô thlâh ha nota, avâ lâ a chhipa ta y ta, meihdo ta ama hmô khao leina taihta siekhei ha ta.

HMOTAOPAZY 14:23

Awnanopa hlao to liata machâzy raopa ei ta, kâhvileipa ta thlahchhâpa ta, amâ ngiapâpa Abeipa liata ama pavaosa lymâ.

HMOTAOPAZY 3:21

Khazohpa ta bohpi tawhta a hrohso pathaihpazy pakah ta a vaw reipa, ato taopathi daihti a tlô hlâlei deikua cha, vârâh liata a y chy awpa a châ.

1 KAWRINI 7:5

Thlahchhâ awpa ta namâ pie thei nawpa ta bohpi leipa châta â ryh nama tah raihriepa dei leipa ta cha, nôvah châna kyh liata a paky khuh vy. Thlahchhâ awpa ta bohpi leipa chhôh namâ paky hapa chhao ta, thlah nama chhâ khai tawhta cha, nama yzie tyhpa hawhta y heih tyh muh vy. Chataleipatala namâ sohsi thei leipa vâta Sâtâ ta a cha reipasao pathlei aw ei.

2 KAWRINI 11:2

Vahpa pakha, Krista tlai cha, châ pahawhpa ei na ta, ano châta laihsa kôpa pathaihpa châ awpa ta a hnohta ei hlâ hapa nama châpa vâta, Khazohpa hiatliana ta ei hia ei cha tlia ei.

2 KAWRINI 11:27

Riethei rairunazy thata a tyh na ta, a mô leipa ta zâ hluhpi y na ta, nodi dâhphipa ta ei hluhpi y na ta, kâhvileipa ta y tyh na ta, chasipa nata thluahruapa ta ei hluhpi ei y.

2 KAWRINI 6:5

chheina liata zy, patâhna liata zy, tymâna liata zy, hriapasana liata zy, mokuh saihna liata zy, nodina liata zy;

BIEPHUAH 19:7

Alypa nata thaphapa ta y sih la, Ano palyupalih suh u; Mietakutaw myuh hneina vaw tlô ha ta, A myuh chhao â mâ haw.

BIEPHUAH 21:9

Chatawhcha vâlyuhchâpa pasari hry liata pakha, potlana hnôhchaipa miasari ta a biepa biebuh miasari a chabapa vâlyuhchâpa a vy ta, ei hnohta, “A vy teh, myuhthieh, Mietakutaw lapinô cha ei cha pahmô aw,” na tah ta.